ოთახში ნიავი და ხმაური შემოდის, რაც ხელს გიშლით დასვენების დროს? გამოსავალი არის! დავამზადოთ კარის შემზღუდველი, რომელიც ხელს შეუშლის სამზარეულოს სუნის მისაღებ ოთახში გავრცელებას. მისი შეკერვა სულ რაღაც 30 წუთში შეგიძლიათ.
ხელნაკეთი შემზღუდველი რამდენჯერმე იაფია, ვიდრე შეძენილი, რადგან ის ბიუჯეტური მასალით მზადდება. გარდა ამისა, არაფრის გაბურღვა არ გჭირდებათ. შეკერეთ ორმაგი ბალიში, რომელიც წლების განმავლობაში მოგემსახურებათ.
როგორ დავამზადოთ კარების შემზღუდველი სახლში
პირველი ეტაპი
თქვენ უნდა გაზომოთ კარის ქვედა ნაწილი. ჩაიწერეთ მისი სიგრძე და ასევე სიგანე. შემდეგ აიღეთ ქსოვილი, რომლის ფერიც ოთახის ინტერიერს მოერგება. ამოჭერით შესაბამისი ზომის ნაჭერი (ამ ზომებით გამოვა დაახლოებით – 75სმ 4 სმ-ზე). არ დაგავიწყდეთ თითოეული რიცხვისთვის კიდევ 2 სმ-ის დამატება (ნაკერებისთვის). შემდეგი ამოჭრით იგივე ზომის კიდევ 2 ნაჭერი, რომლის სიგრძე უნდა შეესაბამებოდეს კარის სიგრძეს, სიგანით 22 სმ.
მეორე ეტაპი
პირველი დაჭრილი ნაჭერი გადაკეცეთ შუაზე (შიგნიდან გარეთ). შეკერეთ გვერდები. შემდეგ ამოაბრუნეთ სწორ პირზე. აიღეთ ერთი დეტალი, რომლის სიგანე 22 სმ-ია. მის შუა ნაწილს დაუკავშირეთ პირველი ნამუშევრის შუა ნაწილი. შედარებით დიდი დეტალი შუაზე გადაკეცეთ. პატარა ნაჭერი უნდა იყოს მის შიგნით (ცენტრში). კიდე შეკერეთ მანქანით ან აკურატულად ხელით. ამოაბრუნეთ კონსტრუქცია სწორ პირზე.
ფინიშის ხაზი
შემდეგ მიღებულ დეტალს დარჩენილი ნაწილი შეუერთეთ, რომლის სიგანე 22 სმ-ია. ასევე შუაზე გადაკეცეთ. კვლავ შეკერეთ კონსტრუქციის კიდე. ამოაბრუნეთ სწორ მხარეს. შეავსეთ 2 გარე ზოლი შემავსებლით. სინტეპონი შესანიშნავი იქნება. შემდეგ ხელით შეკერეთ ორმაგი ბალიშის კიდეები.
შემზღუდველი მზად არის გამოსაყენებლად! მოათავსეთ იგი კარის ქვეშ და ისიამოვნეთ შედეგით. ორმაგი ბალიშის წყალობით ოთახში აღარ შემოვა ხმამაღალი ხმები, სამზარეულოს სუნი და ცივი ჰაერი. თქვენი საძინებელი ან მისაღები გახდება ბევრად უფრო მყუდრო, თბილი და მშვიდი.
