საიდუმლო არ არის, რომ კარგი ყავა გამოფხიზლებაში გვეხმარება. არომატული სასმლის ჭიქა ნამდვილად გვმატებს ძალასა და ენერგიას. ყველა თავად წყვეტს, თუ როგორ და რასთან ერთად უნდა დალიოს ყავა. სამწუხაროდ, რაფინირებული შაქარი ყველაზე პოპულარული დანამატია. და ამაოდ! ჭარბი სიტკბო იწვევს სერიოზულ უარყოფით შედეგებს, რომლებზეც შესაძლოა არც კი დავფიქრებულვართ.
ვივიენის დღევანდელ სტატიაში ვისაუბრებთ ძალიან კარგი და სასარგებლო ალტერნატივის შესახებ – ყავა კურკუმასთან ერთად. საქმე ისაა, რომ ეს სანელებელი ნებისმიერ სასმელს არა მხოლოდ გემრიელს ხდის, არამედ ბევრს ზედმეტი კილოგრამების მოშორებაშიც ეხმარება. მისი ანთების საწინააღმდეგო და მეტაბოლიზმის გამაძლიერებელი თვისებების წყალობით, კურკუმა დღეს ერთ-ერთი საუკეთესო ვარიანტია ცხელ სასმელებში ან უბრალოდ წყალში დასამატებლად.
რით არის სასარგებლო ყავა კურკუმით: ექიმის აზრი
მიუხედავად იმისა, რომ ბევრი ექსპერტი ამბობს, რომ ჩვეულებრივი, ახლად მომზადებული შავი ყავა საუკეთესო ვარიანტია, განსაკუთრებით თუ წონის დაკლებას ცდილობთ, კურკუმის დამატებამ შეიძლება ფანტასტიკური სარგებელი მოგიტანოთ. დიეტოლოგი ნენსი ლინი განმარტავს, რატომ უნდა დაამატოთ ეს სანელებელი თქვენს რაციონში დაუყოვნებლივ.
უნიკალური ფერისა და არომატის გამო, კურკუმა ხშირად გვხვდება აზიურ სუპებში, შემწვარ ხორცთან და კარიში. ამასთან, ეს ცნობილი სანელებელი უბრალოდ შესანიშნავია ყავაში. ბევრი დიასახლისის მიერ აღიარებული ფორთოხლისფერი ფხვნილი შეიცავს ანტიოქსიდანტების წარმოუდგენელ რაოდენობას. ისინი კი, თავის მხრივ, მნიშვნელოვანია ჩვენი იმუნიტეტის ფორმირებისთვის (განსაკუთრებით ცივ ამინდში), სტაბილური განწყობისა და ზოგადად ჯანმრთელობისთვის.
„კურკუმას ანტიოქსიდანტური თვისებები ამცირებს რეზისტენტობას ინსულინის მიმართ, ამცირებს ცუდი ქოლესტერინის დონეს და არეგულირებს სისხლში შაქრის დონეს. ასევე, სანელებელმა აჩვენა შესანიშნავი შედეგი მეტაბოლურ მდგომარეობებთან მუშაობისას, რომლებიც წარმოიქმნება სიმსუქნის პირველ ეტაპებზე“, – განმარტავს ექიმი.
კურკუმას სასარგებლო თვისებები განპირობებულია ისეთი აქტიური ნაერთით, როგორიცაა კურკუმინი. ის ხელს უწყობს წონის დაკლებას მეტაბოლიზმის დაჩქარებით და ნაწლავებში სხვადასხვა სახის ანთების წინააღმდეგ ბრძოლით. სანელებლებს, რომლებიც კურკუმინს შეიცავენ გააჩნიათ თერმოგენული ეფექტი ჩვენს ორგანიზმზე და აიძულებენ მას გამოიმუშაოს ჩვეულებრივზე მეტი სითბო, რის შედეგადაც იწვება კალორიები. გამოკვლევების თანახმად, კურკუმა ხელს უწყობს წელის გარშემოწერილობისა და სხეულის მასის ინდექსის შემცირებას.
ტრადიციულად, ეს სუნელი გამოიყენება აიურვედასა და ჩინურ მედიცინაში ანთების, კანის დაავადებების, ჭრილობების, საჭმლის მომნელებელი სისტემის და ღვიძლის დაავადებების სამკურნალოდ. თუ გსურთ, რომ ჯანმრთელი და ენერგიული იყოთ, აუცილებლად შეიტანეთ ხარისხიანი კურკუმა თქვენს რაციონში. რამდენიმე კვირაში შეამჩნევთ, რამდენად გაუმჯობესდება თქვენი ჯანმრთელობა.
