ლავანდა არის მცენარე, რომელსაც შეუძლია მრავალი უსიამოვნებისგან დაგვიცვას. მის ეთერზეთს შეუძლია დაგვიბრუნოს არა მხოლოდ ჯანსაღი ძილი, არამედ კანის სიგლუვე და სილამაზე. ლავანდის ზეთი თმისთვის შესანიშნავი გამოსავალია, თუ საჭიროა თავის კანის გაჯანსაღება და თმის გაძლიერება.
ლავანდის ზეთი დადებითად მოქმედებს თმაზე, აუმჯობესებს თმის საერთო მდგომარეობას, ხელს უწყობს თმის ზრდას, მისი გამოყენების შემდეგ თმა აღარ არის მტვრევადი.
ლავანდის ზეთის სარგებელი თმისთვის
ლავანდის ზეთი თმისთვის მიიღება მცენარის წყალ-ორთქლის დისტილაციით. სხვათა შორის, ეთერზეთების უმეტესი ნაწილი ყვავილედებიდან მიიღება. ლავანდის ეთერზეთი ფართოდ გამოიყენება სამკურნალო და კოსმეტიკური მიზნებისთვის. მას გააჩნია დამამშვიდებელი, ტკივილგამაყუჩებელი და სპაზმების საწინააღმდეგო ეფექტი.
რატომ არის ლავანდის ეთერზეთი კარგი თმისთვის? ის აუმჯობესებს თმის ზოგად მდგომარეობას, ხელს უწყობს მის ზრდას და თმა აღარ არის მტვრევადი. გარდა ამისა, ლავანდის ეთერზეთი შესანიშნავად ებრძვის ქერტლს.
ლავანდის ზეთი სკალპისთვის ღირებულია მისი სამკურნალო ეფექტით. ზოგჯერ თმის პრობლემები ხომ თავის კანის გაღიზიანებით არის განპირობებული, მცირე ჭრილობები არასასიამოვნოდ გამოიყურება, ასევე ხელს უწყობს თმის შესუსტებას და ქერტლის გაჩენას და უფრო სერიოზულ პრობლემებს. თავის კანში ლავანდის ზეთის შეზელით, შეგიძლიათ დაემშვიდობოთ ჭრილობებს და გაღიზიანებას, გააუმჯობესოთ სკალპის ჯანმრთელობა და, შესაბამისად, გააუმჯობესოთ გარემო თმის ფოლიკულების განვითარებისთვის და თმის ზრდისთვის. გარდა ამისა, ლავანდას შეუძლია ხელი შეუწყოს თმის სწრაფ ზრდას, რადგან ის შესანიშნავად კვებავს და ატენიანებს თავის კანს.
ლავანდის ზეთი თმისთვის (რეცეპტები)
ლავანდის ზეთზე ყურადღება მაშინ უნდა გაამახვილოთ, როდესაც თმა ხდება მტვრევადი, იცვლის ფერს და უფრო ხშირად იწყებს ცვენას (რაც, რა თქმა უნდა, არ უარყოფს ლავანდის ზეთის გამოყენებას თმისთვის უბრალოდ პროფილაქტიკისთვის და ზოგადი გაჯანსაღებისთვის). სკალპში ლავანდის ზეთის შეზელისას, შესაძლოა დაგჭირდეთ მასთან სხვა საშუალებების შერევა.
მაგალითად, ძალიან ეფექტურია თმის კონდიციონერი ლავანდის ზეთით. როგორ მოვამზადოთ? ერთმანეთს შეურიეთ ჭიქის მესამედი ვაშლის ძმარი, რომელშიც ერთი კვირის განმავლობაში მოთავსებული იყო ლავანდის ყვავილები, 3 ჭიქა ჩვეულებრივი, მაგრამ თბილი წყალი და 2 წვეთი ლავანდის ზეთი. ეს კონდიციონერი უნდა წაისვათ თმაზე დაბანის შემდეგ და ჩამოიბანოთ 10 წუთის შემდეგ.
თმის ზრდისთვის და გასაძლიერებლად შესანიშნავია ნიღაბი ლავანდის ზეთით. შეურიეთ 3 ს.კ. ზეთისხილის ზეთი, 5 წვეთი ლავანდის ეთერზეთი და ერთი კვერცხის გული. ეს ნიღაბი წაისვით ჯერ თმის ძირებზე, შემდეგ კი მთელ სიგრძეზე გადაინაწილეთ (ამისთვის შეგიძლიათ გამოიყენოთ სავარცხელი). შემდეგ დაიფარეთ შხაპის ქუდი და თბილი პირსახოცი. 30 წუთის შემდეგ ჩამოიბანეთ.
ლავანდის ზეთი თმისთვის – ყურადღება!
მსოფლიოში ყველაფერს აქვს უკუჩვენება და არც ლავანდის ზეთია გამონაკლისი.
ის არ უნდა გამოიყენონ ადამიანებმა:
- ლავანდის მიმართ ალერგიით;
- ადამიანებმა, რომლებიც იღებენ რკინის ან იოდის შემცველ მედიკამენტებს;
- ვისაც აქვს ანემია;
- ორსულობის პირველ თვეებში;
- მათ, ვისაც დაბალი არტერიული წნევა აქვთ, ლავანდის ზეთების შემცველი პროდუქტების გამოყენების შემდეგ შეიძლება იგრძნონ მოთენთილობა და ძილიანობა.
