ნუში უდავოდ ცნობილია, როგორც კალორიებით მდიდარი პროდუქტი, მაგრამ მისი კვებითი ღირებულება მას საკმაოდ სასარგებლოს ხდის მათთვის, ვინც წონის დაკლებას ცდილობს.
ექსპერტები საუბრობენ, თუ როგორ რეაგირებს ორგანიზმი ყოველდღიურად ნუშის ჭამაზე.
ნუში ხელს უწყობს წონის დაკლებას მადის დაქვეითებით. კვებებს შორის ერთი მუჭა ნუშით წახემსება დიეტის დაცვაში დაგეხმარებათ.
გარდა ამისა, ნუში დადებითად მოქმედებს ნაწლავების ჯანმრთელობაზე. ნუშის შემადგენლობაში შემავალი ზეთოვანი მჟავას მარილები და ეთერები წარმოადგენს ენერგიის წყაროს ნაწლავის უჯრედებისთვის, ხელს უწყობს საკვები ნივთიერებების შეწოვის გაუმჯობესებას და ხელს უშლის მეტეორიზმს.
მკვლევარები გვირჩევენ დღეში 56 გრამი ნუშის მიღებას საუკეთესო შედეგისთვის. მნიშვნელოვანია შევინარჩუნოთ თხილის ყავისფერი კანი, რადგან ის შეიცავს უჯრედისის მნიშვნელოვან რაოდენობას.
ნუში შეიცავს ბევრ სასარგებლო საკვებ ნივთიერებას:
- უჯრედისი;
- ცილა;
- მინერალები;
- ვიტამინები B, E და ბეტა-კაროტინი;
- ფოლიუმის მჟავა;
- უჯერი ცხიმოვანი მჟავეები.
ნუში ასევე შეიცავს კალციუმს, რომელიც ამაგრებს ძვლებს და რკინას, რომელიც ხელს უწყობს ჰემატოპოეზის გაძლიერებას და იშვიათ მიკრო-ელემენტებსაც კი: თუთიას, სელენს და ფტორს.
ფოლიუმის მჟავა, რომელსაც ნუში შეიცავს განსაკუთრებით მნიშვნელოვანია ორსულებისთვის. ნუშის უჯერი ცხიმოვანი მჟავეები არეგულირებს სისხლში ლიპიდების ამაღლებულ დონეს და იცავს გულსა და სისხლძარღვებს.
ნუტრიციოლოგმა იგორ სტროკოვმა ისაუბრა, თუ როგორ მოქმედებს ნუშის ყველა ეს სასარგებლო თვისება ჯანმრთელობაზე.
ქოლესტერინის დონის შემცირება
ნუშის რეგულარული მოხმარება ხელს უწყობს მაღალი ქოლესტერინის დონის შემცირებას.
კვლევებმა აჩვენა, რომ ნუშის ჭამა ზრდის E ვიტამინის რაოდენობას სისხლის წითელ უჯრედებში, უზრუნველყოფს ანტიოქსიდანტურ ეფექტს და ხელს უშლის ქოლესტერინის დაგროვებას.
ერთი მუჭა ნუშის ყოველდღიურად ჭამა იწვევს E ვიტამინის მატებას, რაც ამცირებს ქოლესტერინის წარმოქმნის რისკს. ვიტამინი E, მონოუჯერი ცხიმები და ნუშის ფიტოსტეროლები ხელს უწყობს ქოლესტერინის დონის შემცირებას. ნუშის დამატება ყოველდღიურ რაციონში დაგეხმარებათ შეამციროთ LDL ქოლესტერინი და გააუმჯობესებს ქოლესტერინის საერთო დონეს“. – ამბობს სტროკოვი.
გულის ჯანმრთელობა
ნუში შეიცავს საკვებ ნივთიერებებს, რომლებსაც სასარგებლო გავლენა აქვს გულ-სისხლძარღვთა სისტემაზე და ხელს უწყობს გულის ჯანმრთელობის გაუმჯობესებას.
კვლევებმა აჩვენა, რომ ნუშის სხვა თხილეულთან ერთად რაციონში ჩართვა აუმჯობესებს გულის ჯანმრთელობას.
„ნიშის ჯანსაღი ცხიმები, ვიტამინი E, უჯრედისი, მაგნიუმი და ანტიოქსიდანტები ხელს უწყობს გულის ჯანმრთელობის გაუმჯობესებას. თხილეულით მდიდარი დიეტა დადებითად მოქმედებს გულ-სისხლძარღვთა სისტემაზე, ამცირებს ქოლესტერინის დონეს და არტერიულ წნევას.
არეგულირებს სისხლში შაქრის დონეს
ნუშის შემადგენლობაში შემავალი საკვებმა ნივთიერებებმა, განსაკუთრებით მაგნიუმმა (Mg), შეიძლება ხელი შეუწყოს სისხლში შაქრის დონის რეგულირებას.
„ნუშში შემავალი მაგნიუმი ხელს უწყობს სისხლში შაქრის დონის რეგულირებას და სტაბილიზაციას. დიაბეტის მქონე ადამიანებში ნუშს შეუძლია გააუმჯობესოს ინსულინრეზისტენტობა მაგნიუმის შემცველობის გამო“.
ნუშის უჯრედისი და ჯანსაღი ცხიმები ასევე ხელს უწყობს სისხლში შაქრის მაჩვენებლების კონტროლს ჭამის შემდეგ. ნუშით წახემსება გონივრული არჩევანია მათთვის, ვისაც სურს უკეთ გააკონტროლოს სისხლში შაქრის დონე.
მნიშვნელოვანია! ინფორმაცია მოწოდებულია საცნობარო მიზნებისთვის. უკუჩვენებებისა და გვერდითი მოვლენების შესახებ ჰკითხეთ სპეციალისტს და არავითარ შემთხვევაში არ ჩაიტაროთ თვითმკურნალობა. დაავადების პირველი ნიშნების გამოვლენისას მიმართეთ ექიმს.
