„დაფნის ფოთოლი სახლში შეუცვლელი რამ არის!“ – თქვა ჩემმა მეგობარმა და ათი შეკვრა ჩააგდო კალათაში. „ამდენი რაში გჭირდება?!“ – გამიკვირდა და ვინანე ჩემი ნათქვამი, რადგან სუპერმარკეტიდან დაბრუნებისას მთელი „ლექციის“ მოსმენა მომიწია ადამიანის ორგანიზმისთვის ამ სანელებლის სარგებელის შესახებ. თუ დაფნის გამოყენების ზოგიერთი ხალხური მეთოდი აბსურდულად მომეჩვენა, სხვებმა დაუფარავი ინტერესი გამოიწვია.
აღმოჩნდა, რომ ჩემი მეგობარი დიდი ხანია იყენებდა სახლში დაფნის ფოთლებს და არა მარტო სამზარეულოში. მეგობარმა იპოვა მისი გამოყენება ხალხურ მედიცინაში, მაგიურ რიტუალებში, თავის მოვლასა და ყოველდღიურ ცხოვრებაში.
დაფნის ფოთოლი სახლის პირობებში
უპირველეს ყოვლისა, დაფნის ფოთოლი არის სასარგებლო ნივთიერებების წყარო. კერძებში რეგულარულად დამატებისას, ის ამაღლებს იმუნიტეტს, აუმჯობესებს საჭმლის მონელებას და ახდენს არტერიული წნევის ნორმალიზებას. დაფნის ფოთოლი ააქტიურებს მეტაბოლიზმს და ხელს უწყობს წონის დაკლებას ბუნებრივი გზით.
დაფნის ფოთოლი ხელს უწყობს გაციების მკურნალობას. ამისათვის ჩაყარეთ ერთი მუჭა ფოთოლი ქვაბში და დაასხით მდუღარე წყალი. აცადეთ რამდენიმე წუთის განმავლობაში, შემდეგ უნდა ჩაისუნთქოთ. თავზე დაიფარეთ პირსახოცი. მშრალი ხველის დროს დაფნის ფოთლის ნაყენს სვამენ.
ამ სუნელის ნახარშით ივლებენ ყელს და ღრძილებს ანთების ჩასაქრობად. დაფნის ფოთლების ნახარშით იკეთებენ ფეხის აბაზანებს. ეს პროცედურა ხელს უწყობს სოკოვანი ინფექციების წინააღმდეგ ბრძოლას. დაფნის ნახარშის კომპრესები ამსუბუქებს კანის გაღიზიანებას და ხსნის ალერგიულ სიწითლეს.
კანისა და თმის მოვლა
- სახლის პირობებში, დაფნის ფოთლის ნახარშს და ნაყენს უმატებენ მალამოებს, ნიღბებს, მატონიზირებელ საშუალებებს და თმის სავლებს.
- დაფნის ფოთლის ნაყენი შეიძლება გამოვიყენოთ როგორც ტონერი და ნიღაბი კანისთვის.
- დაფნის ნაყენი გამოიყენება ყინულის დასამზადებლად გამაახალგაზრდავებელი პროცედურებისთვის. 1 ლიტრ მდუღარე წყალში უნდა ჩააგდოთ 10 ფოთოლი და გააჩეროთ რამდენიმე საათის განმავლობაში. შემდეგ სითხეს ასხამენ ფორმებში და ყინავენ.
სასიამოვნო არომატი
დაფნის არომატი ფარავს უსიამოვნო სუნს და გამოიყენება არომათერაპიაში. თუ გსურთ პირიდან მოიცილოთ უსიამოვნი სუნი, უნდა დაღეჭოთ დაფნის ფოთოლი რამდენიმე წუთის განმავლობაში.
სტუმრების მოსვლამდე ოთახიდან უცხო სუნის მოსაშორებლად, უბრალოდ ცეცხლი წაუკიდეთ რამდენიმე დაფნის ფოთოლს. ზამთარში რეკომენდებულია დაფნის ფოთლების დადება რადიატორებზე. სანელებლის მიერ გამოთავისუფლებული პიკანტური არომატი მთელ ოთახში გავრცელდება და მას სიახლითა და სიმშვიდით შეავსებს.
დაფნის ფოთოლი სახლში და მაგიაში
იმისთვის, რომ საფულეში მუდამ გქონდეთ ფული, მასში უნდა მოათავსოთ დაფნის ფოთოლი და სამჯერ წარმოთქვათ: „ვდებ დაფნის ფოთოლს, რომ ფული მუდამ იყოს!“ შავი შურისა და ბოროტი თვალისგან თავის დასაცავად, ჯიბეში სამი ფოთოლი უნდა ატაროთ. თუ დაფნის გვირგვინს შემოსასვლელში დაკიდებით, ის თილისმის როლს შეასრულებს ბნელი ძალების წინააღმდეგ.
სასიხარულო ამბის მოლოდინში მისაღებში მბოლავ დაფნის ფოთლებს ათავსებდნენ. ერთ მუჭა დაფნის ფოთოლს ათავსებენ პატარა ტომარაში და ბალიშის ქვეშ დებენ, რათა მშვიდად დაიძინონ და კარგი სიზმრები ნახონ.
მიღებულმა ინფორმაციამ დამაფიქრა. ვინაიდან ეს სუნელი იაფი ღირს, ცოდვა იქნება ერთგული მეგობრის რჩევის არ გათვალისწინება. ასე რომ, სახლში მისვლისთანავე ჩემს საფულეში დაფნის ფოთოლი მოვათავსე.
