ექიმმა ანდრეი ტიაჟელნიკოვმა გასცა რჩევა, თუ როგორ უნდა დავეხმაროთ ორგანიზმს უფრო ადვილად გადაიტანოს მაგნიტური ქარიშხლის პერიოდები.
მზეზე ორი ძლიერი აფეთქების გამო, 30 ნოემბერი და 1 დეკემბერი მაგნიტური შტორმის დღეებია. ბევრი ადამიანი მგრძნობიარეა ატმოსფეროში არსებული მაგნიტური რყევების მიმართ და ძლიერი ქარიშხლის დროს სრულიად ჯანმრთელმა ადამიანებმაც კი შეიძლება დაიჩივლონ უსიამოვნო შეგრძნებებზე.
აი, რა შეიძლება იგრძნოთ მაგნიტური ქარიშხლის დღეებში:
- თავის ტკივილი;
- სხეულის დისბალანსი, თავბრუსხვევა;
- გაზრდილი გულისცემა;
- გულის რითმის დარღვევა;
- შფოთვა, ცუდი განწყობა;
- სახსრების ტკივილი.
„მაგნიტური ქარიშხლის მიმართ განსაკუთრებით მგრძნობიარენი არიან ადამიანები, რომლებსაც აწუხებთ გულის და სისხლძარღვების პათოლოგიები, მიდრეკილნი არიან არტერიული წნევის მომატების ან დაქვეითებისკენ და ქრონიკული დაავადებების მქონე ადამიანები, – განაცხადა ტიაჟელნიკოვმა.
ექიმმა თქვა, რომ არახელსაყრელ დღეებში ამინდზე დამოკიდებულმა ადამიანებმა უნდა შეცვალონ განრიგი – არ უნდა მოკიდონ ხელი ისეთ საქმეს, რომელიც მოითხოვს სტრესს და კონცენტრაციის გაზრდას, კრეატიულობას ან სერიოზულად ზრდის ფიზიკურ დატვირთვას ორგანიზმზე. რაციონი არ უნდა შეიცავდეს მძიმე საკვებს, ცომეულს ან შემწვარს.
„სისხლის ნორმალური მიმოქცევის შესანარჩუნებლად საჭიროა საკმარისი რაოდენობის წყლის დალევა და უმჯობესია ძლიერი ყავა ჩაანაცვლოთ მცენარეული ჩაით ან ნაყენით“, – დასძინა ანდრეი ტიაჟელნიკოვმა.
მან ასევე აღნიშნა, რომ წნევის მომატებისკენ მიდრეკილმა ადამიანებმა მაგნიტური ქარიშხლის დღეებში უნდა შეზღუდონ მოხმარებული მარილის რაოდენობა, ხოლო ჰიპოტონიკებმა აუცილებლად უნდა ისაუზმონ. მაგნიტური ქარიშხლის დღეებში ტიაჟელნიკოვი გვირჩევს არტერიული წნევის გაკონტროლებას. დასახელებულმა კატეგორიებმა წნევა უნდა გაიზომონ დილით და საღამოს.
მნიშვნელოვანია! ინფორმაცია მოწოდებულია საცნობარო მიზნებისთვის. უკუჩვენებებისა და გვერდითი მოვლენების შესახებ ჰკითხეთ სპეციალისტს და არავითარ შემთხვევაში არ ჩაიტაროთ თვითმკურნალობა. დაავადების პირველი ნიშნების გამოვლენისას მიმართეთ ექიმს.
