ექიმმა ალექსანდრე ედიგერმა განაცხადა, რომ ტუჩებზე ნახეთქების გაჩენა შეიძლება იყოს სხეულის მძიმე დარღვევების გარეგანი სიმპტომი.
ზოგჯერ ტუჩების კუთხეებში ჩნდება მტკივნეული ანთებითი ადგილები ნახეთქებითა და ჭრილობებით. ექიმ ალექსანდრე ედიგერის თქმით, ზოგჯერ ასეთი ნახეთქები ჩნდება სერიოზული დაავადებების გამო.
„ნახეთქები ან კუთხოვანი ჰეილიტი შეიძლება გაჩნდეს პირის ღრუსთან დაკავშირებული მიზეზების გამო, ან ორგანიზმის საერთო სისტემური პრობლემების გამო”, – თქვა ექიმმა.
რას ნიშნავს საერთო სისტემური პრობლემები? მაგალითად, ეს არის არსებული დიაბეტი ან თირკმელზედა ჯირკვლების პრობლემები, ანემია, კუჭ-ნაწლავის ქრონიკული დაავადებები, იმუნიტეტის დაქვეითება.
„ნახეთქები, უპირველეს ყოვლისა, იმუნოდეფიციტის, კანდიდოზისა და საკმაოდ მძიმე ენდოკრინული დაავადებების ნიშანია“, – განაცხადა ექიმმა.
ედიგერმა დასძინა, რომ ნახეთქები მხოლოდ სერიოზული პრობლემების გამო არ ჩნდება და თუ ისინი სწრაფად განიკურნება, ნერვიულობა საჭირო არ არის. გახანგრძლივებული ანთება ან ხშირი ჭრილობები პირის კუთხეებში ექიმთან კონსულტაციისა და გამოკვლევის ჩატარების მიზეზია. ექიმმა განმარტა, რომ იმ ნახეთქების შემთხვევაში, რომლებიც ერთ კვირაზე მეტ ხანს არ ხორცდება, მართებული იქნება სპეციალისტთან კონსულტაცია, რადგან ეს შეიძლება მიუთითებდეს რაიმე მიზეზით იმუნური სისტემის მნიშვნელოვან შესუსტებაზე, მაგალითად, ინფექციის გამო.
მნიშვნელოვანია! ინფორმაცია მოწოდებულია საცნობარო მიზნებისთვის. უკუჩვენებებისა და გვერდითი მოვლენების შესახებ ჰკითხეთ სპეციალისტს და არავითარ შემთხვევაში არ ჩაიტაროთ თვითმკურნალობა. დაავადების პირველი ნიშნების გამოვლენისას მიმართეთ ექიმს.
