მრავალრიცხოვანმა კვლევებმა აჩვენა, რომ გრეიფრუტის გამოყენებამ შესაძლოა ხელი შეუწყოს მაღალი წნევის შემცირებას.
გრეიფრუტის თითოეულ ტიპს აქვს განსხვავებული გემო, დაწყებული ძალიან მჟავედან – გემრიელ ტკბილამდე. გრეიფრუტი სავსეა A და C ვიტამინებით და უჯრედისის შესანიშნავი წყაროს წარმოადგენს. ხილს ასევე აქვს ძალიან დაბალი გლიკემიური ინდექსი – 25.
„გრეიფრუტი შეიცავს ვიტამინ B6-ს, კალციუმს, ფოლიუმის მჟავას, მაგნიუმს და თიამინს. ის ასევე შეიცავს კალიუმს, საკვებ ნივთიერებას, რომელიც მნიშვნელოვან როლს ასრულებს გულისცემის რითმის და არტერიული წნევის კონტროლში, ასევე უჯრედებში სითხის ნორმალური დონის შენარჩუნებაში, რაც შემდეგ ბალანსდება ნატრიუმით, რომელიც ინარჩუნებს სითხის ნორმალურ დონეს უჯრედების გარეთ“, – ამბობს ზოგადი პრაქტიკის ექიმი – ტატიანა ზახაროვა.
გრეიფრუტის გავლენა მაღალ არტერიულ წნევაზე
მაღალი წნევა (ჰიპერტონია) არის სერიოზული მდგომარეობა და გულ-სისხლძარღვთა დაავადებისა და ინსულტის რისკის ფაქტორი.
მაღალი არტერიული წნევის განვითარების ალბათობა იზრდება ასაკთან ერთად, რაც აისახება იმ ფაქტზე, რომ 65 წელს გადაცილებული ამერიკელების სულ მცირე სამ მეოთხედს ეს დაავადება აქვს.
„კვლევის მონაცემები აჩვენებს, რომ გრეიფრუტი ეფექტურია არტერიული წნევის დასაწევად კალიუმის მაღალი შემცველობის გამო, რომელიც ანეიტრალებს ნატრიუმის არასასურველ ეფექტს, რაც მაღალი წნევის ერთ-ერთი ხშირ მიზეზია“.
კონტროლირებად კვლევაში მკვლევარები დააკვირდნენ 74 ჭარბწონიან ზრდასრულ მოხალისეს და დაყვეს ისინი ორ ჯგუფად. პირველ ჯგუფს აძლევდნენ ნახევარ გრეიფრუტს ყოველი ჭამის წინ – დღეში სამჯერ, ხოლო საკონტროლო ჯგუფი არ ჭამდა გრეიფრუტს.
შედეგებმა აჩვენა, რომ გრეიფრუტი ხელს უწყობს არტერიული წნევის დაწევას. ვინც გრეიფრუტს მიირთმევდა, წონაში დაიკლო, შეუმცირდა წელის გარშემოწერილობა და ქოლესტერინის დონე.
სხვა კვლევაში, მკვლევარებმა განაცხადეს, რომ გრეიფრუტის წვენი აძლიერებს ჭარხლის წვენის ეფექტს, რომელიც ამცირებს სისტოლურ არტერიულ წნევას. ანალიზმა აჩვენა სისტოლური არტერიული წნევის მნიშვნელოვანი შემცირება მათში, ვინც იღებდა გრეიფრუტს, საკონტროლო ჯგუფთან შედარებით.
“გრეიფრუტი ბუნებრივად მდიდარია კალიუმით და კალიუმის უფრო მეტმა მიღებამ შეიძლება შეამციროს არტერიული წნევა. კალიუმის მოხმარების გაზრდამ შეამცირა როგორც სისტოლური, ასევე დიასტოლური არტერიული წნევა ჰიპერტონიის მქონე მოზრდილებში. შედეგებმა ასევე აჩვენა ინსულტის შემცირებული რისკი კალიუმის მოხმარების გაზრდით“.
გრეიფრუტი მნიშვნელოვნად ზრდის ზოგიერთი მედიკამენტის შეწოვას, რაც საშუალებას გვაძლევს ვივარაუდოთ, რომ რეგულარული დოზები შეიძლება გადაიზარდოს პოტენციურად ფატალურ ზედოზირებად. კვლევამ შეისწავლა ფელოდიპინის და ნიფედიპინის ეფექტი, ორი პრეპარატის, რომლებიც მაღალი წნევის სამკურნალოდ გამოიყენება.
წამლებთან ურთიერთქმედება
გაფრთხილება: აქ მოცემულია მედიკამენტების რამდენიმე მაგალითი, რომლებიც შეიძლება ურთიერთქმედდეს გრეიფრუტის წვენთან:
- შფოთვის საწინააღმდეგო მედიკამენტები;
- ანტიჰისტამინები;
- კორტიკოსტეროიდები;
- მაღალი წნევის სამკურნალო მედიკამენტები;
- სტატინები, რომლებიც გამოიყენება ქოლესტერინის დონის შესამცირებლად;
- მედიკამენტები, რომლებიც არითმიების სამკურნალოდ გამოიყენება;
- წამლები, რომლებიც გამოიყენება ტრანსპლანტაციის უარყოფის საწინააღმდეგოდ;
მიუხედავად იმისა, რომ რეაქციები განსხვავდება პიროვნებების მიხედვით, თქვენ ყოველთვის უნდა შეამოწმოთ იმ მედიკამენტების ეტიკეტები და ჩანართები, რომლებსაც იღებთ, რათა დარწმუნდეთ, შესაძლოა თუ არა, რომ მათთან ურთიერთქმედება ჰქონდეს გრეიფრუტის წვენს.
“გრეიფრუტი ასევე მდიდარია უჯრედისით, ანტიოქსიდანტებითა და კალიუმით. თუ ჰიპერტონია გაქვთ, სცადეთ გრეიფრუტის ჩართვა დაბალანსებულ რაციონში, რათა ბუნებრივად შეამციროთ არტერიული წნევა”, – გვირჩევს ზახაროვა.
მნიშვნელოვანია! ინფორმაცია მოწოდებულია საცნობარო მიზნებისთვის. უკუჩვენებებისა და გვერდითი მოვლენების შესახებ ჰკითხეთ სპეციალისტს და არავითარ შემთხვევაში არ ჩაიტაროთ თვითმკურნალობა. დაავადების პირველი ნიშნების გამოვლენისას მიმართეთ ექიმს.
