სანამ დაქორწინებას ან სერიოზული ურთიერთობის დაწყებას გადაწყვეტთ, გირჩევთ, გაარკვიოთ, რა სჭირდება ადამიანს, ვისთანაც აპირებთ თქვენი ბედის დაკავშირებას. ასევე არ დაგავიწყდეთ თქვენი ფინანსური და ფიზიკური შესაძლებლობების შეფასება, რათა გაარკვიოთ, აკმაყოფილებს თუ არა ისინი თქვენი რჩეულის საჭიროებებს. წინააღმდეგ შემთხვევაში, თქვენი ურთიერთობა განწირულია და განქორწინება გარდაუვალია. ეს იმ შემთხვევისთვის, თუ საღად მოაზროვნე ადამიანი ხართ და არ გსურთ ფულის და საკუთარი დროის ფუჭად დახარჯვა. ჩემი მსჯელობის სისწორეში ჩემი უმცროსი ძმის ამბავმა დამარწმუნა.
ვივიენის დღევანდელ სტატიაში ამ ისტორიას გიზიარებთ.
რა მოთხოვნილებები აქვს ადამიანს?
ვცხოვრობ ნაქირავებ ბინაში. იმისთვის, რომ კომუნალური გადასახადები გადავიხადო, წესიერად ჩავიცვა და ნორმალურად ვჭამო, ყოველთვის ვადევნებ თვალს ფასდაკლებებს და მეორადების მაღაზიებში დავდივარ. მე არასოდეს ვყიდულობ ნივთებს, რომლებიც ძალიან ძვირია და ჩემი რამდენიმე ხელფასი სჭირდება. საკუთარ ბიუჯეტს ყოველთვის ისე ვანაწილებ, რომ ჩემი საჭიროებები ჩემს ხელფასს შეესაბამებოდეს.
ცოტა ხნის წინ ჩემთან საკუთარი ძმა შევიფარე. აქედან მისთვის უფრო მარტივია სამსახურში მისვლა და ერთად ცხოვრება უფრო სახალისო და მომგებიანია. ასე მეგონა თავიდან, თუმცა ქირის გადახდა პირადი დანაზოგიდან მომიწია. უფრო მეტიც, თვის ბოლოს თავად ვიყიდე პროდუქტები საკუთარი ფულით, რადგან ჩემი საყვარელი ძმის ფული მყისიერად ორთქლდებოდა: ის მთელ ფულს იმ გოგონასთვის ხარჯავდა, ვისაც ხვდებოდა.
ფულის ფლანგვის მიზეზი
მის რჩეულს ღამის კლუბები და ძვირადღირებული საჩუქრები უყვარდა. ბიჭის თვალწინ იგი ისე იქცეოდა, ვითომ თვითონ არაფერი უნდოდა: მისთვის ყველაფერს მისი საუკეთესო მეგობარი აკეთებდა, რომელიც გოგონას ყველგან თან დაჰყავდა. ყურებამდე შეყვარებული ბიჭი სამის მაგიერ იხდიდა. ამასობაში, მისი მეგობარი ყურში საიდუმლოდ ჩასჩურჩულებდა, თუ რის მიღება სურდა მის საცოლეს დაბადების დღის საჩუქრად. მორიგი საჩუქრის მიღების შემდეგ, ლამაზმანი მხოლოდ არტისტულად ახამხამებდა გრძელ წამწამებს და თითქოს გულწრფელად გაკვირვებული იყო, თუ როგორ გამოიცნო საქმრომ მისი სანუკვარი ოცნება (ფეხსაცმელი, ბეჭედი, სამაჯური და ა.შ.).
ახალგაზრდები უკვე სამი თვის მანძილზე ხვდებოდნენ ერთმანეთს. მთელი ამ ხნის განმავლობაში, შეიძლება ითქვას, რომ ლაშა ჩემს კისერზე იჯდა. რაღაც პერიოდი ვითმენდი, მაგრამ უკვე საკმაოდ დავიღალე არსებული მდგომარეობით. რა თქმა უნდა, ძალიან მიყვარს ჩემი ძმა, მაგრამ არ ვარ ვალდებული, რომ ის ვარჩინო! სურვილი გამიჩნდა, რომ გულწრფელად დავლაპარაკებოდი ჩემს ახლობელ ადამიანს და ამეხსნა, რომ მას იყენებდნენ. მაგრამ ჩემი ძმა განაწყენდა და მითხრა, რომ მე მის საცოლეს უსამართლოდ ვლანძღავდი.
ძმა
მოვიდა გაზაფხული. ჩემი ძმის შეყვარებულმა 8 მარტისთვის საჩუქრად მეგობრის მეშვეობით ბრენდული ჩანთა “შეუკვეთა”. ჩემს ძმას ბევრი არ უფიქრია, ჩემთან მოვიდა ფულის სასესხებლად. თანხა რომ დაასახელა, აღვშფოთდი:
-ეს ხომ ჩემი ორი ხელფასია!
-დაიკო, დამეხმარე, ძალიან გთხოვ! დაგიბრუნებ, გპირდები! – მეხვეწებოდა ლაშა.
მე შემეცოდა ჩემი შეყვარებული ძმა და ფული საკუთარი დანაზოგიდან მივეცი. მან ამ წარმოუდგენელი თანხით პატარა ჩანთა იყიდა და შეყვარებულს აჩუქა. ის, ბუნებრივია, ძალიან “გაკვირვებული” იყო ასეთი ძვირადღირებული საჩუქრით. მე კი დღემდე ვერ მიპატიებია ასეთი სისუსტე საკუთარი თავისთვის, რადგან თავად ერთი ტიტაც კი არ მივიღე ჩემი ძმისგან დღესასწაულისთვის.
ამ მოვლენების შემდეგ, დაჟინებით მოვითხოვე, რომ ლაშას ცალკე ბინა დაექირავებინა და ის მალევე სხვა სახლში გადავიდა. ჩემს ძმას მოუწია, რომ მხოლოდ საკუთარი შემოსავლების იმედად ყოფილიყო, რადგან მე მისთვის ფულის სესხებას აღარ ვაპირებდი. თუმცა მისი შეყვარებულის მოთხოვნები არ შემცირებულა. ბიჭმა ვეღარ შეძლო გოგონას ყველა ახირების შესრულება და საცოლემ მყისიერად დაკარგა ინტერესი მის მიმართ, გაქრა მხედველობიდან და შეწყვიტა ზარებზე პასუხის გაცემა. ჩემი ძმა ძალიან დიდხანს განიცდიდა ამას და მხოლოდ ექვსი თვის შემდეგ დამშვიდდა.
გუშინ კი დავინახე, რომ ლაშას ყოფილი საცოლე მდიდრული უცხოური მანქანის საჭესთან ჯდებოდა. ჰო… ჩემს ძმას ასეთი საჩუქრების ფული ნამდვილად არ აქვს!
