დროა აქსესუარების ზარდახშაში რევიზია ჩაატაროთ და ახალი დიდი იმედების მომცემი ტრენდებისთვის ადგილი გაათავისუფლოთ.
მთავარი მოდის ჩვენებები უკვე ჩატარდა და კრიტიკოსები ზედიზედ რამდენიმე თვეა ტრენდების და ანტირენდების სიას აახლებენ. საბედნიეროდ, კაცობრიობამ უკვე მოიშორა მკაცრი ჩარჩოები, რომლებიც განსაზღვრავენ რა შეგვიძლია ჩავიცვათ და რა არა. თუმცა ვერ უარყოფთ, რომ არსებობს რამდენიმე რამ, რომლებიც წლების განმავლობაში იმდენად ყველა სტილში გვხვდებოდა, რომ თავისი ორიგინალურობა დაკარგა და ცუდ ტონად იქცა. საუკეთესო დროა ასეთი ნივთები მოიშოროთ და ახალი, უფრო თანამედროვე და სრულფასოვანი ვარიანტები შეიძინოთ. Vivien გიზიარებთ მოძველებული აქსესუარების სიას, ასევე გთავაზობთ საინტერესო ალტერნატივას.
ჩოკერი
Tumblr–ის ეპოქა დიდი ხანია დასრულდა, მაგრამ, როგორც ჩანს, ზოგისთვის დღემდე ცოცხალია. ამ ეპოქის სავიზიტო ბარათი იყო შავი ხავერდის ჩოკერი, რომელსაც ნებისმიერ სტილში რთავდნენ. საბედნიეროდ, მასზე მოთხოვნა თანდათან მცირდება. თუ არ იცით, რით ჩაანაცვლოთ ასეთი მშვენიერი აქსესუარი მძივების სამკაულს გთავაზობთ: ფერადი და თხელი, ბოლო 2 წელია ასეთი ძეწკვი ტრენდში თავის პოზიციებს მხოლოდ აძლიერებს.
მასიური ჯაჭვები
მასიური ოქროს სამკაული–ჯაჭვი სქელი რგოლებით ყელისთვის, ყურებისთვის და ხელებისთვის ნამდვილი კოშმარია. მძიმე ბიჟუტერიამ აქტუალობა უკვე დაკარგა. მით უფრო, წარმოუდგენლად მოუხერხებელია სატარებლად. გირჩევთ, თქვენს ნაზ კიდურებს ასეთი ტვირთი მოაშოროთ და უპირატესობა მიანიჭოთ თხელ, თითქმის უხილავ სამკაულებს.
თმის სამაგრი წარწერით
დიდი თმის სამაგრი წარწერით ჯერ კიდევ შარშან მოდიდან გადავიდა, მაგრამ ზოგჯერ ჩვენს ვარცხნილობაში მაინც ჩნდება. მბზინავი და მარგალიტის სიგიჟე მოიშორეთ. ძალიან ბავშვურად და გადაპრანჭულად გამოიყურება. თუ თმის დამაგრება გსურთ, არჩევანი გააკეთეთ მინიმალისტურ კბილებიან თმის სამაგრსა და უხილავს შორის.
ცნობილი ბრენდების ასლები
ამ პუნქტს ბევრი განსაკუთრებით მტკივნეულად მიიღებს, მაგრამ ცნობილი სახლების ყალბი ნიმუშები ყოველდღიურად უნდა დაისვას. ამ კატეგორიას ვახსენებთ მხოლოდ იმიტომ, რომ საიუველირო მაღაზიებში ცნობილი და საკულტო აქსესუარების ყალბი ნიმუშები სულ უფრო ხშირად ჩნდება. ცდუნებას არ აყვეთ და გახსოვდეთ წესი „იყოთ და არა ჩანდეთ“. ბოლოს და ბოლოს, დღეს საიუველირო სახლებში შეგიძლიათ ნახოთ ბევრი საინტერესო და ბიუჯეტური სიახლე, რომელიც ნებისმიერ სტილს შესანიშნავად ავსებს.
მრავალფენიანი ნაკრები
მრავალი ფენა მისასალმებელია, მაგრამ არა აქსესუარებში. მოდის გურუები ანტიტრენდს მიაკუთვნებენ რამდენიმე რიგის ოქროს ჯაჭვს გაუგებარი რგოლებით, როგორიცაა მონეტები. ძალიან ბევრი, ძალიან კაშკაშა ცალ–ცალკე ატარეთ. ასე არ მოგბეზრდებათ და თან ტანსაცმელთან ერთად ერთდროულად რამდენიმე საინტერესო დუეტს შექმნით.
