პატარა ონავრებთან ერთად ზაფხულში დასვენება ორგანიზებული დედისთვის კიდევ ერთი გამოცდაა. რა უნდა გააკეთოთ, რომ ბავშვმა ნერვების და ახირების გარეშე ისიამოვნოს სასარგებლო ულტრაიისფერი სხივებით, სუფთა ჰაერით და თბილი წყლით? ხშირად სანაპირო ბავშვებთან ერთად დასასვენებლად განკუთვნილი არაა.
სანაპირო ბავშვებთან ერთად დასასვენებლად
ყველამ, ვინც სანაპიროზე მოუსვენარ ბავშვებთან ერთად ერთხელ მაინც ყოფილა, კარგად იცის: დასვენება მუდმივ მეთვალყურეობად იქცევა. საკმარისია, ბავშვს ერთი წამით თვალი მოაშოროთ, რომ უკვე ქვიშა მიირთვა, წყალში გაიქცა თოლიების დასაჭერად ან ხალხში დაიკარგა. დასვენება და გარუჯვა დაღლილი მშობლისთვის უცნობია!
საზრიანმა ინტერნეტ მომხმარებლებმა საინტერესო გამოსავალი მოიფიქრეს. დედებს შორის სულ უფრო პოპულარული ხდება ახალი ხრიკი. ღობე–მანეჟი ბავშვებისთვის სანაპიროზე. ეგზოტიკურად და ცოტა თავხედურად ჟღერს, ასეა? არ იჩქაროთ დასკვნის გამოტანა. გავარკვიოთ, რაშია საქმე.
სანაპიროზე ღობის ფორმის პლასტმასის მანეჟის წაღების იდეა დედა ამანდას ეკუთვნის. თავის ტიკტოკ ანგარიშზე (@sweetstyleofmine) გამოაქვეყნა ვიდეო, სადაც პატარა ქალიშვილი წყალში ასეთ ღობეში თამაშობს. როგორც კი ბავშვს ხელს უშვებდნენ, მაშინვე წყალში გარბოდა. სწორედ ამიტომ, ამანდამ ბავშვისთვის უსაფრთხო კუთხის მოწყობა გადაწყვიტა, რომ ნებისმიერ წუთს ცოდნოდა, სად იყო მისი ქალიშვილი.
ხრიკი სხვა დედებსაც მოეწონათ. ტიკტოკის ზოგიერთი მომხმარებელი აღიარებს, რომ ბავშვისთვის პატარა საბელის დამაგრებას აპირებდა, მაგრამ იდეა მანეჟით უფრო ჰუმანური აღმოჩნდა.
კიდევ რა წავიღოთ სანაპიროზე ბავშვებთან ერთად დასასვენებლად?
Vivien გთავაზობთ რამდენიმე სასარგებლო რეკომენდაციას. ასე ზღვაზე ერთობლივი დასვენება პატარა დღესასწაულად იქცევა.
1. თუ ბავშვისთვის მზისგან დამცავი საშუალების წასმა გსურთ, მაგრამ პატარა ტრიალებს და არ ისვენებს, ტონალურის წასასმელი ფუნჯი ან სპონჟი წაიღეთ. მისი დახმარებით ბავშვს გაართობთ, ყურადღებას გადაატანინებთ და კრემს ადვილად წაუსვამთ.
2. ბავშვი ყოველჯერზე წყლის პირას რომ არ დაიჭიროთ, დასასვენებელ ადგილას პირადი აუზი მოუწყვეთ. სანაპიროზე სამშენებლო ფირი ან საშხაპე ფარდა წაიღეთ. ქვიშაში პატარა ორმო ამოთხარეთ, საფარი დააფარეთ და წყალი ჩაასხით. მზადაა! კმაყოფილი ონავარი მხიარულად ჭყაპუნობს და დედის გვერდით ირუჯება.
3. საბავშვო კარავი კიდევ ერთი აუცილებელი ნივთია ზაფხულში ძალიან პატარა დამსვენებლისთვის. ბავშვი მზისგან საიმედოდ დაცული იქნება და წყალთან ან შიდა ეზოში უსაფრთხოდ ითამაშებს. ზოგიერთ მოდელს მინი აუზიც აქვს.
4. ქვიშა სახლში რომ არ წაიღოთ, ჩანთაში ბავშვის ტალკი ჩადეთ. სანაპიროზე გასვლამდე ბავშვს ხელებსა და ფეხებზე ტალკი წაუსვით (საკუთარი თავი არ დაგავიწყდეთ), შემდეგ ფხვნილი ნაზად შეიზილეთ. ასე ქვიშას ფხვნილთან ერთად ადვილად მოიშორებთ. საბავშვო ტალკი ქვიშიდან ტენს სწრაფად იწოვს და უნარჩენო მოშორება ადვილია. მოსახერხებელია!
5. თუ მაცივარი–ჩანთის შეძენას ფიქრობთ, დროა! დაგეხმარებათ, თუ მთელი დღით სანაპიროზე ყოფნას გეგმავთ და ბავშვისთვის ხილსა და ბოსტნეულზე უფრო სერიოზული რამ უნდა მოიმარაგოთ. მათ შორის ცივი წყალი და კომპოტი.
დაე, ამ სასარგებლო რჩევებით თქვენი საქმე გაგიმარტივდეთ და საყვარელ შვილებთან ერთად დაუვიწყარი შვებულება გაატაროთ. დედ–მამაც ადამიანია, მათაც სრულფასოვანი დასვენება სჭირდებათ!
