როგორ დაიკლოს ქალმა წონაში 40 წლის შემდეგ? თუ აქტიურად ეძებთ მეთოდს, როგორ დაიბრუნოთ ძველი ფორმები სწრაფად და სიამოვნებით, სწორ ადგილას მოხვდით. გიამბობთ სპეციალურ ტანვარჯიშზე, რომელმაც მთელ მსოფლიოში მიმდევრები იპოვა: მისი მეთოდი ორგანიზმს ჟანგბადით ავსებს, ხოლო ფიზიკური დატვირთვა პრობლემურ ზონებს მარტივად გაშორებთ.
Vivien გთავაზობთ სუნთქვითი ვარჯიშების ნაკრებს, რომელსაც ეწოდება ბოდიფლექსი. შეასრულეთ მხოლოდ 3 ვარჯიში ყოველდღე და უკვე 1–2 თვეში ზედმეტ კილოგრამებს მოიშორებთ, თან ზედმეტი ძალისხმევის გარეშე დიდი ენერგიით აივსებით. გაიგებთ, როგორ იკვებოთ და დაიკლოთ წონაში 40 წლის შემდეგ.
როგორ დაიკლოთ წონაში: ბოდიფლექსი
ბოდიფლექსის გაკვეთილები ნებისმიერი ასაკის, სქესის და ფიზიკური მომზადების დონის მქონე ადამიანისთვის შესაფერისია. ამ ტანვარჯიშის გამოცდას ვურჩევთ ქალებს, რომელთა სხეული ასაკობრივი ცვლილებებს განიცდის. ბოდიფლექსის ძირითადი ვარჯიშები 40+ ასაკის ყველა ქალმა უნდა ისწავლოს. რატომ? სწრაფი და მარტივი ვარჯიში სხეულს ამკვრივებს, ახალგაზრდობას ახანგრძლივებს და განწყობას ამაღლებს. დიდ დროს არ წაგართმევთ, სავარჯიშო დარბაზში სიარული ან სპეციალური აქსესუარების ყიდვა საჭირო არაა. საკმარისია სურვილი, რომ ჯანმრთელი, მოხდენილი და სიცოცხლით სავსე იყოთ, ასევე 15-20 წუთი თავისუფალი დრო.
3 მარტივი ვარჯიში ჯანმრთელობის და სილამაზის შესანარჩუნებლად
გთავაზობთ 3 ვარჯიშს, რომელიც სახლში შეგიძლიათ შეასრულოთ. მათი ათვისება რთული არაა.
ხახვის პოზა
ამ ვარჯიშით ხერხემალს მოქნილობას დაუბრუნებთ, შესაბამისად, ახალგაზრდობას გაახანგრძლივებთ. ტექნიკა ზურგის ტვინის მუშაობას აუმჯობესებს, ენდოკრინულ ჯირკვლებზე დადებითად მოქმედებს, მენჯის და მუცლის ღრუს ორგანოების დაავადებების დროს გეხმარებათ.
- მუცელზე დაწექით, ფეხები შეაერთეთ. ხელები ტანის გასწვრივ დაიდეთ, ხელისგულები იატაკს მიაბჯინეთ, ნიკაპით იატაკს დაეყრდენით.
- ამოისუნთქეთ და ღრმად ჩაისუნთქეთ. ფეხები გაშალეთ, მუხლებში მოხარეთ და ხელებით კოჭები დაიჭირეთ, ხელისგულები ტერფებს შემოხვიეთ.
- ხმაურიანად ამოისუნთქეთ და სუნთქვა შეიკავეთ.
- ფეხების მუხლებში გაშლა დაიწყეთ, ამავდროულად გულმკერდი და თავი ასწიეთ. წელის არეში სათანადოდ მოიხარეთ, თავი უკან გადაწიეთ, თეძოები იატაკიდან აწიეთ. რვამდე დაითვალეთ (წინ–უკან რხევა შეგიძლიათ).
- მოდუნდით და საწყის პოზას დაუბრუნდით.
ვარჯიში ერთი მისვლით დაიწყეთ. თანდათან 3 მისვლამდე ადით.
პოზა „კრენდელი“
ვარჯიში გამოირჩევა იმით, რომ ერთდროულად რამდენიმე პრობლემურ ზონას უმკლავდება. მოკლე დროში საძულველ ცხიმს არა მხოლოდ თეძოებზე, არამედ წელის არეში მოიშორებთ.
- იატაკზე დაჯექით და ფეხები მუხლებში მოხარეთ. ფეხები ისე გადააჯვარედინეთ, რომ მარცხენა მუხლი მარჯვენა მუხლის ზემოთ აღმოჩნდეს. ფეხი, რომელიც ქვემოთაა, გამართული უნდა გქონდეთ. მარცხენა ხელი იატაკს ზურგსუკან დაადეთ, მარჯვენა ხელი მარცხენა მუხლს დაადეთ.
- ამოისუნთქეთ, მუცელი შეწიეთ და რამდენიმე წამით სუნთქვა შეიკავეთ.
- შემდეგ მარცხენა მუხლი მარჯვენა ხელით ზემოთ და თქვენკენ მიწიეთ, გულმკერდთან მაქსიმალურად ახლოს.
- მთელი ტანით მარჯვნივ ნელ–ნელა შეტრიალდით, ოდნავ უკან გაიხედეთ. ამ პოზაში 8-10 წამი გაჩერდით.
- ამოისუნთქეთ და საწყის პოზას დაუბრუნდით.
ხელების და ფეხების ადგილები შეცვალეთ და ვარჯიში საპირისპირო მხარეს გაიმეორეთ. სამი მისვლა თითოეულ მხარეს საკმარისია. ვარჯიშის სწორად შესრულებით იგრძნობთ, როგორ სასიამოვნოდ იწელება თეძოს და მუცლის კუნთები.
ვარჯიში „მაკრატელი“
შემდეგი ვარჯიში აძლიერებს მუცლის კუნთებს და ქალის ერთ–ერთ პრობლემურ ზონას, „მაშველ რგოლს“ ჭიპის მიდამოში. ვარჯიში აწესრიგებს სისხლის მიმოქცევის სისტემას, აძლიერებს კუნთებს, ააქტიურებს ყველაფერი ზედმეტის წვის პროცესს, აუმჯობესებს ორგანიზმის ზოგად მდგომარეობას.
- საწყისი პოზა: იატაკზე ზურგით დაწექით. ფეხები მაქსიმალურად ახლოს და გაშლილი, მუხლები გამართული.
- ხელები დუნდულების ქვეშ, ხელისგულებით ქვემოთ დაიდეთ. ამ დროს თავი და წელი იატაკს უნდა მიადოთ. სუნთქვა შეიკავეთ და გამართული ფეხები იატაკიდან 10-15 სმ სიმაღლეზე აწიეთ.
- ფეხები ამ პოზაში გააჩერეთ, თან ფეხებით ფართო და ინტენსიური რხევები შეასრულეთ. ვარჯიშისას თავი და წელი იატაკზე მიდებული უნდა იყოს.
- 10–მდე დაითვალეთ, შემდეგ მოდუნდით და ფეხები ჩამოწიეთ. 3 მისვლა გააკეთეთ.
ამ მარტივი ვარჯიშით თქვენი მუცელი ბრტყელი გახდება, გულის და სისხლძარღვების მუშაობა გაუმჯობესდება, საჭმლის მომნელებელ ორგანოებზე სასარგებლო გავლენას მოახდენს. რეგულარული ვარჯიშით მენჯის ღრუს ორგანოების მუშაობა მოწესრიგდება.
როგორ დავიკლოთ წონაში 40 წლის შემდეგ
როცა 20, 25 ან 30 წლის ხართ, წონის დაკლება (სურვილის და ნებისყოფის შემთხვევაში) მარტივია. ერთკვირიანი დიეტა და ზედმეტი კილოგრამები კვამლივით გაქრება. სამწუხაროდ, ასაკთან ერთად 2–3 კგ–ს დაკლება გმირობაა. 40 წლის შემდეგ ქალს ახასიათებს წონის მატება, თუნდაც რაციონი და ცხოვრების წესი დიდად არ შეცვალოს. გიზიარებთ დიეტოლოგების 3 ღირებულ რჩევას და მათი მუდმივად დაცვა სცადეთ.
ცილებით მდიდარი პროდუქტები
შუახნის ქალის წონისთვის ცილის სარგებელი კვლევებით დადასტურებულია. ექსპერიმენტის ფარგლებში ქალები 4 თვეში მაღალცილოვანი დიეტით ცხიმის 30%–ს კარგავდნენ. დიეტური ცილები (ქათამი, თევზი, ძროხის ხორცი, ტოფუ, კვერცხი, პარკოსანი, ხაჭო, ნატურალური იოგურტი) ნივთიერებათა ცვლას ზრდის, დიდი ხნით გვანაყრებს. ამრიგად, მუდმივი შიმშილის გრძნობის გარეშე იკლებთ. ომლეტით ისაუზმეთ, იოგურტით ან ხაჭოთი წაიხემსეთ, სალათით და თევზით ისადილეთ, ხოლო პარკოსანით ივახშმეთ.
მეტი კალციუმი
კალციუმით მდიდარი კვება არა მხოლოდ წელის გარშემოწერილობას შეგიმცირებთ, არამედ თავიდან აგაცილებთ ისეთ ასაკობრივ დაავადებას, როგორიცაა ოსტეოპოროზი. კალციუმი ძვლების აღდგენის ფუნქციას ხელს უწყობს, მისი რღევის რისკს ამცირებს. ეს მენოპაუზის პერიოდში განსაკუთრებით მნიშვნელოვანია, რადგან ესტროგენის დონის შემცირება კალციუმის ათვისებას ანელებს. ზრდასრულმა ადამიანმა დღეში მინიმუმ 1000 მგ კალციუმი უნდა მიიღოს. ასეთ რაოდენობას 800 მლ კეფირი ან 100 გ ხმელი ყველი შეიცავს. ასევე კალციუმით მდიდარია თევზი, ზღვის პროდუქტები, პარკოსანი, კაკალი, სეზამი და მზესუმზირის თესლი.
უჯრედისი და მინიმუმი შაქარი
ორგანიზმს ნახშირწყლები ჯანმრთელობის შესანარჩუნებლად სჭირდება. თუმცა მისი წყარო სწორად უნდა შეარჩიოთ. უმჯობესია, რომ ნახშირწყლები მიიღოთ პროდუქტებიდან, რომლებიც უჯრედისით მდიდარია: მარცვლეული, ბოსტნეული და ხილი. უჯრედისი მავნე ქოლესტერინის დონეს ამცირებს, გულ–სისხლძარღვთა დაავადებების განვითარების რისკს ამცირებს, ასევე წონას აკონტროლებს.
ამავდროულად, 40+ ასაკის ქალმა უნდა შეამციროს ისეთი გადამუშავებული პროდუქტების მიღება, როგორიცაა ტკბილი გაზიანი სასმელი, თეთრი პური, ცომეული და გაპრიალებული ბრინჯი. მათი რეგულარული მიღება მე–2 ტიპის დიაბეტის განვითარების რისკს ზრდის.
