ასაკოვანი ადამიანების ყოველდღიურ მენიუში რთული ნახშირწყლები უნდა შედიოდეს. ამის შესახებ დიეტოლოგი ელენა სოლომატინა საუბრობს. ექიმის თქმით, ნახშირწყლები ორგანიზმისთვის ენერგიის წყაროა. სწორედ ამიტომ, მოხუცებმა რთული ნახშირწყლები უნდა მიირთვან.
„არსებობს ორი სახის ნახშირწყლები, რთული და მარტივი. მარტივია ტკბილეული, ცომეული, კანფეტი, თეთრი პური და მანანის ბურღული. მოხუცებმა ასეთ პროდუქტებზე უარი უნდა თქვან“ – ამბობს დიეტოლოგი.
ექიმი ამატებს, რომ მარტივი ნახშირწყლების მიღების შემდეგ სისხლში შაქრის დონე მკვეთრად იზრდება და გარკვეულ დროში ასევე მკვეთრად მცირდება. ეს იწვევს ძლიერ დაღლილობას და შიმშილს, რომელიც ადამიანს ბევრი მავნე საკვებისკენ უბიძგებს.
რთული ნახშირწყლები მსგავს ცვლილებებს არ იწვევს. დიეტოლოგი ამბობს, რომ ჩვეულებრივ რთული ნახშირწყლების წყარო მდიდარია უჯრედისით, რომელიც ორგანიზმიდან ზედმეტი შაქრის, ცხიმის და ტოქსინის გამოდევნას ხელს უწყობს, ნაწლავების მიკროფლორის მდგომარეობას აუმჯობესებს.
„მოხუცებისთვის რეკომენდებულია დღეში 400 გრამი რთული ნახშირწყლების მიღება. ესაა ქატოს პური, ხილი, ბოსტნეული, მყარი ჯიშის ხორბლის მაკარონი, მთელი მარცვლეულის ფაფა, რომელიც უნდა მოხარშოთ: წიწიბურა, შვრია, ყავისფერი შაქარი და სხვა“ – აჯამებს დიეტოლოგი.
მნიშვნელოვანია! ინფორმაცია მხოლოდ გაცნობით ხასიათს ატარებს. სპეციალისტთან გაიარეთ კონსულტანცია უკუჩვენებების და გვერდითი ეფექტების შესახებ. თვითმკურნალობა დაუშვებელია. დაავადების პირველივე ნიშნებზე ექიმს მიმართეთ.
