დღემდე ხალხში არსებობს სადავო მოსაზრება: „რაც უფრო ასაკოვანია ქალი, მით უფრო მოკლე თმა უნდა ჰქონდეს“. ალბათ, ეს საბჭოთა პერიოდის გამოძახილია, როცა 40-50-60 წლის ქალისთვის საზოგადოებაში გაშლილი გრძელი თმით გამოსვლა დაუშვებელი იყო. შესაძლოა, ქალები თავად ირჩევენ მოკლე თმას, რომ დავარცხნაზე დრო დაზოგონ.
Vivien–მა ეს საკითხი გაარკვია და გაიგო, რომელ ასაკამდე სჯობს გრძელი თმის ტარება და ვის სჭირდება თმის შეჭრა. მოკლე ვარცხნილობა ასაკოვან ქალზე გავრცელებული გადაწყვეტილებაა, მაგრამ მისი დაცვა ყველას არ სჭირდება.
რატომ ირჩევენ ასაკოვანი ქალები მოკლე ვარცხნილობას
განვიხილავთ, რამდენად მიღებულია გრძელი თმით ტრაბახი, როცა ქალი შუახნის ასაკს გადაცილებულია. გაიგებთ, როდის სჯობს თმის დამოკლება ნამდვილად.
ჰორმონალური ცვლილებები
საიდუმლო არაა, რომ წლების განმავლობაში თმა თხელდება. ეს ნორმალური ფიზიოლოგიური პროცესია. მოკლე ვარცხნილობა თმას ვიზუალურად ასქელებს, ცვენისგან ყურადღების გადატანა შეუძლია. მსგავსი ვარცხნილობა მალავს სიმშრალეს, ფორიანობას და ზედმეტ სიუხეშეს.
ახალგაზრდობის შენარჩუნება
მოკლე ვარცხნილობა თმას უფრო მოცულობითს აჩენს და სახეს ვიზუალურად „აახალგაზრდავებს“. მოკლე ვარცხნილობით ჭაღარა თმაც მოვლილი და მოდური ჩანს, სახეს უფრო ახალგაზრდულს ხდის.
ყოველდღიური მოვლა
მოკლე ვარცხნილობა არ ნიშნავს, რომ მოვლა არ სჭირდება. ასეთ თმას რეგულარული შეჭრა სჭირდება, რომ პირვანდელი ფორმა შეინარჩუნოთ. ყოველდღიური დავარცხნა უფრო მნიშვნელოვანი ხდება, რადგან თმას უბრალოდ ვეღარ შეიკრავთ. მოკლე სიგრძე სკალპის მდგომარეობის კონტროლს მოითხოვს.
ასაკოვანი ქალი გრძელი თმით: შევიჭრათ თუ გავიზარდოთ
ერთხელ და სამუდამოდ დაიმახსოვრეთ: გრძელი თმა 40, 50, 60 წლის შემდეგ მიღებულია. არსად მითითებული არაა ასაკი, როცა გრძელი თმა აკრძალულია. ყველაფერი დამოკიდებულია შემდეგ პარამეტრებზე.
თმის სტრუქტურა და სახის ტიპი
ნათელია, რომ გრძელი თხელი თმა ნებისმიერ ასაკში ცუდად გამოიყურება. რა თქმა უნდა, „ვირთხის კუდის“ ვარცხნილობას უნდა მოერიდოთ. არსებობს ბევრი წარმატებული ვარცხნილობა თხელი თმისთვის. მთავარია, კარგ ოსტატთან მიხვიდეთ. მოვლილი მოცულობითი თმა ნებისმიერ ასაკში ლამაზია. გრძელი თმა სპეციალური საშუალებებით უნდა დაივარცხნოთ. თმას არეულ ბაბუაწვერად გადაქცევის საშუალება არ მისცეთ.
სტილი და ფერი
იგულისხმება როგორც სტილი ყოველდღიურ ცხოვრებაში, ასევე ტანსაცმელში. აქტიური სპორტსმენი ქალები მოკლე ვარცხნილობას უპირატესობას ანიჭებენ, რადგან ასე უფრო მოსახერხებელია. რაც შეეხება ფერს, უფლება გაქვთ ჭაღარა დაიტოვოთ ან თქვენი ახალგაზრდობის ჩრდილში შეიღებოთ. იაფი ინით ან ბასმით ექსპერიმენტები არ ჩაატაროთ. სქელი შავი ან კაშკაშა წითელი შეფერილობა არასასურველ ასაკს შეგმატებთ. კარგია, თუ ტრენდებს იცავთ ან გაქვთ პროფესია, რომელიც სეზონზე ერთხელ ვარცხნილობის შეცვლას გავალდებულებთ. ამაში ცუდი არაფერია, ცვლილებები საინტერესოა!
პირადი პრეფერენციები
გსურთ თმის გაზრდა წელამდე? თქვენი უფლებაა. თუ ნამდვილად ამაყობთ თქვენი ვარცხნილობით, რომელსაც წლები ზრდიდით, მოდურმა ტენდენციებმა ხელი არ უნდა შეგიშალოთ. მაგალითად, 60 წლის მსახიობი დემი მური შოკოლადისფერ გრძელ თმაში შესანიშნავად გამოიყურება. ავსტრალიელი ჟურნალისტი სარა ჰარისი, რომელსაც მალე 42 წელი შეუსრულდება, გრძელ ჭაღარა გაშლილ თმას ამაყად ატარებს. ახლახანს სერიალის „სექსი დიდ ქალაქში“ 58 წლის მსახიობმა, სარა ჯესიკა პარკერმა საკუთარ მაგალითზე აჩვენა, რომ პატარა კულულები გრძელ თმაზე ლამაზი და მოდურია. აირჩიეთ მისაბაძი მაგალითი ან თავად შექმენით ტრენდი!
მოძველებული ვარცხნილობა
გრძელი ნაწნავი ასაკში ნამდვილად ძველმოდურად გამოიყურება. თუ გრძელი თმის დახვევა, დასწორება ან გალამაზება არ შეგიძლიათ და ნაჩქარევად იწნავთ, მოდური ვარცხნილობის არჩევას გირჩევთ. აუცილებელი არაა მოკლედ შეიჭრათ. დაიტოვეთ იმ სიგრძის თმა, რომლის მოვლასაც შეძლებთ.
გრძელი თმა ბალახი არაა და თვითნებაზე არ უნდა გაიზარდოს. ის, რაც 25 წლისას დაუდევრობად ითვლებოდა, 50 წლის შემდეგ მოუვლელ იერს ტოვებს. საფეხურიანი ვარცხნილობა თითქმის ნებისმიერი ასაკის ქალს უხდება. თმას მატებს საჭირო მოცულობას, სახის ნაკვთებს ჭიმავს, ნაოჭებზე აქცენტების გარეშე.
