კლასიკური ორცხობილა „ყურები“ სახლის პირობებში უპრობლემოდ შეგიძლიათ მოამზადოთ. უკრაინელი მზარეული ლილია ცვიტი უფრო მორთული და საინტერესო გემოს რეცეპტს გვთავაზობს. მარტივი, მაგრამ წარმატებული რეცეპტია.
ორცხობილა „ყურები“
როგორც წესი, ამ ორცხობილის მოსამზადებლად საჭიროა კარაქი, კვერცხი და ფქვილი. ეს ცომეული შეგიძლიათ გაათანამედროვოთ, რაც ლილია ცვიტმა ოსტატურად გააკეთა. უკრაინელი მზარეული ორცხობილას ხაჭოთი ამზადებს. უფრო ჰაეროვანი და პირში მდნობი გამოდის.
ინგრედიენტები:
- 300 გ ხაჭო
- 150 გ კარაქი
- 200-250 გ ხორბლის ფქვილი
- 1 ჩ/კ გამაფხვიერებელი
- 4 ს/კ შაქარი
- 1 ჩ/კ ვანილი
მომზადების წესი:
1. სახლის ხაჭოს გამოყენებას გირჩევთ. მის შეძენას ბაზრობაზე შეძლებთ. ხაჭო ღრმა თასში გადაიტანეთ და კოვზით აურიეთ.
2. ხაჭოს დაუმატეთ გამდნარი კარაქი და კარგად აურიეთ. მნიშვნელოვანია, ხაჭო ოთახის ტემპერატურის იყოს, ხოლო კარაქი ცხელი არ იყოს. ერთგვაროვანი ხაჭო–კარაქის მასა უნდა მიიღოთ.
3. გაცრილი ფქვილი და გამაფხვიერებელი დაუმატეთ. ელასტიური რბილი ცომი მოზილეთ. 10-15 წუთი ოთახის ტემპერატურაზე დაასვენეთ.
4. სამუშაო ზედაპირს ფქვილი მოაყარეთ და ცომი მოზილეთ. 0,5 სმ სისქის მართკუთხა ფირფიტად გააბრტყელეთ. ცომს შაქარი და ვანილი მოაყარეთ. შაქრის რაოდენობა გემოვნებით დაარეგულირეთ, რადგან ცომში შაქარი საერთოდ არაა.
5. ცომი ორივე მხრიდან რულეტივით დაახვიეთ. შუაში შეართეთ. მიღებული ორმაგი რულეტი 1 სმ სისქის ნაჭრებად დაჭერით. ეს მომავალი ორცხობილა იქნება.
6. პერგამენტდაფარებული საცხობ ფორმაზე ორცხობილები გადაიტანეთ. ერთმანეთს შორის დისტანცია დაიცავით. ორცხობილები წინასწარ 180 გრადუსამდე გახურებულ ღუმელში 30 წუთი აცხვეთ. „ყურები“ კარგად უნდა შეწითლდეს!
ორცხობილები „ყურები“: რედაქციის რჩევა
მზა ორცხობილებს ოდნავ შეგრილება აცადეთ. ცხელი დესერტის სუფრაზე გატანა არ ღირს. სხვათა შორის, გირჩევთ, შაქრის ნარევს დარიჩინი დაუმატეთ. ასე „ყურები“ უფრო არომატული გამოვა.
თუ ექსპერიმენტებისთვის მზად ხართ, ორცხობილას ქოქოსის ფანტელები ან დაქუცმაცებული კაკალი შეგიძლიათ მოაყაროთ. შოკოლადიც გამოგადგებათ. დარწმუნებული ვართ, რომ ცომეულის გემო ამით მხოლოდ მოიგებს!
