ბევრ ქვეყანაში დამკვიდრებულია, რომ კაცი ოჯახის მარჩენალია. ის სამსახურში დადის, ფული მოაქვს, ოჯახზე პასუხისმგებლობას იღებს. მაშინ, რატომ უნდა იმუშაოს ქალმა საძულველ სამსახურში ასეთი შესანიშნავ პირობებში? საქმე იმაშია, რომ პრაქტიკაში ოჯახური ცხოვრება ბევრად უფრო რთულია, ვიდრე ამის შესახებ თინეიჯერულ რომანებში წერენ.
განსაკუთრებით დრამატულია წყვილების ყურება, სადაც ორი შინაგანი პრინციპი იბრძვის: კაცს ოჯახის ბიუჯეტში თანაბარი წვლილის შეტანა სურს, ხოლო ქალს დიასახლისობა და ოჯახის კერის დაცვა. ადრე თუ გვიან უთქმელი სიტყვა დიდ პრობლემას გამოიწვევს. სწორედ ამიტომ, სერიოზულად განწყობილმა ადამიანებმა ცხოვრებაზე შეხედულებები ძალიან ადრე უნდა განიხილონ.
ქალმა უნდა იმუშაოს
„წარმოიდგინეთ, როგორი იყო ჩემთვის, ახალგაზრდა ქალისთვის შვილთან ერთად ცხოვრება კაცთან, რომელიც აღარ მიყვარდა და აღარ ვაფასებდი. ადრეული ქორწინება, პეპლები მუცელში და ჩვეულებრივი სიყვარული ფსიქოლოგიურ ტრავმას, სკანდალს და უსახსრობას იწვევს. ასე შემიძლია აღვწერო ჩემი ცხოვრება პირველ ქმართან.
4 წელი ერთად ვიცხოვრეთ. ერთადერთი, რისთვისაც მადლობელი ვარ, ჩვენი ვაჟია, ნიკა. მის გარეშე ჩემი ცხოვრება ნაცრისფერი და უსიხარულო გახდებოდა. ეს სიმართლეა. ყოფილი ქმრისადმი თბილი, დადებითი გრძნობა ან ემოცია არ შემრჩა. მიხარია, რომ ჩვენი გზები გაიყო და დროულად დაშორება მოვახერხეთ.
განქორწინებიდან ცოტა ხანში მამაკაცი გავიცანი. იტალიელი. ჩემზე 3 წლით უფროსია. სიმპათიური, ლამაზად საუბრობს და თავს მევლება. ოჯახი და საყვარელი საფეხბურთო გუნდი უყვარს. განქორწინებულია და ბავშვების წინააღმდეგი არაა. ვიცოდი, რომ დისტანციური ურთიერთობა 99%–ით წარუმატებლად სრულდება, მაგრამ რატომღაც ჩვენი კომუნიკაციის შეწყვეტა არ მინდოდა.
ერთხანს ყველაფერი კარგად და მშვიდად მიდიოდა. ვიდეოზარით ვეხმიანებოდით და ბევრს ვსაუბრობდით. ჩვენს განცდებს და იმედებს ერთმანეთს ვუზიარებდით. შემდეგ მოულოდნელად მესტუმრა. ერთად 4 შესანიშნავი დღე გავატარეთ. მივხვდი, რომ ის შესანიშნავი ადამიანი, მამაკაცია.
6 თვის შემდეგ ბილეთები მიყიდა და თავისთან დამპატიჟა. უარი არ მითქვამს. ალბათ, ის კვირა ჩემს ცხოვრებაში ყველაზე სასიამოვნო პერიოდი იყო. სასიამოვნო კლიმატი, მეგობრული გარემო, გემრიელი საჭმელი და დინო. ბევრი მიზეზია, რის გამოც დარჩენილი ცხოვრების იტალიაში გატარება გადავწყვიტე.“
ოჯახური ცხოვრება
„ამ მოგზაურობის შემდეგ ჩვენი ურთიერთობა მხოლოდ გაძლიერდა. ურთიერთობა გავაგრძელეთ და ჩვენს შორის გაჩენილი ნაპერწკალი ნამდვილ ხანძრად გადაიზარდა. დინომ, როგორც ნამდვილმა მამაკაცმა, არ გააჭიანურა. ცოლობა მთხოვა. დავთანხმდი. ახლა ჩემს ვაჟთან და ქმართან დინოსთან ერთად მზიან იტალიაში ვცხოვრობ.
ოჯახური ცხოვრება შაქარი არაა. ეს ყველა ზრდასრულმა იცის. ჩემი „კანფეტ–თაიგულების“ პერიოდი სწრაფად დასრულდა. არ ვკამათობთ, არა. უბრალოდ ერთმანეთი უკეთ გავიცანით და რაღაც ორივესთვის აღმოჩენა გახდა. მაგალითად, გავიგე, რომ ტიპიური იტალიელის ინტერესია ჭამა, ფეხბურთი და ამ ორ თემაზე საუბარი. და მორჩა.
ჩემდა გასაოცრად და სამწუხაროდ, აღმოვაჩინე, რომ დინოს ტრადიციულ ქორწინებაში ცხოვრება არ სურს. ჩემი გაგებით, ტრადიციულში. არ ესმის, რატომ არ მინდა სამსახურში გასვლა, არამედ სახლში მყუდრო ატმოსფეროს შექმნას ვცდილობ. ქალისთვის ეს ძალიან მნიშვნელოვანია. მუშაობა უცხო ქვეყანაში ენის ცოდნის გარეშე? რატომ?“
სიხარბე თუ პრაქტიკულობა?
„დინოს კარგი სამსახური აქვს, შესანიშნავი მშობლები ჰყავს. 4 დღეში ერთხელ დამლაგებლები მოდიან. ეს ნორმალურია. დიდ კერძო სახლს მარტო ვერ დავასუფთავებდი. ქალი სხვა რამისთვის არის შექმნილი. რატომღაც დინო სხვაგვარად ფიქრობს. ჩვენთან მას ხარბს უწოდებდნენ. აკონტროლებს, რამდენს ვყიდულობ და ვხარჯავ. რატომ? ეს ხომ საფულეს საერთოდ არ ურტყამს.
ვნერვიულობდი, თუ ქმარი მე ასე მექცევა, ვაჟის მიმართ უფრო მკაცრი იქნება. აქ შევცდი. ნიკა პირველივე შეხვედრიდან შეუყვარდა. ანებივრებს, სულ საჩუქრებს ჩუქნის, კერძო სკოლაშიც მოაწყო. რა თქმა უნდა, ეს მომწონს, მაგრამ ნალექი მაინც მრჩება.
სილამაზის სალონში მუშაობა ვცადე, მაგრამ კლიენტისთვის ოსტატთან კომუნიკაცია ძალიან მნიშვნელოვანია, მე კი ეს არ შემიძლია. ყველა პროფესია, სადაც ენის ცოდნა საჭირო არაა, ან დაბალანაზღაურებადია ან ძალიან რთული. რას მეტყვით, მტვირთავად ვიმუშაო? გამოდის, მინუსები ყველგან არის.“
ქალს სამსახური სჭირდება
„დედამთილთან დალაპარაკება ვცადე. თარჯიმანი აპლიკაციით, მაგრამ მარტო. ვკითხე, რატომ არის მისი შვილი ასეთი წუწურაქი, ფული ხომ აქვს. რატომ მაიძულებს მუშაობას? ეს ხომ უცნაურია. მიპასუხა, რომ მათთან არასწორად ითვლება, როცა ქალი მთელი დღე სახლშია და არაფერს აკეთებს. მას არასწორი აზრები ან არასწორი შთაბეჭდილებები შეიძლება გაუჩნდეს.
თუ სამსახურში გავა და ქმარივით რაღაც ენერგიას ამაზე დახარჯავს, მის გაგებას დაიწყებს. სხვა სიტყვებით, სამსახური უნდა მოვძებნო მხოლოდ იმიტომ, რომ დინოს გაუმართლა და კარგი სამსახური აქვს. ეს სამართლიანია?
ნიკა რომ არა, ალბათ, უკვე სამშობლოში დაბრუნებაზე დავფიქრდებოდი. აქ ჩემს შვილს მომავალი აქვს. უკვე მოქალაქეობაზე საბუთები გავაფორმეთ. ენას სწავლობს და მეგობრებიც შეიძინა. განათლებაზე წვდომა აქვს. მოკლედ, პერსპექტივები არის.
ამავდროულად, უნდა ვიმუშაო, თუმცა სახლში შინამოსამსახურე უფრო მეტს გამოიმუშავებს, ვიდრე მე. რაღაც სულელური ხუმრობაა ან სურვილი დაინახონ, როგორ მუშაობს ადამიანი საძულველ სამსახურში, იმის ნაცვლად, რომ ნორმალურად იცხოვროს და თავი კომფორტულად იგრძნოს.
როგორც ხედავთ, კიდევ ერთი შეცდომა დავუშვი, რომელსაც ვეღარ გამოვასწორებ. მივმართავ ყველა შეყვარებულ გოგოს და ქალს. თავი ხელში აიყვანეთ და სიტუაცია კარგად შეაფასეთ. გაიგეთ, რას ფიქრობს მამაკაცი ყოფით საკითხებზე, დასვენებაზე და ფულის გამომუშავებაზე. მხოლოდ პასუხების გაგების შემდეგ გამოიტანეთ დასკვნები. უფრო ადრე არა! ამ შემთხვევაში, ყველაფერი კარგად იქნება. ჩემი შეცდომა არ გაიმეოროთ!“
