![Poster_2023_04_13 11_46_16](https://vivien.ge/wp-content/uploads/2023/04/Poster_2023_04_13-11_46_16-696x362.jpg)
თუ თქვენს შვილებს პასქის ცხობაში მონაწილეობის მიღება სურთ, ორიგინალური შოკოლადის პასქის რეცეპტი გამოიყენეთ. შოკოლადის ცომეული უსაფუაროა და ტრადიციულ რეცეპტთან შედარებით უფრო სწრაფად მზადდება. მისი საოცარი გემო ბავშვებს ნამდვილად მოეწონებათ.
შოკოლადის ცომეული
პირველად ამ რეცეპტის გამოყენება მომიწია, როცა ჩემი ქალიშვილი გამიბრაზდა, რომ პასქა მის გარეშე გამოვაცხვე. იმ დღეს მომენტი გამოვიყენე, სანამ დიანა ბაღში იყო და ცომეული მშვიდად მოვამზადე.
როცა ბავშვმა მზა პასქები დაინახა, მწარედ ატირდა, რადგან დავპირდი, მისი დახმარებით გამოვაცხობდი „სპეციალურ საბავშვო პასქას, რომელიც მხოლოდ ბავშვებთან ერთად ცხვება“. ვინაიდან შოკოლადი მოსწონს, შესაფერისი რეცეპტი კაკაოს ცომით სწრაფად ვიპოვე.
ქალიშვილს ძალიან გაუხარდა, როცა ერთად ცხობა დავიწყეთ. უნდა გენახათ, როგორი ნაზი გამოხედვით დააგემოვნა თავისი ხელით მომზადებული პასქა! გიზიარებთ რეცეპტს.
ინგრედიენტები:
- 1 ჭიქა კარგი ხარისხის ფქვილი
- 1 ს/კ კაკაოს ფხვნილი
- 2 კვერცხი
- 1 ჩ/კ სოდა (ლიმონის წვენით ჩააქრეთ)
- 100 გ კარაქი
- 4 ს/კ შაქრის ფხვნილი
- 100 მლ ახალი რძე
- 1 შეფუთვა ვანილი
- ქიშმიში, ცუკატი ან ციტრუსის ცედრა
მომზადების წესი:
1. გაცრილი ფქვილი და კაკაო აურიეთ. ფქვილი 2–3–ჯერ გაცერით. რაც უფრო გამდიდრდება ჟანგბადით, მით უფრო ჰაეროვანი ცომი გამოვა. მნიშვნელოვანია, რომ ხარისხიანი კაკაოს ფხვნილი აირჩიოთ. ასე კექსი ლამაზი შოკოლადისფერი გამოვა.
2. კვერცხი თასში ჩატეხეთ. დაუმატეთ შაქრის ფხვნილი, ვანილი და ფაფუკი ერთიანი მასის მიღებამდე მიქსერით ათქვიფეთ. ზედმეტად არ ათქვიფოთ, ასე ძალიან წელვადი და მკვრივი გამოვა.
3. ათქვეფილ კვერცხს თბილი გამდნარი კარაქი და რძე დაუმატეთ. ძალიან ცხელი ინგრედიენტები კვერცხის შეკვრას (მოხარშვას) გამოიწვევს და ცომი გაფუჭდება. მასას მიქსერით აურიეთ.
4. ჩამქრალი სოდა (ან გამაფხვიერებელი) დაუმატეთ. სოდა ძმრით შეგიძლიათ ჩააქროთ, მაგრამ თუ ბავშვებისთვის აცხობთ ლიმონის წვენის გამოყენებას გირჩევთ. აურიეთ. ფქვილი და კაკაო დაუმატეთ და კოვზით ან სპატულით აურიეთ. ერთგვაროვანი მასა კურკუტების გარეშე უნდა გამოვიდეს.
5. ცომს ქიშმიში, ცედრა ან ცუკატი დაუმატეთ. ეს თქვენი გემოვნებით და ბავშვის სურვილით. შოკოლადის წვეთებიც გამოგადგებათ. 3 ქაღალდის საცხობი ფორმა (7 სმ დიამეტრი) აიღეთ და ნახევარი მოცულობა გაავსეთ. სხვა ფორმებიც შეგიძლიათ გამოიყენოთ, ოღონდ ამ შემთხვევაში ზეთი წაუსვით.
6. 170 გრადუსამდე გახურებულ ღუმელში 1 საათით აცხვეთ. პასქების მზაობა ხის ჩხირით შეამოწმეთ. მზა პასქას წყლის ორთქლზე გამდნარი შოკოლადი მოასხით და ლამაზად გააფორმეთ. ცომეული თეთრი ან შავი შოკოლადით დაფარეთ.
7.შოკოლადის ჭიქურს გამაგრება აცადეთ, შემდეგ ბავშვებთან ერთად საოცარი პასქა–კექსის ნაზი გემოთი და კაკაოს არომატით ისიამოვნეთ.
ასეთი პასქის ბავშვებთან ერთად გამოცხობა მოამზადეთ. მათთვის საინტერესო და მისაღები იქნება. ამ მომენტებში ოჯახები უფრო მეტად ერთიანდებიან. ამ რეცეპტით შოკოლადის კექსი ნებისმიერ დროს შეგიძლიათ გამოაცხოთ, არა მხოლოდ აღდგომას.