რა შეიძლება იყოს შინ მომზადებულ ალუბლის ტორტზე უკეთესი? ტორტი ალუბლით და ქოქოსით! ნაზი ქოქოსის და მჟავე ალუბლის კომბინაცია გემოების ნამდვილ სამოთხეს ქმნის. განსაკუთრებით მაშინ, როცა ტორტის მომზადებას ბევრი დრო და ძვირადღირებული პროდუქტები არ სჭირდება. დღევანდელი რეცეპტი ამტკიცებს, რომ ეს აუცილებელი არაა. Vivien გიამბობთ, როგორ მოამზადოთ ეგზოტიკური ტორტი.
შოკოლადის ბისკვიტის ინგრედიენტები:
- 5 კვერცხი
- 130 გ შაქარი
- 20 გ კაკაო
- 30 გ მცენარეული ზეთი
- 1 ჩ/კ გამაფხვიერებელი
- 100 გ ფქვილი
ალუბლის ფენის ინგრედიენტები:
- 400 გ ალუბალი
- 150 გ შაქარი
- 40 გ სახამებელი
- 200 მლ წყალი
ქოქოსის კრემის ინგრედიენტები:
- 700 მლ რძე
- 150 გ შაქარი
- 10 გ ვანილი
- 60 გ მანანის ბურღული
- 100 გ ქოქოსი
- 100 გ კარაქი
დასანამი ინგრედიენტები:
- 150 მლ წყალი
- 1 ჩ/კ ვანილი
- 2 ჩ/კ შაქარი
- 1 ს/კ რომი
მომზადების წესი:
- ბისკვიტით დაიწყეთ. კვერცხის გული და ცილა დააცალკევეთ. ცილები ფაფუკი ქაფის მიღებამდე ათქვიფეთ. შაქარი დაუმატეთ და მყარი პიკის მიღებამდე ათქვიფეთ. კვერცხის გულები დაუმატეთ და ათქვეფა გააგრძელეთ. ზეთი დაუმატეთ და ერთგვაროვანი მასის მიღებამდე ათქვიფეთ. კაკაო და ფქვილი დაუმატეთ. თხელი ცომი მოზილეთ. ფორმაში ჩაასხით და 170 გრადუსზე 45 წუთით აცხვეთ.
- მზა ბისკვიტს გაგრილება აცადეთ, შემდეგ თავი მოაჭერით, რომ სწორი ფენა მიიღოთ. ამის შემდეგ ბისკვიტი სამ თანაბარ ფენად გაყავით. აწყობამდე ფენები დანამეთ. დასანამი ინგრედიენტები ერთმანეთს აურიეთ.
- სანამ ბისკვიტი გრილდება, ალუბლის ფენა მოამზადეთ. ალუბალს შაქარი დაუმატეთ და სუსტ ცეცხლზე დადგით. ადუღების შემდეგ კიდევ 5 წუთით ხარშეთ. დაგჭირდებათ სახამებელი ან ალუბლის პუდინგი, რომელიც მაღაზიაში იყიდება. წყალში ერთგვაროვანი მასის მიღებამდე გახსენით. როცა ალუბალი ადუღდება, პუდინგი ან სახამებელი დაუმატეთ. კიდევ 2 წუთით გასქელებამდე ხარშეთ. გასაგრილებლად გააჩერეთ.
- ქოქოსის კრემი მოამზადეთ. რძეს შაქარი, ვანილი და მანანის ბურღული დაუმატეთ. აურიეთ და ქურაზე ადუღებამდე დადგით. როცა კრემი დუღილს დაიწყებს, ქოქოსის ფანტელები დაუმატეთ. მასას აურიეთ, ქურიდან გადმოდგით და კარაქი დაუმატეთ. კრემი ოთახის ტემპერატურამდე უნდა გააგრილოთ.
- ტორტი ააწყვეთ. ბისკვიტის ფენას კრემი წაუსვით, ალუბლის ფენა დაუმატეთ და ისევ კრემი. ბისკვიტის ფენა დაადეთ და თანმიმდევრობა გაიმეორეთ. ზემოდან უბრალოდ ბისკვიტის ფენა დაადეთ. სურვილისამებრ გააფორმეთ. აწყობილი ტორტი მაცივარში 12 საათით გააჩერეთ.
ფინჯანი არომატული ყავა მოადუღეთ და გემრიელი ტორტით ისიამოვნეთ. მარტივი ინგრედიენტებით ძალიან გემრიელი და უჩვეულო ტორტი გამოვა.
