აკროშკა ცივი კერძია, რომელზეც ბევრი ადამიანი გიჟდება. როგორც სხვა ცივი წვნიანი, აკროშკა ცხელ სეზონზე განსაკუთრებით კარგია. რაც უფრო თბილა გარეთ, მით მეტად იზრდება მისი ჭამის სურვილი. რა თქმა უნდა, გამოცდილ დიასახლისს ამ კერძით ვერ გააკვირვებთ. ყველამ ზუსტად იცის, რა სჭირდება აკროშკას და როგორ მოამზადოს. თუმცა მისი მომზადების სხვადასხვა ვარიანტი არსებობს. მაგალითად, აღმოსავლური აკროშკა. Vivien გიამბობთ, რით განსხვავდება ჩაკაჩალოპი ჩვეული აკროშკასგან და როგორ მოამზადოთ. ნაცნობი კერძით ექსპერიმენტები ჩაატარეთ და შედეგი გაგაოცებთ.
ინგრედიენტები:
- 200 გ ჩაკა
- 1,25 ლ ცივი ანადუღარი წყალი
- 300 გ ახალი კიტრი
- 100 გ ბოლოკი
- 100 გ მწვანე ხახვი
- 20 გ მწვანილი
- მარილი გემოვნებით
მომზადების წესი:
- ალბათ, ბევრი ვერ მიხვდება, რა არის ჩაკა და სად იპოვოს. ეს იგივე რძემჟავა პროდუქტია, რომელშიც პასტერიზაციით წყლის შემცველობა მცირდება. რძის პასტერიზაცია 80-85 გრადუსზე ხდება, შემდეგ ტემპერატურა 30-32 გრადუსამდე მცირდება. ამის შემდეგ რძეს მაწვნის დედას უმატებენ.
- ჩაკა–ჩალოპი გაზავებული ჩაკაა. ჩაკა წყალში ზავდება. დაუმატეთ დაჭრილი კიტრი, ბოლოკი, ხახვი და მწვანილი. მწვანილად კონა ქინძი და კამა გამოიყენება.
- გემოვნებით მარილი მოაყარეთ და კარგად აურიეთ. აღმოსავლური აკროშკა მზადაა. გემრიელად მიირთვით.
აღსანიშნავია, რომ ზოგჯერ ჩაკა კორკოტდება. ამის თავიდან ასაცილებლად, ჩაკა ცოტა წყალში გახსენით, შემდეგ დარჩენილი სითხე დაასხით. საჭიროა არაა მხოლოდ ამ ინგრედიენტებით შემოიფარგლოთ. აღმოსავლელი მზარეულები წვნიანს უმატებენ მოხარშულ ბოსტნეულს (კარტოფილი, სტაფილო), ძეხვს, ნიორს და ა.შ. საკუთარ პრეფერენციებს და ფანტაზიას მოუსმინეთ, რომ იდეალური რეცეპტი მიიღოთ. ასეთი აღმოსავლური აკროშკა ვიტამინების საწყობია. მსუბუქი და სასარგებლო, რომელიც ცხიმიან ხორციან კერძებს და ფლავს იდეალურად უხდება. ცხელ ამინდში დამოუკიდებელ კერძად შესანიშნავია.
