ნუტრიციოლოგები ერთხმად მოგვიწოდებენ, რომ რაციონში ქაშაყი ჩავრთოთ. მას აქვს დაბალანსებული შემადგენლობა, შეიცავს სხვადასხვა სასარგებლო მიკროელემენტს და ამინომჟავას, რომელსაც ორგანიზმი დამოუკიდებლად ვერ გამოიმუშავებს. ქაშაყში გვხვდება A და C ვიტამინები, ოლეინის მჟავა, რკინა, ფოსფორი, მანგანუმი, კალიუმი და სხვა ნივთიერებები, რომლებიც ჩვენს ჯანმრთელობაზე დადებითად მოქმედებენ. როგორ ავარჩიოთ ქაშაყი სწორად მაქსიმალური სარგებლის მისაღებად? თუ გსურთ გემრიელი სალათი „ქაშაყი ქურქის ქვეშ“ მოამზადოთ ან უბრალოდ თევზით წაიხემსოთ, მის ყიდვას პასუხისმგებლობით მოეკიდეთ. ამაზე მომავალი კერძის გემო, ასევე მისი ხარისხია დამოკიდებული. Vivien გიზიარებთ ახალი თევზის ძირითად ნიშნებს.
როგორ ავარჩიოთ ქაშაყი სწორად: ძირითადი ხრიკები
რას უნდა მიაქციოთ ყურადღება ყიდვისას
- კანი. ახალი ქაშაყი მოლურჯო–ფოლადისფერი უნდა იყოს. კარგი თევზი სუფთა კანით (სხვადასხვა ჩანაწინწკლის გარეშე) გამოირჩევა. ყვითელი ელფერი არც თუ ისე ახალი ქაშაყის ნიშანია. თეთრი ნადები მიუთითებს, რომ დამარილებისას უხარისხო ნარევი სხვადასხვა მავნე დანამატით გამოიყენეს.
- სიმკვრივე. თითის დაჭერისას ფორმა სწრაფად უნდა აღიდგინოს. მთავარია, სიმკვრივე იგრძნოთ, რომელიც ახალი თევზის ნიშანია. ჩავარდნილი მუცელი მიგანიშნებთ, რომ ქაშაყი უკვე ფუჭდება.
- ლაყუჩები. ალბათ, ახალი თევზის მთავარი ნიშანია. თუ ხედავთ, რომ ლაყუჩები მუქი ყავისფერია, ქაშაყი კარგია და თამამად შეგიძლიათ იყიდოთ. თევზი ყავისფერი ლაყუჩებით, რომელსაც უსიამოვნო სუნი ასდის, არ აიღოთ. ეს დიდხანს შენახვაზე მიგანიშნებთ.
როგორ ავარჩიოთ თევზი ხიზილალით – მყიდველები ხშირად მკითხაობენ, დახლზე მდედრი თუ მამრი თევზია. რომ არ იწვალოთ, თევზის ტუჩებს დააკვირდით. მამრს წაგრძელებული პირი აქვს, მდედრს კი – მრგვალი. მაღაზიაში ან ბაზრობაზე ქაშაყს დააკვირდით. ასე ქაშაყის ხიზილალით შეძენას შეძლებთ.
ახალი თევზით იდეალურ წასახემსებელს მიიღებთ, რომელიც არა მხოლოდ გემრიელი, არამედ სასარგებლო გამოვა. მთავარია, ქაშაყი სწორად შეარჩიოთ, მის ლაყუჩებს, ფერს და სიმკვრივეს დააკვირდეთ. ესეც მთელი ხრიკი!
