ახალ ბინაში ახალი სახეობის მცენარეების შეტანა გადავწყვიტე. მეგობარმა დრაცენას ყიდვა მირჩია. ეს ყვავილი მისაღები ოთახის ინტერიერში შესანიშნავად ჯდება. მეგობრის რჩევით შევიძინე, მაგრამ ახლა უნდა გავარკვიო, როგორ ვიზრუნო მასზე. როგორც ყოველთვის მეხმარება დროში გამოცდილი რეკომენდაციები დედაჩემის ძველი ჟურნალიდან. ასევე გავარკვიე, რას ამბობენ ამის შესახებ თანამედროვე ინტერნეტ გამოცემები. შედეგად, 5 შესანიშნავი რეკომენდაცია ვიპოვე, როგორ ვიზრუნო ამ მარადმწვანეზე.
როგორ ვიზრუნოთ დრაცენაზე: სასარგებლო რჩევები – ამ საოცარ მცენარეს არა მხოლოდ ლამაზი გარეგნობა, არამედ ბაქტერიციდული თვისებები აქვს. ჰაერს ატენიანებს და მოსაპირკეთებელი მასალების მიერ გამოყოფილი სხვადასხვა ტოქსიკური ნივთიერებისგან წმენდს. დრაცენა მარგინატა შევარჩიე. მას აქვს ვიწრო გრძელი ფოთლები გრძივი შინდისფერი და თეთრი ზოლებით. მაღაზიაში მითხრეს, რომ მცენარე იშვიათად ყვავილობს და სჭირდება კარგი გაფანტული სინათლე, თბილი წყლით რეგულარული მორწყვა, ფოსფორით და კალიუმით გამოკვება. ნაპოვნ რეკომენდაციებს შორის ორი მთავარი პუნქტი გამოვყავი.
სათანადო მიკროკლიმატით უზრუნველყოფა – აქ შედის კომფორტული ტემპერატურა, განათება და ჰაერის ტენიანობა. ამ ოთახის მცენარეს 25-28 გრადუსი ტემპერატურა მოსწონს. ცივ სეზონზე 18-24 გრადუსის ფარგლებში შეიძლება მერყეობდეს. ერთი ექსპერტის თქმით, დრაცენას 11 გრადუსი სითბოს ატანაც შეუძლია, მაგრამ ხანმოკლე დროით. ასეთ პირობებში რომ გადარჩეს, მორწყვა უნდა შეწყვიტოთ.
დრაცენა მარგინატა ნათელ გაფანტულ სინათლეს უპირატესობას ანიჭებს. პირდაპირი სხივები აზიანებს, ფოთლებს წვავს. ზამთარში, როცა დღის სინათლე მცირდება, დამატებითი ხელოვნური განათება უნდა გამოიყენოთ. რაც შეეხება ტენიანობას, ძალიან მშრალმა ჰაერმა შეიძლება ფოთლების დახვევა გამოიწვიოს. ოთახში 50-60% ტენიანობა უნდა იყოს. თუ ეს რთული ამოცანაა, მცენარის სადგამზე კენჭები დაყარეთ და მუდმივად დაასველეთ. ფოტოსინთეზის გასაუმჯობესებლად ფოთლები სველი ჩვრით გაწმინდეთ.
სასუქების გამოყენება – გაზაფხულსა და ზაფხულში რეგულარული კვება სჭირდება, კერძოდ ყოველ 14 დღეში ერთხელ. ზამთარში თვეში ერთხელ საკმარისია. როცა ჰაერის ტემპერატურა 18 გრადუსზე დაბალია, სასუქი საერთოდ არ მიაწოდოთ. როგორც მინერალური, ასევე ორგანული ნარევი გამოგადგებათ.
დრაცენასთვის სასუქის მომზადება ადვილია. მაგალითად, 25 გ ხახვის ფურცლებს 1 ლ წყალი დაასხით. აადუღეთ და მოხარშეთ. გააგრილეთ, გადაწურეთ და ამ ხსნარით ყვავილები მორწყეთ. ბანანის და ფორთოხლის ქერქის ნაყენიც გამოგადგებათ. 1 ბანანის და 1 ფორთოხლის ქერქს წყალი დაასხით და 2 ს/კ შაქარი დაუმატეთ. 20 დღე სიბნელეში გააჩერეთ. შემდეგ გადაწურეთ. მიღებული კონცენტრატი წყალში 1:20 პროპორციით გააზავეთ.
დრაცენა მარგინატა ლამაზი ოთახის მცენარეა, რომელიც ნებისმიერ ინტერიერს ხიბლს შემატებს. მცენარემ თავი კომფორტულად რომ იგრძნოს, იდეალური პირობებით უზრუნველყეთ და კარგ სასუქზე იზრუნეთ. ასე ყვავილი თავისი სილამაზით დიდხანს გაგახარებთ.
