ასაკობრივი ცვლილებები ყოველთვის მოულოდნელად მოდის. პირველი ნაოჭების, ჭაღარა თმის და ჩამოწელილი კუნთების გამო წუხილი არ ღირს. თანამედროვე სილამაზის ინდუსტრია თავს გვახვევს იდეას, რომ 60 წლის ასაკში ახალგაზრდა გოგოსავით უნდა გამოიყურებოდეთ. იმის გამო, რომ ბევრ მსხვილ კომპანიას მეტის გამომუშავება სურს, მილიონობით ქალი სარკეში საკუთარი ანარეკლით უკმაყოფილოა. და მაინც, თითოეულ ჩვენგანს ახალგაზრდობის დიდხანს გახანგრძლივება სურს. ოღონდ ეს მიზანი არ უნდა გახდეს, რადგან მთავარია, სულით არ დაბერდეთ. რა თქმა უნდა, ჭაღარა თმა შეგიძლიათ შეიღებოთ, ნაოჭები გაასწოროთ. Vivien გიამბობთ, როგორ დაჭიმოთ ხელები ვარჯიშით.
ხელების გასახდომი ვარჯიშები სპორტული ინვენტარის გარეშე – ასაკის მატებასთან ერთად კუნთები და კანი მოდუნებული და ჩამოწელილი ხდება. ამის გამო ხელები უშნოდ გამოიყურება. ხშირად ზრდასრული ქალები ღია კაბების, სარაფნების და მაისურების ჩაცმაზე უარს ამბობენ და უპირატესობას მკლავიან ტანსაცმელს ანიჭებენ. ჩამოწელილი ხელები შეგიძლიათ არ დამალოთ, არამედ ძველებური ტონუსი დაუბრუნოთ. ლამაზი ხელების მისაღებად ვარჯიში „ალმასი“ ხშირად შეასრულეთ. ეს დამღლელი ვარჯიში არაა, რომელსაც სპორტული ინვენტარი სჭირდება. სავარჯიშოდ მხოლოდ 10 წუთი საკმარისია. ნებისმიერ ადგილს და დროს შეგიძლიათ შეასრულოთ.
ვარჯიში „ალმასი“
- პირდაპირ დადექით, ფეხები მხრების სიგანეზე გაშალეთ. თქვენ წინ ორივე ხელის თითების წვერები შეაერთეთ. იდაყვები აწიეთ, რომ კუნთების მუშაობა იგრძნოთ. ზურგი ოდნავ მოხარეთ.
- პირიდან ღრმად ამოისუნთქეთ, შემდეგ ცხვირიდან ღრმად ჩაისუნთქეთ. ისევ პირიდან ამოისუნთქეთ, შემდეგ მუცელი მაქსიმალურად შეწიეთ. სუნთქვა შეიკავეთ.
- თითის წვერები ერთმანეთს მაქსიმალურად ძლიერ დააჭირეთ. ხუთამდე დაითვალეთ, შემდეგ ნორმალურად ისუნთქეთ.
- 40 წამიანი შესვენების შემდეგ ვარჯიში გაიმეორეთ. სულ 4–ჯერ უნდა შეასრულოთ.
ვარჯიში ხელების კუნთების ტონუსის გასაზრდელად ყოველდღე შეასრულეთ, რომ შესამჩნევი შედეგი დაინახოთ. მალე თქვენს გარდერობში ღია მაისური და ელეგანტური კაბა დაბრუნდება. მეთოდს უკუჩვენებაც აქვს. ვარჯიში შეუფერებელია, თუ ორსულად ხართ, ახლახანს ოპერაცია გაიკეთეთ ან მწვავე ქრონიკული დაავადებები გაწუხებთ.
გახსოვდეთ, რომ ნებისმიერი, ვინც ახალგაზრდობას დაედევნება, ადრე თუ გვიან წააგებს. რა თქმა უნდა, ყველას სურს, რომ ნებისმიერ ასაკში კარგად გამოიყურებოდეს, მაგრამ მთავარი ღირებულება ეს არაა. გიყვარდეთ საკუთარი თავი და ასაკობრივი ცვლილებები მიიღეთ. ცხოვრება ნაოჭებითაც შეიძლება გიხაროდეთ!
