ვაშლის ნამცხვარი ბებიის რეცეპტით – შესანიშნავი დესერტია, რომელიც ბავშვობის დროინდელ დაუვიწყარ აღფრთოვანებას შეგახსენებთ.
აი, რა დაგჭირდებათ.
25/30 სმ-ის ფართობის საცხობი ფორმისთვის:
ცომი:
- 2 კვერცხი
- 9 ს/კ შაქარი
- 9 ს/კ კარაქი
- 9 ს/კ რძე
- 12 ს/კ ფქვილი
- 1 პაკეტი გამაფხვიერებელი
შიგთავსი:
- 1 კგ ვაშლი
- შაქარი გემოვნებით
- დარიჩინი
მომზადება
- კვერცხი და შაქარი ერთმანეთს აურიეთ, კარაქი დაუმატეთ და კარგად აურიეთ. მეორე თასში ფქვილი და გამაფხვიერებელი ერთმანეთს აურიეთ და წინა ნარევს შეურიეთ. თანდათანობით რძე ჩაასხით.
- ვაშლის კანი გათალეთ, ნაჭრებად დაჭერით და შაქართან ერთად შეწვით, სანამ წვენი არ აორთქლდება. ვაშლს ცოტა დარიჩინი (1/2 ჩ/კ) დაუმატეთ და გაგრილება აცადეთ.
- საცხობ ფორმას ცოტა ცხიმი წაუსვით, ცომის ნახევარი ჩაასხით და 180 გრადუსამდე გაცხელებულ ღუმელში 10-12 წუთით შედგით.
- ახლა ვაშლის შიგთავსის მოათავსეთ, ზემოდან დარჩენილი ცომი დაასხით და 40 წუთით აცხვეთ.
- ნამცხვარი, როცა ბოლომდე გაგრილდება, შაქრის ფხვნილი მოაყარეთ.
ბონუსი: ვაშლის ნამცხვრის რეცეპტი კაკლით და ათქვეფილ კრემთან
გემრიელი და მსუბუქი დესერტი, რომელიც შეგიძლიათ განსაკუთრებული ძალისხმევის გარეშე მოამზადოთ.
ინგრედიენტები:
- 4 კვერცხი
- 18 ს/კ შაქარი
- 18 ს/კ კარაქი
- 18 ს/კ რძე
- 24 ს/კ ფქვილი
- საცხობი ქაღალდი
- 1 პაკეტი ვანილის შაქარი
შიგთავსი:
- 1,5 კგ ვაშლი
- შაქარი გემოვნებით
- დარიჩინი
- ვანილის შაქარი
მოსართავი:
- 300 მლ ათქვეფილი კრემი
- დაქუცმაცებული კაკალი გემოვნებით
მომზადების მეთოდი:
- ვაშლი გათალეთ, საშუალო სახეხზე გახეხეთ, შემდეგ კი შაქარი, დარიჩინი და ვანილის შაქარი დაუმატეთ.
- ცომი მოამზადეთ: კვერცხი, შაქარი, კარაქი და ვანილის შაქარი მიქსერით ათქვიფეთ. ფქვილის გამაფხვიერებელი აურიეთ, რძე და ვანილის შაქარი დაუმატეთ.
- ცომი თხელი იქნება, მაგრამ არ შეგეშინდეთ, ასეთი უნდა იყოს.
- ცომის ნახევარი ფორმაში ჩაასხით და 180 გრადუსამდე გაცხელებულ ღუმელში 10 წუთით აცხვეთ.
- ახლა გამოიღეთ ღუმელიდან, ზემოდან ვაშლი დააწყვეთ და ცომის მეორე ნაწილი დაასხით. კიდევ ღუმელში შედგით და 30 წუთით გამოაცხვეთ.
- როცა ნამცხვარი გაგრილდება, ნაწილებად დაჭერით, ათქვეფილი კრემით და კაკლით მორთეთ.
გემრიელად მიირთვით!
