ყველამ იცის, რა გემრიელია ორცხობილა „ბურბუშელა“. აი, ცოტამ თუ იცის მისი უკრაინელი ნათესავის, ვერგუნის შესახებ. ეს კეფირზე მომზადებული დესერტია. ფორმით „ბურბუშელას“ ჰგავს, მაგრამ უფრო ფაფუკი და რბილია.
ვერგუნი უკრაინული სამზარეულოს საყვარელი დელიკატესია. საინტერესოა, რომ კერძი ძველია და ჯერ კიდევ მე-16 საუკუნეში თურქული სამზარეულოდან ისესხეს. ალბათ, კაზაკების ცოლები ამზადებდნენ. ვერგუნებს უკრაინელი ბებია თბილი რძით აკეთებდა. მან შემიყვარა ეს დესერტი. Vivien გიამბობთ, როგორ მოამზადოთ ვერგუნი.
ინგრედიენტები:
- 400 გ ფქვილი
- 250 მლ კეფირი
- 1 კვერცხი
- 50 გ შაქარი
- 50 გ კარაქი
- 1 ჩ/კ სოდა
- 500 მლ მზესუმზირის ზეთი
- 30 გ შაქრის ფხვნილი
მომზადების წესი:
- ერთი კვერცხი თასში ჩატეხეთ. მწიკვი მარილი და 50 გ შაქარი დაუმატეთ. სათქვეფით ათქვიფეთ. კეფირი ჩაასხით და აურიეთ. რამდენ პროცენტიან კეფირს გამოიყენებთ, მნიშვნელობა არ აქვს. ცომს სოდა დაუმატეთ და აურიეთ. გამდნარი კარაქის დროა.
- ამ ნარევს გაცრილი ფქვილი რამდენიმე ეტაპად დაუმატეთ, ყოველჯერზე აურიეთ. ჯერ სათქვეფით აურიეთ, შემდეგ ცომი მაგიდაზე გადაიტანეთ და ხელით მოზილეთ. ცომი რბილი, ერთგვაროვანი და ოდნავ წებოვანი უნდა გამოვიდეს. პარკი ან პირსახოცი დააფარეთ და 15-20 წუთით გააჩერეთ. ამ დროში უფრო ელასტიური და დამყოლი გახდება.
- ამის შემდეგ ცომი ორ ნაწილად გაყავით. თითოეული 2–3 მმ სისქეზე გააბრტყელეთ. მაგიდას ფქვილი მოაყარეთ, რომ ცომი არ მიეწებოს. ფირფიტები 3-4 სმ ზოლებად დაყავით. შემდეგ ზოლები ირიბად დაჭერით, რომ რომბები გამოვიდეს. თითოეული ცენტრში ჩაჭერით. რომბის ერთი კუთხე ნახვრეტში გაატარეთ. იგივე ცომის მეორე ნაწილით გააკეთეთ.
- მცენარეული ზეთი ქვაბში ჩაასხით. 160-180 გრადუსამდე გააცხელეთ. ცხელ ზეთში მზა ვერგუნები ჩააწყვეთ. ფრიტიურში ორივე მხრიდან შეწითლებამდე შეწვით. მზა დესერტი ქაღალდზე გადაიტანეთ, რომ ზედმეტი ცხიმი მოაშოროთ.
- მზა ვერგუნებს შაქრის ფხვნილი მოაყარეთ. ვერგუნები ძალიან რბილი და ფაფუკი გამოდის, როგორც ფუნჩულები. გემრიელად მიირთვით.
