ზამთრის ცივ დღეებში კაკლის ორცხობილა ვაშლით განწყობას მიმაღლებს. სხვათა შორის, არა მხოლოდ მე, არამედ ჩემს მეუღლეს და შვილებს. ძლივს გადავარჩინე დარჩენილი ორცხობილა ხარბი ხელებისგან, რომ ფოტო გადამეღო. Vivien გიამბობთ, როგორ მოამზადოთ ორცხობილა 3 ვაშლით და 50 გ ნიგვზით. ნაზი და დაბალკალორიული დესერტია.
ინგრედიენტები:
- 130 გ ფქვილი
- 1 კვერცხი
- 1 ჩ/კ გამაფხვიერებელი
- 70 გ შაქარი
- 40 მლ მცენარეული ზეთი
- 2-3 ვაშლი
- 50 გ ნიგოზი
- მწიკვი მარილი
მომზადების წესი:
- ვაშლი გარეცხეთ, გათალეთ, შუაგული და თესლი მოაშორეთ, კუბებად დაჭერით.
- ფქვილი და გამაფხვიერებელი თასში აურიეთ. ვაშლი დაუმატეთ.
- ნიგოზი მშრალ ტაფაზე მოხალეთ. დაახლოებით 5 წუთი სჭირდება. შემდეგ ნიგოზი დანით დააქუცმაცეთ და ცომს დაუმატეთ. ეს ამ რეცეპტში ურთულესი მომენტია.
- ცალკე კვერცხი მწიკვ მარილთან და შაქართან ერთად ათქვიფეთ. მცენარეული ზეთი ჩაასხით და აურიეთ. მშრალი ნარევი თხევადს ორ ეტაპად დაუმატეთ და აურიეთ.
- ცომი პერგამენტდაფარებულ საცხობ ფორმაზე გადაიტანეთ. უმჯობესია, რომ ეს ორი კოვზით გააკეთოთ: ერთით თასიდან ცომი ამოიღეთ, მეორეთი ფორმაზე გადაიტანეთ. ორცხობილა 180 გრადუსამდე გახურებულ ღუმელში 25 წუთით მომზადებამდე აცხვეთ.
- მზა ორცხობილებს შაქრის ფხვნილი მოაყარეთ. გემრიელად მიირთვით.
ნიგვზის ორცხობილა სასიამოვნო ხრაშუნა ქერქით და რბილი შიგთავსით გამოდის. დარიჩინი, ლიმონის ცედრა ან ვანილი არომატისთვის შეგიძლიათ დაუმატოთ. დიდხანს არ შეინახოთ, უმჯობესია მანამ მიირთვათ, სანამ ახალია. ამ ინგრედიენტებით დაახლოებით 12-14 ორცხობილა გამოდის, ამიტომ ინგრედიენტების რაოდენობა 2–ზე ან 3–ზე თამამად გაამრავლეთ. სიტყვაზე, ასეთი ორცხობილა მთელი თასი შეგიძლიათ მოამზადოთ. არ წააგებთ.
