დღესასწაულები გახურებულია. რამდენიმე დღე დაგრჩათ, რომ მენიუს ახალი და უჩვეულო კერძები შემატოთ. მაგალითად, კიბორჩხალის სალათი წითელი თევზით. გენიალური სალათია, რომელიც პოპულარული სუშის გემოს მოგაგონებთ. დიდად წვალება არ მოგიწევთ, მაგრამ კერძი ყველა სტუმარს გააოცებს და გაახარებს. გირჩევთ, სცადოთ. Vivien კიბორჩხალის სალათის მომზადებას ბოშა ქალის რეცეპტით გთავაზობთ. ერთად მოვამზადოთ გემრიელი სალათი.
ინგრედიენტები:
- 200 გ ბრინჯი
- 300 მლ წყალი
- 200 გ მაიონეზი
- 200 გ ხაჭოს ყველი
- 200 გ კალმახი
- 3 ნორის ფურცელი
- 3 კიტრი
- 100 გ კიბორჩხალის ჩხირი
- 100 გ დამწნილებული კოჭა
- 3 მოხარშული კვერცხი
- სალათის ფურცლები გასაფორმებლად
მარინადის ინგრედიენტები:
- 2 ჩ/კ შაქარი
- 0,33 ჩ/კ მარილი
- 1 ს/კ წყალი
- 1 ს/კ ძმარი
მომზადების წესი:
- ბრინჯი კარგად გარეცხეთ, წყალი დაასხით და მომზადებამდე მოხარშეთ. ახლა დაამარინადეთ. მარინადის ყველა ინგრედიენტი აურიეთ. მოხარშული ბრინჯი ამ ნარევში მოათავსეთ და ზუსტად 15 წუთით გააჩერეთ. სალათისთვის კრემი ცალკე მოამზადეთ. ამისთვის ხაჭოს ყველი და მაიონეზი აურიეთ. დაბალ სიჩქარეზე ერთგვაროვანი მასის მიღებამდე მიქსერით ათქვიფეთ.
- სალათი ააწყვეთ. სასურველია, რომ სერვირების თეფშზე დადოთ. რა თქმა უნდა, ფორმირების რგოლის გამოყენება უკეთესია. ძირში ახალი სალათის ფურცლები დააწყვეთ.
- პირველი ფენა ბრინჯია. ნახევარი ბრინჯი თეფშზე გადაიტანეთ და ფენა გაასწორეთ. შემდეგ კრემის ფენა მოდის. მოსახერხებელი რომ იყოს, საკონდიტრო ტომარაში გადაიტანეთ. კრემი ზუსტად სამ ნაწილად გაყავით. კრემის პირველი ნაწილი ბრინჯის ფენას კარგად წაუსვით.
- ნორის ფურცლები პატარა ნაჭრებად დაჭერით და ზემოდან დააწყვეთ. თევზი პატარა კუბებად დაჭერით. თევზის ნახევარი ნორს ზემოდან დააწყვეთ. შემდეგ იგივე კიბორჩხალის ჩხირებით გაიმეორეთ. ნახევარი თევზს ზემოდან დააწყვეთ. შემდეგ მოდის დაჭრილი კიტრის ფენა (ისევ ნახევარი აიღეთ). კიტრთან ერთად ცოტა დაჭრილი კოჭაც მოათავსეთ. კვერცხი კუბებად დაჭერით. ნახევარი კვერცხი მომავალ სალათს დაუმატეთ. ახლა მაიონეზიანი კრემი უხვად წაუსვით.
- შემდეგ მოათავსეთ ბრინჯის ფენა. ცოტა ბრინჯი გასაფორმებლად მოიტოვეთ (ზუსტად დარჩენილის მესამედი). მაიონეზიანი კრემი თხელ ფენად წაუსვით, შემდეგ ფენების თანმიმდევრობა გაიმეორეთ. ზემოდან თითმის დარჩენილი კრემი წაუსვით და გაასწორეთ, ყველა ინგრედიენტს მსუბუქად ჩააწექით. ბოლოს დარჩენილი კრემი და ბრინჯი მოათავსეთ. ლამაზად გააფორმეთ. სალათი ცოტა ხნით მაცივარში გააჩერეთ და შემდეგ სუფრაზე გაიტანეთ.
კიბორჩხალის სალათი წითელი თევზით მიმზიდველად გამოიყურება. შეიძლება ითქვას, რომ სადღესასწაულო სუფრის მშვენებაა. მისი გემო და არომატი სუშის მოყვარულებს გაახარებს, მაგრამ კიბორჩხალის სალათის ფანებიც გულგატეხილი არ დარჩებიან. იმედი გვაქვს, რომ რეცეპტი მოგეწონებათ.
ჩვენთვის მნიშვნელოვანია, რომ თქვენ დაუჭირეთ მხარი ჩვენს პროექტს. მოიწონეთ და გაუზიარეთ სტატია მეგობრებს
