უკვე ახალი წლის აღსანიშნად ვემზადებით. სადღესასწაულო სამოსი შევარჩიეთ, ახლობლები მოვიწვიეთ, ნოყიერი და გემრიელი მენიუ შევადგინეთ. რა თქმა უნდა, სუფრას დაამშვენებს საყვარელი საახალწლო სალაათებიც: „ოლივიე“, „კიბორჩხალის“, „მიმოზა“, „შუბა“. როგორი იქნება სადღესასწაულო სუფრა მათ გარეშე?
მაიონეზიანი წასახემსებლები ნახევარი დღე სტუმრების მოლოდინში, შემდეგ საღამოს და ღამით სუფრაზე რჩება. ბევრი ადამიანი კერძებს მაცივარში მხოლოდ დილით ინახავს, შემდეგ 1–2 დღე საახალწლო მენიუს ჭამს. შეიძლება ამის გაკეთება? წასახემსებელი ხომ მაიონეზს შეიცავს. სალათის შენახვის ვადის განსაზღვრა რთული, მაგრამ შესაძლებელია.
სალათების შენახვის ვადა: რამდენ ხანს ღირს მაიონეზიანი წასახემსებლის გაჩერება – როგორც კი, სალათს მაიონეზით შეკაზმავთ, მაშინვე მალფუჭებადი კერძი ხდება. სალათებზე, როგორიცაა „ოლივიე“ და „კიბორჩხალის“, მაიონეზის მაშინვე დამატება აუცილებელი არაა. წასახემსებელი ნებისმიერ წუთს შეგიძლიათ შეკაზმოთ და სუფრაზე გაიტანოთ. უბრალოდ ყველა ინგრედიენტი მოამზადეთ და ცალ–ცალკე შეინახეთ. როცა ახალი ულუფა დაგჭირდებათ, აურიეთ, მაიონეზი დაუმატეთ და სუფრაზე გაიტანეთ. შეკაზმული სალათი მაქსიმუმ 24 საათი შეგიძლიათ გააჩეროთ, მაიონეზის გარეშე – 40 საათი.
ფარშირებული კვერცხი სადღესასწაულო გარეგნობის გამო დიასახლისების ფავორიტი წასახემსებელია. თან სხვადასხვა შიგთავსი შეგიძლიათ შეურჩიოთ. ეს კერძი 3 დღემდე შეგიძლიათ გააჩეროთ. წასახემსებელი 2 იანვრამდე შეგიძლიათ შეჭამოთ.
კიდევ ერთი პოპულარული საახალწლო კერძია ლაბა. რა თქმა უნდა, სალათი არაა, მაგრამ მისი შენახვის ვადაზე კითხვები ხშირად ჩნდება. როგორც წესი, ეს წასახემსებელი წვეულების შემდეგ რჩება. ლაბა 4 დღემდე ძლებს. ნამდვილი რეკორდსმენია.
საახალწლო ღამის შემდეგ ბევრი საჭმლის გადაყრა რომ არ მოგიწიოთ, ნაკლების მომზადება სცადეთ. რა თქმა უნდა, სუფრაზე მინიმუმ 10 წასახემსებლის და დიდი მოცულობით დადგმა გვსურს. დიდი ალბათობით, თქვენი კომპანია ამდენს ვერ შეჭამს. ხოლო მთელი ღამის შემდეგ კერძები ახალი და გემრიელი აღარ იქნება. თქვენი ჯანმრთელობა საფრთხეში არ ჩააგდოთ.
