შინ გამომცხვარი პურის არომატი მთელ სახლში ვრცელდება. ჩემი კატაც ახალი ცომეულის სუნზე სამზარეულოში შემოდის. ეს ლიეტუვური პური ცხვება და ოჯახის წევრების მადას აღვიძებს. Vivien საფუარის პურის რეცეპტს გთავაზობთ. დარწმუნებული ვართ, მომზადების პროცესი და შედეგი აღგაფრთოვანებთ. გირჩევთ, რეცეპტი კულინარიულ რვეულში ჩაიწეროთ. მას არაერთხელ დაუბრუნდებით.
საფუარის პურის რეცეპტი – ამ რეცეპტში საფუარის ცომის მოსამზადებლად ცოცხალ საფუარს გამოვიყენებთ, თუმცა ხმელით მარტივად შეგიძლიათ ჩაანაცვლოთ. მხოლოდ 2 გრამი დაგჭირდებათ. მცენარეული ზეთი კარაქით ან მარგარინით შეგიძლიათ ჩაანაცვლოთ. ასევე რაოდენობა 60 გრამამდე გაზარდოთ. სხვა მხრივ ყველაფერი მარტივია.
ინგრედიენტები:
- 55 გ მცენარეული ზეთი
- 200 მლ წყალი
- 6 გ ცოცხალი საფუარი
- 8 გ შაქარი
- 6 გ მარილი
- 1 კვერცხი
მომზადების წესი:
- წყალი შეათბეთ და მასში საფუარი გახსენით. მომავალ ხაშს 125 გ ხორბლის ფქვილი დაუმატეთ. 20-30 წუთით გააჩერეთ, რომ საფუარი გააქტიურდეს. გაითვალისწინეთ, ამ შემთხვევაში ხაშის თავი ისე არ ამოვა, როგორც ხდება ხოლმე.
- ნარევს ზეთი, შემდეგ მარილი და შაქარი დაუმატეთ. ხორბლის ფქვილი ნაწილ–ნაწილ დაუმატეთ. ცომი მოზილეთ, სანამ ელასტიური და გლუვი არ გახდება. ამას 10-15 წუთი სჭირდება.
- ცომი დააგუნდავეთ და ზეთწასმულ თასში გადაიტანეთ. პირსახოცი ან პარკი დააფარეთ და ამოსასვლელად გააჩერეთ. 2 საათში ცომის მოცულობა გაორმაგდება.
- როცა ცომი ამოვა, ჩაზილეთ და სამ თანაბარ ნაწილად გაყავით. თითოეული დააგუნდავეთ და 5-7 წუთით გააჩერეთ. შემდეგ თითოეული 3 მმ სისქის მართკუთხედად გააბრტყელეთ და მკვრივ რულეტად დაახვიეთ ისე, რომ ცომის გრძელი ძეხვი მიიღოთ.
- კიდეები შეკარით და თითოეული ძეხვი 30 სმ სიგრძეზე გააბრტყელეთ. ცომის ძეხვები შუა ნაწილიდან ერთმანეთში ჩაპწენით. ასე უფრო მოსახერხებელია და უფრო სუფთად გამოიყურება. უბრალოდ შუაში გადახლართეთ, ჯერ ერთი მხრიდან მოქსოვეთ, შემდეგ მეორე მხრიდან.
- საცხობ ფორმას ცხიმი წაუსვით. ორიგინალურ რეცეპტში 24×11 სმ ზომის მინის მართკუთხა ფორმა გამოიყენება. მასში ცომის ნამზადი ჩადეთ და 1,5 საათით გააჩერეთ. პირსახოცის დაფარება არ დაგავიწყდეთ.
- ამოსულ ხალას ათქვეფილი კვერცხი წაუსვით და 180 გრადუსზე 30-45 წუთით აცხვეთ. თქვენი ღუმელის მუშაობით იხელმძღვანელეთ. გამომცხვარ პურს გაგრილება აცადეთ, შემდეგ ფორმიდან ამოიღეთ. გემრიელად მიირთვით.
ასეთი მარტივი მეთოდით ჩვეულებრივი პური ნამდვილ ხელოვნების ნიმუშად იქცა. ლიეტუვური პური იდეალურია, რომლითაც სადღესასწაულო სუფრა შეგიძლიათ დაამშვენოთ. უჩვეულო მეთოდის წყალობით მომზადებული ცომეული საოცარ ტექსტურას იძენს. სააღდგომო კულიჩს ძალიან ჰგავს.
