ხშირად სტუმრობთ ნათესავებს? რამდენიმე წელია მეუღლის დეიდასთან ყაზახეთში წასვლას ვაპირებთ, მაგრამ არ გამოგვდის. ხან შვებულება არ დაემთხვა, ხან შესაფერისი ბილეთი ვერ ვიპოვეთ, ხან ვიღაც ავად გახდა. წელს 1 კვირით სტუმრობა მაინც მოვახერხეთ. ბევრი რამ შთამბეჭდავი იყო, განსაკუთრებით ჩაი ფეტვით. ახლაც, როცა მოგზაურობიდან დავბრუნდით, ასეთი ჩაის დალევა არ შევწყვიტეთ. ამას არა მხოლოდ გემოს, არამედ ჯანმრთელობის სასარგებლოდ ვაკეთებთ. გიამბობთ, რატომ უნდა დაუმატოთ ფეტვი ჩაის. იქნებ, სასარგებლო ჩვევა გადაიღოთ.
ჩაი ფეტვით: ჯანმრთელობისთვის სარგებელი
- სასმელი ორგანიზმიდან ტოქსინებს გამოდევნის, წმენდს და აახლებს.
- შარდმდენი მოქმედება აქვს.
- იმუნურ სისტემას აძლიერებს, ინფექციებს და ანთებას ებრძვის.
- ჭარბ წონას ებრძვის, ნივთიერებათა ცვლაზე დადებითად მოქმედებს.
- კანის, თმის და ფრჩხილების მდგომარეობას აუმჯობესებს.
- ძვლების გაძლიერებას, კუნთების და ქსოვილების ზრდას ხელს უწყობს.
- წნევას ამცირებს, რაც ჰიპერტონიკებისთვის სასარგებლოა.
- სისხლში შაქრის დონეს არეგულირებს.
- კუჭ–ნაწლავის ტრაქტში პრობლემებს აქრობს.
როგორ მოვამზადოთ სასარგებლო ყაზახური ჩაი
- მთელი ფეტვი შეწვით. კარგად უნდა გამოშრეს.
- შემწვარი ფეტვი და შავი გრანულირებული ჩაი აურიეთ. ნარევს ჩაის არომატი უნდა ჰქონდეს და არა ფეტვის.
- 1 ჩ/კ ნარევს 1 ჭიქა მდუღარე წყალი დაასხით.
- 5-7 წუთით გააჩერეთ. უფრო დიდხანს არ გააჩეროთ, რადგან მწკლარტე გახდება.
შეიძლება სასარგებლო სასმელის გემოს თვისებებში ეჭვი შეგეპაროთ, მაგრამ გარწმუნებთ, რომ ყაზახური ჩაი ფეტვით ძალიან გემრიელი და არომატულია. მზა ნარევი ბევრ სპეციალურ მაღაზიაში შეგიძლიათ შეიძინოთ ან გამოიწეროთ. ასეთი გემრიელი მეთოდით ჯანმრთელობაზე ზრუნვა ძალიან სასიამოვნოა.
