ფსიქოლოგიური ტესტი. აირჩიეთ და გაიგეთ, როგორი ტიპის მამაკაცი შეგეფერებათ

0
128

ქალის ცხოვრებაში ღირსეული მამაკაცის არჩევა მნიშვნელოვან როლს ასრულებს. ბევრი ქალი ოჯახის შექმნაზე და მდიდარ პრინცზე ოცნებობს. თუმცა რეალობა ისეთია, რომ ღირსეული მამაკაცის პოვნამდე ბევრჯერ მარცხის გადატანა გვიწევს.

ფსიქოლოგების თქმით, ქალი ხშირად არასწორ მამაკაცს ირჩევს, რადგან არ იცის, როგორ აირჩიოს. Vivien გთავაზობთ ფსიქოლოგიურ ტესტს ფოტოთი, რომელიც გიჩვენებთ, რამდენად კარგად იცით, როგორი ადამიანი გჭირდებათ.

ღირსეული მამაკაცის არჩევა

გქონიათ შემთხვევა, როცა ფიქრობთ, რომ იდეალური მამაკაცი გაიცანით. კეთილი, წესიერი, ჭკვიანი და კარგი შემოსავლის მქონე. მოგვიანებით მასთან შეხვედრებს იწყებთ და ხვდებით, რომ რაღაც რიგზე არაა. რატომ არის ასე?

ერთი შეხედვით იდეალური მამაკაცი თქვენთვის შეიძლება შეუფერებელი იყოს. ფსიქოლოგები ქალებს და კაცებს ტიპებად ყოფენ. თითოეულ ტიპს გარკვეული ტიპი შეეფერება. ამ ფსიქოლოგიური ტესტის დახმარებით გაიგებთ, რომელ ტიპს მიეკუთვნებით და როგორი მამაკაცი გჭირდებათ.

ფოტოზე გამოსახულია ოთხი მამაკაცი. ყურადღებით დააკვირდით და აირჩიეთ, რომელი მოგწონთ ყველაზე მეტად. ახლა გაშიფვრა წაიკითხეთ.

ფსიქოლოგიური ტესტის ანალიზი

1. თუ პირველი ნომერი აირჩიეთ, მამაკაცი–მამა გჭირდებათ. თავად ქალი–ქალიშვილი ხართ. ზრუნვა და ყურადღება გჭირდებათ. ზოგჯერ საკუთარი სურვილების ზუსტად განსაზღვრა გიჭირთ.

თუ საყვარელი ადამიანი საკმარის ყურადღებას არ გაქცევთ, ძალიან ნერვიულობთ. ამ დროს ახირებული ხდებით. პარტნიორს დიდი ძალისხმევის გაღება უწევს, რომ დაგამშვიდოთ. ამ მიზეზით ხშირი კამათი ურთიერთობის გაწყვეტას იწვევს.

თქვენ შეგეფერებათ მამაკაცი, რომელსაც პასუხისმგებლობის აღება არ აშინებს. მამაკაცი, რომელიც თქვენი საიმედო საყრდენი გახდება. მამაკაცი, რომელიც თქვენს ყველა სურვილს აასრულებს, რადგან მისთვის თქვენი ბედნიერება ძალიან მნიშვნელოვანია.

ტიპი მამაკაცი–მამა საუკეთესოდ შეგეფერებათ. მასთან თავს დაცულად იგრძნობთ. მისი თავდაჯერებულობა და საიმედოობა ძლიერი ურთიერთობის შექმნას ხელს შეუწყობს. ეს აუცილებლად ქორწინებით დასრულდება.

2. თუ ნომერ მეორე მამაკაცი აირჩიეთ, მამაკაცი–ბავშვი თქვენი შესაფერისია. თავად ქალი–დედა ხართ. გსურთ, რომ ყოველთვის და ყველგან სხვებს დაეხმაროთ. ოჯახს და მეგობრებს მთელ თავისუფალ დროს უთმობთ.

ფიქრობთ, რომ ისინი თქვენს გარეშე ვერ იცხოვრებენ. იგივე საყვარელ ადამიანს ეხება. საინტერესოა, რომ ამაში სხვებზე ბატონობის და მათი დამორჩილების სურვილი იმალება. ეს არც კარგი, არც ცუდია. შეგეფერებათ მამაკაცი, რომელიც წინააღმდეგი არ იქნება, რომ ოჯახში ცოლი უფროსი იყოს.

3. თუ ნომერი სამი მოგეწონათ, შეგვიძლია მოგილოცოთ. დამოუკიდებელი ქალი ხართ და იცით, რა გსურთ. ნებისმიერ სიტუაციაში საკუთარი აზრი გაგაჩნიათ. დამოუკიდებელი მამაკაცი შეგეფერებათ. მის თვალში ყოველთვის მიმზიდველი და ამბიციური იქნებით.

ზოგჯერ თქვენი სიძლიერე მამაც მამაკაცს აფრთხობს. უბრალოდ მზად არაა, იმდენი თავისუფლება მოგცეს, რამდენიც გსურთ. ადრე თუ გვიან თქვენს ფონზე მისი უარყოფითი მხარეები აუცილებლად გამოაშკარავდება.

შეგეფერებათ მამაკაცი, რომელიც თქვენს ხედვას სრულიად იზიარებს და თქვენს პირად სივრცეს პატივს სცემს. აუცილებელი არაა, რომ მთელი 24 საათი ერთად იყოთ. ასეთი ურთიერთობის საფუძველი ცხოვრებისეული ხედვაა.

4. თუ ნომერი ოთხი მოგეწონათ, ქალი–და ხართ. თქვენთვის შესაფერისია მამაკაცი–ბავშვი. ძალიან მნიშვნელოვანია, რომ საყვარელ ადამიანთან საერთო ინტერესები გქონდეთ და ყველა სიხარული და გაჭირვება ერთად გადაიტანოთ.

ქვეცნობიერად გსურთ, რომ საყვარელი ადამიანის ცხოვრებაში მთავარი ადამიანი გახდეთ. ამ მიზნით ცდილობთ, რომ მისთვის ვნებიანი საყვარელიც გახდეთ და საუკეთესო მეგობარიც. დასახმარებლად და რჩევის მისაცემად ყოველთვის მზად ხართ. მისგანაც მსგავს ქცევას ელოდებით.