ყვავილოვანი კომბოსტოს პიურე კორტნი კოქსის რეცეპტით. კარტოფილზე გემრიელია

0
71

ყვავილოვანი კომბოსტოს პიურეს მომზადების საიდუმლოს გაგიმხელთ. დიახ, ამ სუპერ სასარგებლო ბოსტნეულიდან საოცარი გარნირი შეგიძლიათ გააკეთოთ. ძალიან ნაზი და გემრიელია! კარტოფილის პიურის შესანიშნავი ალტერნატივაა, თან ამით არასდროს მოიმატებთ. Vivien ამერიკელი მსახიობი კორტნი კოქსის რეცეპტით ყვავილოვანი კომბოსტოს პიურეს მომზადების ინსტრუქციას გიზიარებთ. ბევრ უჯრედისს, ვიტამინს და მინერალს შეიცავს.

ინგრედიენტები:

  • ყვავილოვანი კომბოსტო
  • 100 გ ნაღების ყველი
  • 1,5 ლ წყალი
  • მარილი, წიწაკა გემოვნებით
  • გოგრის თესლი და ზეითუნის ზეთი მოსართავად

მომზადების წესი:

  1. საიდუმლოთი დავიწყოთ: კომბოსტო მარილიან წყალში ნახევრად მომზადებამდე მოხარშეთ. ნახევრად მაგარი უნდა დარჩეს.
  2. სითხე გადაასხით. კომბოსტო შეგიძლიათ საწურზე გადაიტანოთ და წყლის დაწურვას დაელოდოთ. კომბოსტო მშრალი უნდა იყოს.
  3. ნახევრად მაგარი კომბოსტო სითხის გარეშე კრემიანი მასის მიღებამდე დააქუცმაცეთ. ბლენდერი, საჭყლეტი ან ჩანგალი გამოიყენეთ.
  4. მარილი და წიწაკა გემოვნებით მოაყარეთ, ნაღების ყველი დაუმატეთ. ერთგვაროვანი მასის მისაღებად კარგად აურიეთ.
  5. მზა პიურეს ცოტა ზეითუნის ზეთი მოასხით და გოგრის თესლი მოაყარეთ. გემრიელად მიირთვით!
  6. ნაღების ყველის ნაცვლად კარაქი, რძე, საყვარელი სანელებლები და ხმელი ნიორი შეგიძლიათ დაუმატოთ. მაგალითად, ნაღები და მოხარშული რძე დაუმატეთ, მწვანილით და მწვანე ბარდით გააფორმეთ. გახეხილი ყველიც უხდება. რაც უფრო მეტ ყველს დაუმატებთ, მით უფრო სქელ პიურეს მიიღებთ.

ყურადღება მიაქციეთ, რომ ყვავილოვანი კომბოსტოს პიურეში ერთგვაროვანი სტრუქტურა ისეთივე მნიშვნელოვანია, როგორც კარტოფილის პიურეში. ბლენდერის ნაცვლად ჩვეულებრივი საჭყლეტი შეგიძლიათ გამოიყენოთ. რბილ თანაყვავილედებს ხელით მარტივად დაჭყლეტთ. აირჩიეთ მეთოდი, რომელიც თქვენთვის უფრო მოსახერხებელია. კერძი თევზის, ინდაურის ან გამომცხვარი ბოსტნეულის გარნირად გამოგადგებათ. უჩვეულო და საინტერესო გემო აქვს. სწორედ ისაა, რაც პრეტენზიულ ოჯახის წევრებს ან სტუმრებს სჭირდებათ.