ხშირად ახალმოხარშული არომატული ყავის მოყვარულები არჩევანის წინაშე დგებიან, თუ რომელი მოწყობილობაა საუკეთესო საყვარელი სასმელის მოსამზადებლად: ჯეზვე თუ გეიზერული ყავის მადუღარა. ორივეს როგორც უპირატესობა, ასევე ნაკლოვანება აქვს, რომელთა შესახებ დღეს გიამბობთ. Vivien–ის სტატიაში ჯეზვესა და გეიზერულ ყავის მადუღარაში გემრიელი სასმელის მომზადების დეტალებს გაეცნობით. გიამბობთ, როგორ განსხვავდებიან ისინი ერთმანეთისგან.
რომელია უკეთესი: ჯეზვე თუ გეიზერული ყავის მადუღარა
ჯეზვეს შესახებ – ჯეზვე სპეციალური ჭურჭელია სახელურით. ტრადიციულად, სპილენძიგან მზადდება, რომელიც სითბოს შესანიშნავად ატარებს, ამიტომ თითოეული დაფქული ყავა თავის გემოს და არომატს შესანიშნავად იძლევა. ცხელი სასმელი წარმატებით რომ მოამზადოთ, რამდენიმე ხრიკი დაიმახსოვრეთ:
- მხოლოდ სუფთა წყალი გამოიყენეთ.
- სუსტ ცეცხლზე დადგით.
- ყურადღება მიაქციეთ, რომ ყავა „არ გაიქცეს“.
- დუღილის დასაწყისში ჯეზვე ქურას მოაშორეთ, შემდეგ ისევ დააბრუნეთ (ორჯერ გაიმეორეთ).
საინტერესო ფაქტები გეიზერული ყავის მადუღარის შესახებ – ამ აპარატის კონსტრუქციის შესწავლით დავიწყოთ. სამი ძირითადი ნაწილისგან შედგება: წყლის რეზერვუარი, ჭურჭელი, სადაც მზა სასმელი გროვდება, ფილტრი. ამ მადუღარით მომზადებული ყავის არომატით და გემოთი რომ ისიამოვნოთ, აუცილებელია:
- რეზერვუარში სუფთა წყალი ჩაასხით.
- ყავა საჭირო ჭურჭელში ჩაყარეთ.
- მოწყობილობა ქურაზე დადგით.
- წყლის ადუღებას დაელოდეთ.
რომელი ავირჩიოთ? – როგორც ხედავთ, თითოეულ მოწყობილობას თავისი უპირატესობა და ნაკლოვანება აქვს. გეიზერული ყავის მადუღარა ჯეზვესგან იმით გამოირჩევა, რომ მომზადების პროცესში ყავას განსაკუთრებული მეთვალყურეობა არ სჭირდება. ქურის სისუფთავეზე არ იდარდებთ. მზა სასმელს ნალექის გარეშე მიიღებთ, რადგან ის ყავის მადუღარის სპეციალურ ნაწილში დარჩება. თან ყავას გაჯერებული და სასიამოვნო არომატი აქვს. ჯეზვეს უპირატესობა მოვლის სიმარტივეა. საკმარისია, რომ გამოყენების შემდეგ წყალი გადაავლოთ. გეიზერული ყავის მადუღარა უნდა დაშალოთ, თითოეული ელემენტი კარგად გარეცხოთ, რომ მალე არ გაფუჭდეს. თუ ქაფის და ყავის არომატის ჩასუნთქვის მოყვარული ხართ, მაშინ ჯეზვე საუკეთესო არჩევანია. ცხელი სასმელის მომზადების პროცესი უკვე სასიამოვნოა.
თუ ყავას მხოლოდ დილით ადუღებთ, რომ გამხნევდეთ, მაშინ გეიზერული ყავის მადუღარა გამოიყენეთ. მომზადების პროცესის დაცვა არ დაგჭირდებათ. დილით თავისუფალი დრო გამოჩნდება, რაც მნიშვნელოვანია. ამ არომატული სასმელის ნამდვილი მოყვარულები ჯეზვეს ირჩევენ. ამ შემთხვევაში გემოს და სიძლიერეს თავად დაარეგულირებთ, თან დანამატებით (დაფქული კოჭა, დარიჩინი და სხვა) ექსპერიმენტები შეგიძლიათ.
