ბრძენმა დიასახლისმა მასწავლა, როგორ გამოვაცხო ხვეულა, რომ შიგთავსი არ გადმოიღვაროს

0
213

ხვეულების შიგთავსით მომზადება არც ისე რთულია. უფრო რთულია ისე გააკეთოთ, რომ შიგთავსი არ გადმოიღვაროს. საწყენია, რომ ამდენ დროს და ძალას ხარჯავთ, მაგრამ ნაკლებად მიმზიდველ ცომეულს იღებთ. ეს რომ არ მოხდეს, რამდენიმე მნიშვნელოვანი მომენტი უნდა იცოდეთ. Vivien–მა თქვენთვის შეკრიბა საუკეთესო რჩევები, რომლებიც იდეალური ხვეულების გამოცხობაში დაგეხმარებათ. მთელი შიგთავსი შიგნით დარჩება.

ხვეულა შიგთავსით – ხვეულა საყვარელი ცომეულია. შიგთავსი სწორად უნდა გამოთვალოთ. თუ ცოტას დაუმატებთ, მშრალი გამოვა. სასურველია, რომ შიგთავსი არ გადმოიღვაროს და არ დაიწვას. ამისთვის რამდენიმე ხრიკი არსებობს. ყველაფერს დეტალურად განვიხილავთ. ასევე საფუარის ცომით ხვეულის მომზადების რეცეპტს გიზიარებთ.

ორი ვარიანტი არსებობს, როგორ შეინარჩუნოთ შიგთავსი შიგნით. პირველი, ხვეულის ფორმირება. რას ვგულისხმობთ? ისე უნდა დაახვიოთ, რომ შიგთავსს ცომიდან გამოსვლის შანსი არ ჰქონდეს. როცა შიგთავსს დებთ, ჯერ კიდე გადაკეცეთ, შემდეგ დანარჩენი დაახვიეთ. ასე დახურული ხვეულა გამოვა. მნიშვნელოვანია, რომ ცომს პირველი წრის შემდეგ კარგად დააჭიროთ, რომ მიეწებოს. ასე არაფერი გამოვა. შემდეგი რჩევა: სწორი შიგთავსი. თუ თხელ მურაბას იყენებთ, ცომში ვერ დააკავებთ. სქელი პოვიდლო აირჩიეთ. თუ ძალიან სქელი არაა, რამდენიმე საიდუმლო ინგრედიენტი დაუმატეთ. მაგალითად, სახამებელი ან მანანის ბურღული. ძალიან ცოტა გჭირდებათ, მხოლოდ მასის გასასქელებლად. ზოგი ნახევარი ჭიქა დაქუცმაცებული კაკლის დამატებას გირჩევთ. გემრიელი გამოვა და შიგთავსი არ გადმოიღვრება. ეს გემოს ცვლის, ამიტომ ყველას არ გამოადგება. გირჩევთ, რომ შიგთავსს 1 კვერცხი დაუმატოთ და აურიოთ. ასე შიგთავსი შეიკვრება. თუ სწორ შიგთავსს მოამზადებთ და ხვეულას სწორად დაახვევთ, შესანიშნავ შედეგს მიიღებთ.

ინგრედიენტები:

  • 1 ჭიქა რძე
  • 4 ს/კ კარაქი
  • 2,5 ჭიქა ფქვილი
  • 2 ს/კ შაქარი
  • 0,5 ჩ/კ მარილი
  • 1 ჩ/კ მშრალი საფუარი
  • 10 გ ვანილი

მომზადების წესი:

  1. ცომი მოამზადეთ. რძე შეათბეთ, შაქარი, ვანილი, მარილი და საფუარი დაუმატეთ. სრულ გახსნამდე აურიეთ. ნახევარი ფქვილი დაუმატეთ, აურიეთ და 1 საათით გააჩერეთ. როცა ცომი ამოვა, დარჩენილი ფქვილი და გამდნარი კარაქი დაუმატეთ. ცომი მოზილეთ და ამოსასვლელად გააჩერეთ. ორჯერ ამოსვლის შემდეგ ორ ნაწილად გაყავით. ცომი წრეზე გააბრტყელეთ და თანაბარ სამკუთხედებად დაყავით.
  2. თითოეული სამკუთხედის ცენტრში შიგთავსი მოათავსეთ და დაახვიეთ. 180 გრადუსზე 20 წუთით აცხვეთ. ხვეულა შიგთავსით მზადაა.

იმედი გვაქვს, რომ ამ რჩევების და გამოცდილი რეცეპტის გამოყენებით იდეალური ხვეულების გაკეთებას შეძლებთ. შიგთავსი არ გაიქცევა, ხოლო ცომეული ფაფუკი და გემრიელი გამოვა. წარმატებას გისურვებთ!