გემრიელი გოგრის ნამცხვრები ჩემი სისუსტეა. პეროგის ბევრი ვარიანტი ვცადე და ეს ერთ–ერთი ჩემი ფავორიტია. პირველ რიგში, იმიტომ, რომ ფქვილს და კვერცხს არ შეიცავს. მეორეც, მის საოცარ არომატზე მთელი ოჯახი სამზარეულოში იკრიბება. ჩაის ვაყოლებთ და გულითადად ვსაუბრობთ. შემოდგომის საღამოებისთვის შესაფერისია. Vivien წვნიანი გოგრის პეროგის „რევანის“ მომზადების ინსტრუქციას გიზიარებთ. აღმოსავლური სამზარეულოს კერძია!
გოგრის გემრიელი პეროგი
ინგრედიენტები:
- 0,5 კგ გახეხილი გოგრა (2 ჭიქა)
- 0,5 ლ კეფირი (2 ჭიქა)
- 300 გ მანანის ბურღული
- 100 გ შაქარი
- 1,5 ჩ/კ გამაფხვიერებელი
- მწიკვი მარილი
- ლიმონის ცედრა, დარიჩინი და ვანილი გემოვნებით
- მურაბის სიროფი
- ქოქოსის ფანტელები
მომზადების წესი:
- გოგრა გარეცხეთ, გათალეთ და წვრილად გახეხეთ. ეს ამ პეროგში ყველაზე რთულია.
- გახეხილი გოგრა, შაქარი და მანანის ბურღული ღრმა თასში აურიეთ. გამაფხვიერებელი, მარილი, დარიჩინი და ვანილი გემოვნებით დაუმატეთ.
- ლიმონის ცედრა დაახეხეთ, კეფირი დაასხით და ერთგვაროვანი მასის მიღებამდე აურიეთ.
- ცომი კარაქწასმულ მართკუთხა ფორმაში გადაიტანეთ. 180 გრადუსამდე გახურებულ ღუმელში 30 წუთით აცხვეთ.
- მზა ცხელი პეროგი დიაგონალურად დაჭერით, რომ რომბები გამოვიდეს. ზემოდან მურაბის სიროფი მოასხით. მურაბის ნაცვლად თაფლისა და წყლის ნარევი (1 ჭიქა წყალზე 2 ს/კ თაფლი) შეგიძლიათ გამოიყენოთ ან 1 ჭიქა წყალი 2 ს/კ შაქართან ერთად აადუღეთ და ლიმონის წვენი დაუმატეთ.
- ზემოდან ქოქოსის ფანტელები მოაყარეთ. სუფრაზე ცივი გაიტანეთ. გემრიელად მიირთვით.
გოგრის გემრიელი დესერტი საშემოდგომო სადღესასწაულო სუფრებს დაამშვენებს, კარგ განწყობას და მყუდროებას გაჩუქებთ. გოგრის პეროგის ბევრი რეცეპტი არსებობს და ეს ერთ–ერთი ღირსეული და მარტივი ვარიანტია, რომელიც ამ შემოდგომაზე აუცილებლად უნდა სცადოთ, რომ პირქუში დღეები გაილამაზოთ.
