მარინადი ქაშაყისთვის: 3 საუკეთესო რეცეპტი უკრაინელი შეფმზარეულისგან

0
73

იყიდო ქაშაყი მარილიანობის საჭირო დონით და ინტენსიური გემოთი რთული ამოცანაა. ასეთი თევზი უმჯობესია თავად მოამზადოთ. თუ ხელთ ევგენი კლოპოტენკოს, უკრაინელი შეფმზარეულის რეცეპტები გაქვთ, სანერვიულო არაფერია. თევზი აუცილებლად გემრიელი გამოვა. აირჩიეთ მარინადი ქაშაყისთვის, რომელიც ყველაზე მეტად მოგეწონათ და მომზადებას შეუდექით. მთავარია, რეცეპტში მითითებული პროპორციები დაიცვათ. ამ შემთხვევაში საოცარ შედეგს მიიღებთ. ასეთ არომატულ და ცხარე ქაშაყზე უარს არავინ იტყვის.

1. ქაშაყი ჩაის მარინადში

ინგრედიენტები:

  • 1 ქაშაყი
  • 300 მლ წყალი
  • 1 ჩ/კ შავი ჩაი
  • 1 ს/კ მარილი
  • 6 მარცვალი ბაჰარის წიწაკა
  • მწიკვი შაქარი
  • 2 დაფნის ფოთოლი
  • 5 მარცვალი შავი წიწაკა

მომზადების წესი:

  1. ქაშაყი გაწმინდეთ. 2 სმ სისქის ნაჭრებად დაჭერით.
  2. მარინადი მოამზადეთ. წყალი ქვაბში ჩაასხით. ჩაი, მარილი, შაქარი, დაფნა და წიწაკა დაუმატეთ.
  3. ქურაზე დადგით და ადუღებამდე მიიყვანეთ. სრულ გაგრილებამდე ოთახის ტემპერატურაზე გააჩერეთ.
  4. ქაშაყი ქილაში ჩააწყვეთ. ცივი მარინადი დაასხით. 1 დღე მაცივარში შეინახეთ.

2. მშრალად დამარილებული ქაშაყი

ინგრედიენტები:

  • 1 ქაშაყი
  • 2 ს/კ მარილი
  • 1 ჩ/კ შაქარი
  • 0,5 ჩ/კ დაფქული შავი წიწაკა
  • 1 ს/კ არაყი

მომზადების წესი:

  1. ქაშაყი გარეცხეთ და გაამშრალეთ. ჭურჭელში გადაიტანეთ, მარილი და შაქარი მოაყარეთ. თანაბრად აურიეთ.
  2. შავი წიწაკა და არაყი დაუმატეთ. პარკი დააფარეთ და 24 საათით მაცივარში შეინახეთ.
  3. ქაშაყი გამდინარე წყალში გარეცხეთ. ქაღალდით გაამშრალეთ. გაასუფთავეთ და თანაბარ ნაჭრებად დაჭერით.

3. სუნელიანი ქაშაყი

ინგრედიენტები:

  • 1 ქაშაყი
  • 1 პატარა ხახვი
  • 200 მლ წყალი
  • 1 ს/კ მარილი
  • 1 ს/კ მზესუმზირის ზეთი
  • 1 ს/კ ძმარი
  • 2 დაფნის ფოთოლი
  • 6 მარცვალი ბაჰარის წიწაკა
  • 5 მარცვალი შავი წიწაკა
  • 0,3 ჩ/კ მარცვალი ქინძი
  • 2 კვირტი მიხაკი

მომზადების წესი:

  1. ქაშაყი გაასუფთავეთ. გამდინარე წყალში გარეცხეთ და გაამშრალეთ. 2 სმ სისქის ნაჭრებად დაჭერით. ხახვი გაასუფთავეთ და რგოლებად დაჭერით. ქაშაყი და ხახვი ქილაში ფენებად ჩააწყვეთ.
  2. მარინადი მოამზადეთ. წყალი და მზესუმზირის ზეთი ქვაბში ჩაასხით. მარილი, წიწაკა, მიხაკი და ქინძი დაუმატეთ. ქურაზე დადგით და ადუღებამდე მიიყვანეთ.
  3. 9%–იანი ძმარი დაასხით. მარინადი ქურიდან გადმოდგით. ოთახის ტემპერატურაზე გააჩერეთ.
  4. ცივი მარინადი ქაშაყს დაასხით. 1 დღე მაცივარში შეინახეთ.

ცნობილი კულინარის თქმით, თევზს ცხელი ან თბილი მარინადი არ უნდა დაასხათ. ასე ცილა შეიკვრება, რაც მის გემოსა და გარეგნობაზე ცუდად აისახება.