წვნიანი ბუჟენინა ინდაურის ხორცით ნებისმიერ სადღესასწაულო სუფრას დაამშვენებს. კერძის მოსამზადებლად ნებისმიერი ხორცი შეგიძლიათ გამოიყენოთ, მაგრამ ინდაური ყველაზე წარმატებული ვარიანტია. სტუმრები არომატულ ბუჟენინის ნაჭრებს წამებში გააქრობენ. ყოველი შემთხვევისთვის დანამატი მოიმარაგეთ.
ბუჟენინა ინდაურით – მოსამზადებლად ინდაურის ფილე გამოიყენეთ. თუ ფილე ძვირი სიამოვნებაა, ბარკლებით ჩაანაცვლეთ. მომზადებას მეტი დრო დასჭირდება, რადგან უსარგებლო ძვლები, კანი და ცხიმიანი ძარღვები ფრთხილად უნდა მოაშოროთ. წინასწარ ხორცის ბადე მოიმარაგეთ. ასეთი ბადით ხორცს საჭირო ფორმას მისცემთ. მზა კერძი ფორმას კარგად შეინარჩუნებს და მადისაღმძვრელი გამოვა. მაღაზიიის ან რესტორნის ვარიანტს არაფრით ჩამოუვარდება.
ინგრედიენტები:
- 500 გ ინდაურის ხორცი
- მარილი
- წიწაკა
- ნიორი
- ლიმონის წვენი
სოუსის ინგრედიენტები:
- 150 გ შტოში
- 2 ს/კ შაქარი
- 1 ჭიქა წყალი
- 1 ჩ/კ კარტოფილის სახამებელი
- სანელებლები (სურვილისამებრ)
მომზადების წესი:
- ბუჟენინისთვის ხორცი დასამარინადებლად მოამზადეთ. თუ ფილეს იყენებთ, ყველაფერი ზედმეტი მოაჭერით. თუ კანჭია, უსარგებლო ძვლები მოაშორეთ, მხოლოდ ხორცი დატოვეთ. ახლა სანელებლები, დაჭყლეტილი ნიორი, ლიმონის წვენი კარგად წაუსვით და მთელი ღამით მაცივარში შეინახეთ.
- ხორცი კარგად რომ დამარინადდეს, ჯერ პერგამენტში გაახვიეთ. ისე გააკეთეთ, რომ არ დაიშალოს. ხორცი ძაფით შეკარით, თუ აუცილებელია. ამის შემდეგ ხორცი ფოლგის ფენაში გაახვიეთ.
- ბუჟენინა საცხობ ფორმაში გადაიტანეთ და 180 გრადუსით საათი და 20 წუთით აცხვეთ. თუ ღუმელი საკმაოდ ძლიერია, მაშინ ცხობის დრო შეამცირეთ. ღუმელიდან გამოღების შემდეგ ზემოდან რაიმე სიმძიმე დაადეთ. ხორცის სრულად გაგრილებამდე გააჩერეთ.
- სანამ ბუჟენინა ცხვება, სოუსი მოამზადეთ. მხოლოდ ახალი შტოში შეარჩიეთ, დაზიანებული ან გადამწიფებული კენკრის გარეშე. მკვახე კენკრაც არ გამოგადგებათ, რადგან სოუსი მწარე გამოვა. გარდა ამისა, ასეთი სოუსი ალუმინის ჭურჭელში არ უნდა მოამზადოთ, რომ შტოშის მუსი არ გააფუჭოთ.
- წყალი, შტოში და შაქარი სუსტ ცეცხლზე ხარშეთ. ჯერ ნახევარი ჭიქა წყალი დაუმატეთ, მეორე ნაწილი წყალი სახამებლისთვის დატოვეთ. სახამებელი წყალში გახსენით და შტოშს დაუმატეთ, როცა კენკრა გასკდომას დაიწყებს. სოუსი კიდევ 3-4 წუთით გასქელებამდე ხარშეთ. სოუსი ოთახის ტემპერატურამდე გააგრილეთ, შემდეგ 30 წუთით მაცივარში შეინახეთ.
სახლის ბუჟენინა სადღესასწაულო სუფრისთვის – ბუჟენინა ინდაურით სუფრაზე ცხელი გაიტანეთ, რომ სტუმრებმა ცხელი ხორცის არომატით და გემოთი ისიამოვნონ. სიტყვაზე, თუ ცხარე სოუსის გაკეთება გსურთ, შესაფერისი სანელებლები დაუმატეთ. მაგალითად, ცხარე წიწაკა, პაპრიკა. ბუჟენინა შტოშის სოუსით ისეთი კერძია, რომლის ხშირად მომზადებას ისურვებთ.
