გამომცხვარი გოგრა ხაჭოთი შემოდგომის ნათელი ფერებით ათამაშდება, თუ ამ ინგრედიენტს კექსის ფორმას მისცემთ. ოქროსფერი ლამაზმანი თეთრი იოგურტის ბაზაზე მოამზადეთ. დამატკბობელის ნაცვლად თაფლი შეგიძლიათ გამოიყენოთ, ხოლო ჩვეული ხორბლის ფქვილი სიმინდის ან ბრინჯის ფქვილით ჩაანაცვლოთ. არა მხოლოდ ძალიან გემრიელი, არამედ სხეულის ფორმებისთვის უსაფრთხოა! ასეთი კექსით შეგიძლიათ ისაუზმოთ ან შუადღეს მიირთვათ. თუ კრემსაც მოამზადებთ, ნამდვილად სადღესასწაულო ტკბილეული გამოვა. Vivien ხაჭო–გოგრის კექსის რეცეპტს გიზიარებთ. მთელი შემოდგომა ასეთ ნამცხვარს ვაცხობ და არ მბეზრდება.
ინგრედიენტები:
- 300 გ გოგრის პიურე
- 2 კვერცხი
- 5-6 ს/კ ფქვილი
- 200-250 გ ხაჭო
- 5 ს/კ შაქარი (თუ გსურთ, თაფლით ჩაანაცვლეთ)
- 1 ჩ/კ გამაფხვიერებელი
- 5 ს/კ თეთრი იოგურტი
- დარიჩინი, ნიგოზი სურვილისამებრ
- მწიკვი მარილი
მომზადების წესი:
- კვერცხი, ხაჭო და იოგურტი ღრმა თასში ათქვიფეთ. იოგურტის ნაცვლად კეფირი ან არაჟანი შეგიძლიათ გამოიყენოთ. შაქარი ან თაფლი დაუმატოთ. თაფლი გემოვნებით დაუმატეთ. ერთგვაროვანი მასის მიღებამდე კარგად ათქვიფეთ.
- ფქვილი, გამაფხვიერებელი და მარილი დაუმატეთ. ფქვილი როგორც ხორბლის, ასევე ბრინჯი–სიმინდის შეიძლება იყოს, პროპორცია 50×50. კვლავ აურიეთ.
- გოგრა წინასწარ გამოაცხვეთ, შემდეგ პიურეს მიღებამდე დააბლენდერეთ.
- გოგრის პიურე ცომს დაუმატეთ. სურვილის შემთხვევაში ცოტა დარიჩინი და ნიგოზი დაუმატეთ. კარგად აურიეთ.
- კექსის ფორმას ზეთი წაუსვით, ცომი ჩაასხით და გაათანაბრეთ. წინასწარ 180 გრადუსამდე გახურებულ ღუმელში 40-45 წუთით მომზადებამდე აცხვეთ. მზაობა ხის ჩხირით შეამოწმეთ.
- მზა გოგრის კექსს შაქრის ფხვნილი მოაყარეთ ან ყველი მასკარპონეს კრემი იმავე შაქრის ფხვნილთან ერთად წაუსვით. ესეც ასე, არომატული ტკბილეული მზადაა. გემრიელად მიირთვით!
გოგრა ხაჭოთი შეიძლება გახდეს კერძი, რომელიც შემოდგომის ნაცრისფერ დღეებს გაალამაზებს და განწყობას აგიმაღლებთ. ამ ცომეულის არომატი იმდენად მაცდურია, რომ სამზარეულოდან გასვლა არ მოგინდებათ. რეცეპტი შეუდარებელია!
