10 საინტერესო ვარიანტი, რით ჩავანაცვლოთ კომბოსტო ტოლმაში

520

ყველა დიასახლისმა კლასიკური კომბოსტოს ტოლმის რეცეპტი ზეპირად იცის. ფარში, ხახვი და ბრინჯი აურიეთ, მარილი და წიწაკა გემოვნებით მოაყარეთ, შიგთავსი კომბოსტოს ფურცელში გაახვიეთ. რეცეპტი ერთი და იგივეა, მაგრამ ყველას განსხვავებული ტოლმა გამოსდის. გვსურს, რომ ტრადიციულ რეცეპტს რაღაც ორიგინალური შევმატოთ ან რომელიმე ინგრედიენტი შევცვალოთ, რომ ყველაზე გემრიელი კერძი მივიღოთ. თუ გამოცდილ და მობეზრებულ რეცეპტებთან ექსპერიმენტები არ გაშინებთ, Vivien გიამბობთ, რით ჩაანაცვლოთ კომბოსტო ტოლმაში. ამ ინგრედიენტის მომზადებას ყველაზე მეტი დრო სჭირდება. ზოგი კომბოსტოს ფურცლებს ხარშავს, ზოგი მიკროტალღურ ღუმელში ამზადებს. გთავაზობთ, რომ საერთოდ სხვა პროდუქტით ჩაანაცვლოთ. რითი? არჩევანი დიდია!

რით ჩავანაცვლოთ კომბოსტო ტოლმაში: საინტერესო ალტერნატივები – მაგალითად, აზერბაიჯანში ტოლმას ყურძნის ფოთლებში ახვევენ. გემრიელი, რბილი და არომატული გამოდის. გთავაზობთ სიას, რა შეგიძლიათ გამოიყენოთ კომბოსტოს ნაცვლად ყურძნის ფოთლების გარდა:

  • რევანდი
  • პეკინის კომბოსტო
  • სავოიის კომბოსტო
  • პირშუშხა
  • მოცხარი
  • ჭარხალი
  • ჩვეულებრივი ღოლო
  • ჭინჭარი
  • მანგოლდი
  • ჟოლო

თუ თამამი ექსპერიმენტების გეშინიათ, მცირედით დაიწყეთ. თეთრი კომბოსტოს ნაცვლად პეკინის კომბოსტო გამოიყენეთ. ის უფრო ნაზი და რბილია, მასში ტოლმას უფრო მარტივად გაახვევთ. შემდეგ ჟოლოს და მოცხარის ფოთლები აუცილებლად სცადეთ. ვერ შეამჩნევთ, ისე შეხვალთ როლში და ნაცნობ რეცეპტზე თამამად ჯადოქრობას დაიწყებთ. კიდევ ერთი ვარიანტი. კომბოსტოს ნაცვლად ოროვანდის ფოთლები გამოიყენეთ. საოცრად ნაზი და გემრიელია, შიგთავსის გემოს წარმატებით ხაზს უსვამს. თავდაპირველად ზედმეტი სიმწარე მოაშორეთ. ამისთვის მარილიან წყალში რამდენიმე საათით გააჩერეთ.

როგორც ხედავთ, ბევრი ვარიანტი არსებობს, რომ ტოლმის გემო გაამრავალფეროვნოთ. უდავოდ, პარალელურად შიგთავსითაც ექსპერიმენტები შეგიძლიათ ჩაატაროთ. მაგალითად, ცოტა შემწვარი ქამა სოკო დაუმატეთ.