ბუნებაში გასვლისას ყველაზე ხშირად მწვადს ვამზადებთ. ეს ჩვეული და ძალიან გემრიელია. იქმნება შთაბეჭდილება, რომ მწვადი ყველაზე სწორი ვარიანტია. არადა შემწვარი ხორცის ბევრი ალტერნატივა არსებობს, რომელიც სიმარტივით და უჩვეულობით გაგაოცებთ. Vivien გიამბობთ, რა მოამზადოთ მწვადის ნაცვლად მინიმალურ დროში. თუ ყოველ პიკნიკზე მწვადის მომზადება მოგბეზრდათ, რაღაც ახალი სცადეთ. ქვემოთ მოცემულ რეცეპტებს ყურადღება მიაქციეთ. მორიგ პიკნიკზე მოამზადეთ და მიხვდებით, რომ მწვადი ბუნებაში სუფრის მეფე არაა.
რა მოვამზადოთ მწვადის ნაცვლად: 4 ვარიანტი
1. კობრი ღვინის მარინადში გისოსზე
ინგრედიენტები:
- 2 კობრი
- 2 ხახვი
- თეთრი მშრალი ღვინო გემოვნებით
- 1 ლიმონის წვენი
- 0,5 ჩ/კ შავი წიწაკა
- მარილი გემოვნებით
- ხორბლის ფქვილი გემოვნებით
მომზადების წესი:
- თევზი გაწმინდეთ. ხახვი მსხვილ რგოლებად დაჭერით.
- მარილი, წიწაკა, ღვინო და ლიმონის წვენი ღრმა თასში აურიეთ.
- ხახვი ქვაბში ჩაყარეთ, ზემოდან თევზი დაადეთ. ღვინის მარინადი დაასხით. ხახვის და თევზის ფენები მონაცვლეობით ჩააწყვეთ. მარინადი დაასხით და 2 საათით გააჩერეთ.
- ხახვი მოაშორეთ. თევზს ხორბლის ფქვილი მოაყარეთ. გისოსს ცხიმი წაუსვით და ფქვილი მოაყარეთ. ზემოდან თევზი დაადეთ.
- თევზი მომზადებამდე შეწვით.
2. ბადრიჯანი სალით შამფურზე
ინგრედიენტები:
- 4 ბადრიჯანი
- 300 გ სალა
მომზადების წესი:
- სალა პატარა ნაჭრებად დაჭერით.
- ბადრიჯანი კარგად გარეცხეთ და გაამშრალეთ. ბოსტნეული რგოლებად დაჭერით.
- ბადრიჯანი და სალა მორიგეობით შამფურს ჩამოაცვით.
- მომზადებამდე შეწვით და სუფრაზე გაიტანეთ.
3. ქვაზე გამომცხვარი თევზი
ინგრედიენტები:
- 2 თევზი
- მარილი გემოვნებით
- დაფქული შავი წიწაკა გემოვნებით
- 2 ჩ/კ პაპრიკა
- 1 ჩ/კ ბეგქონდარა
მომზადების წესი:
- თევზი გაწმინდეთ. მარილი და წიწაკა მოაყარეთ. სანელებლები კარგად წაუსვით.
- ბრტყელი ქვის ფილა შეარჩიეთ. ნახშირზე გააცხელეთ.
- ქვაზე თევზი დადეთ და 15 წუთით დაელოდეთ.
- თევზი გადააბრუნეთ. კიდევ 15 წუთით მოამზადეთ. გემრიელად მიირთვით!
4. კარტოფილი ბეკონით შამფურზე
ინგრედიენტები:
- 1 კგ კარტოფილი
- 300 გ ბეკონი
- მარილი გემოვნებით
- დაფქული შავი წიწაკა გემოვნებით
მომზადების წესი:
- ბეკონი პატარა ნაჭრებად დაჭერით.
- კარტოფილი კარგად გარეცხეთ, ჯაგრისი გამოიყენეთ. რგოლებად დაჭერით. მარილი და წიწაკა მოაყარეთ.
- კარტოფილი და ბეკონი მონაცვლეობით შამფურზე ააწყვეთ.
- ცეცხლზე გააჩერეთ, პერიოდულად ატრიალეთ. მომზადებამდე შეწვით. კარტოფილი სუფრაზე შეგიძლიათ გაიტანოთ!
ამ რეცეპტებით მომზადებული თევზი და ბოსტნეული საოცრად გემრიელია. ამის შემდეგ მწვადს დაივიწყებთ.
