ბევრი რამ, მათ შორის ძვლების ჯანმრთელობა საკვების არჩევაზეა დამოკიდებული. კალციუმის მიღება არ უნდა დაგავიწყდეთ!
- სეზამის თესლი – შეიცავს უჯრედისს, ასევე ომეგა 3 ცხიმოვან მჟავას, რომელსაც ქოლესტერინის დონის, ანთების შემცირება შეუძლია და ტვინის და ნერვული სისტემის შეუფერხებელ მუშაობას უზრუნველყოფს. რაციონში მეტი თესლი რომ ჩართოთ, სეზამი თქვენს საყვარელ სალათს მოაყარეთ.
- პარკოსანი – ლობიო ძვლების გასაძლიერებლად ბევრ მკვებავ ნივთიერებას შეიცავს, როგორიცაა მაგნიუმი, კალციუმი და ფოსფორი, რომლებიც არა მხოლოდ ძვლებს და ძვლოვან მასას აძლიერებენ, არამედ ამ მასის დაკარგვას აფერხებენ, შფოთვას ამცირებენ და ძილს ხელს უწყობენ. კალციუმის გარდა პარკოსანი ორგანიზმს დამატებით საკვებ ნივთიერებებს მიაწვდის.
- სოიოს პროდუქტები – ტოფუ, ტემპე და სხვადასხვა სოიოს სასმელი ძვლების საშენი ცილებით მდიდარია. მართალია, შეიცავს მცენარეულ ნაერთებს, რომელმაც კალციუმის ათვისებას შეიძლება ხელი შეუშალოს.
- კომბოსტოსებრნი – ფურცლოვანი მწვანე ბოსტნეული, რომელსაც ჯვაროსან ბოსტნეულსაც უწოდებენ, რამდენიმე მკვებავ ნივთიერებას შეიცავს, რომლებიც ძვლების ჯანმრთელობას ხელს უწყობს. ასეთია K ვიტამინი და კალციუმი. სასარგებლო ბოსტნეულია ისპანახი, თალგამის მწვანილი, თეთრი და ფერადი კომბოსტო, ასევე ბროკოლი.
- კაკალი და ლეღვი – შეიცავს ძვლებისთვის საჭირო ნივთიერებებს, როგორიცაა მაგნიუმი და ფოსფორი. ეს მინერალები ერთად მუშაობს, რომ ძვლების მინერალური სიმკვრივე გააუმჯობესონ, რაც თავის მხრივ თავიდან აგაცილებთ ისეთ პირობებს, როგორიცაა ოსტეოპოროზი.
ძვლების ჯანმრთელობისთვის ადამიანს სჭირდება ყველა საკვები ნივთიერება დაბალანსებულ დიეტაში. როცა ახალგაზრდა ხართ, სხეული ახალ ძვლებს სწრაფად ავითარებს და ძვლების მასა იზრდება. სწორედ ამიტომ, სანამ დრო გაქვთ, ძვლებისთვის სასარგებლო პროდუქტების ჭამა დაიწყეთ.
