ცომეული კეფირის ცომით ჩემი ფავორიტია, რადგან მარტივად და სწრაფად მზადდება. როცა დრო არ მაქვს, სტუმრები გზაშია ან სული რაღაც ტკბილეულს მთხოვს, ხვეულებს ვაცხობ. შიგთავსსაც არ ვუმატებ. ისედაც საოცრად გემრიელი გამოდის. Vivien ჯანსაღი ცომეულის რეცეპტს გიზიარებთ.
ხვეულები ღუმელში – ხვეულებს კეფირით და ცოცხალი საფუარით მოვამზადებთ. თუ გსურთ, მშრალი საფუარი გამოიყენეთ. წესების მიხედვით, 1 გრამი მშრალი საფუარი 3 გრამი ახალი საფუარის ტოლია, მაგრამ იმ საფუარით იმოქმედეთ, რომელსაც გამოიყენებთ. როგორც წესი, შეფუთვაზე მითითებულია, თუ რა რაოდენობის ცომზეა გათვლილი.
ინგრედიენტები:
- 600 გ ხორბლის ფქვილი
- 200 მლ კეფირი
- 50 მლ რძე
- 75 გ კარაქი
- 2 კვერცხი
- 25 გ ცოცხალი საფუარი
- 60 გ შაქარი
- 0,5 ჩ/კ მარილი
- ყაყაჩო ან სეზამი მოსაყრელად
- 1 კვერცხის გული და ცოტა რძე წასასმელად
მომზადების წესი:
- რძე ოდნავ შეათბეთ, კარაქი გაადნეთ. ყველა ინგრედიენტი ერთგვაროვანი მასის მიღებამდე აურიეთ. ელასტიური ცომი მოზილეთ და 30-40 წუთით სითბოში გააჩერეთ. ცომი უნდა ამოვიდეს.
- ცომი ჩაზილეთ, ერთნაირი სისქის ფირფიტებად გააბრტყელეთ. ძალიან თხელი არ გააკეთოთ. ცომი სამკუთხედებად დაჭერით, შემდეგ თითოეული დაახვიეთ. ფართო მხრიდან დაიწყეთ, რომ ხვეულა გამოვიდეს.
- ღუმელი 180 გრადუსამდე გაახურეთ. ამ დროში პერგამენტდაფარებულ საცხობ ფორმაზე ხვეულები გადაიტანეთ. ცოტა ხნით გააჩერეთ.
- კვერცხის გული და რძე ათქვიფეთ. თითოეულ ხვეულას მიღებული ნარევი საცხობი ფუნჯით წაუსვით. ხვეულებს ყაყაჩო ან სეზამის თესლი გემოვნებით მოაყარეთ.
- ხვეულები 180 გრადუსზე 20-30 წუთით აცხვეთ. დრო თქვენი ღუმელის სიმძლავრის მიხედვით დაარეგულირეთ. გემრიელად მიირთვით!
რედაქციის რჩევა – საფუარის ხვეულები ახალი ფერებით ათამაშდება, თუ დახვევამდე რაიმე ჯემს დაუმატებთ. მთავარია, ბევრი არ დაუმატოთ, რომ ცომმა პრეტენზია არ გამოთქვას.
ჩვენთვის მნიშვნელოვანია, რომ თქვენ დაუჭირეთ მხარი ჩვენს პროექტს. მოიწონეთ და გაუზიარეთ სტატია მეგობრებს
