რეცეპტები იაფი ინგრედიენტებით ყოველთვის მოთხოვნადია. იაფად გემრიელი კერძის მომზადება ხომ ნამდვილი ხელოვნებაა. ასაკოვან ხალხს კარგად ახსოვს ლანგოში, რომელიც სკოლის სასადილოში 4 კაპიკად იყიდებოდა. ეს ტაფაზე შემწვარი ჩვეულებრივი საფუარის კვერია. საოცრად მაგარია და დაუვიწყარი გემო აქვს! Vivien გირჩევთ, რომ რეცეპტი დაიმახსოვროთ. მარტივი და უპრეტენზიოა. ყველა ინგრედიენტს ნებისმიერ მაღაზიაში იაფად იპოვით.
ინგრედიენტები:
- 1,5 ჭიქა თბილი წყალი
- 1 ს/კ შაქარი
- 10 გ მშრალი საფუარი
- 400 გ ფქვილი
- 0,5 ჩ/კ მარილი
მომზადების წესი:
- სუფრის კოვზი შაქარი თბილ წყალში გახსენით და 10 გ მშრალი საფუარი დაუმატეთ. კარგად აურიეთ და 5 წუთით გააჩერეთ.
- სანამ საფუარი იხსნება, 400 გ ფქვილს ნახევარი ჩაის კოვზი მარილი დაუმატეთ. საფუარის ხსნარი დაუმატეთ და მოზილეთ. წელვადი ცომი უნდა მიიღოთ.
- ცომი ნახევარი საათით სითბოში გააჩერეთ, რომ საფუარმა გააქტიურება მოასწროს. ამის შემდეგ ჩაზილეთ და კიდევ 20 წუთით სითბოში გააჩერეთ.
- ამოსული ცომი ფქვილმოყრილ ზედაპირზე გადაიტანეთ. ცომი ჩაზილეთ და ხუთ ნაწილად დაყავით. პარკი დააფარეთ და 15 წუთით გააჩერეთ.
- ტაფა ქურაზე დადგით და მცენარეული ზეთი დაასხით. ცომიდან ტაფის ზომის კვერები გააკეთეთ და საშუალო ცეცხლზე ორივე მხრიდან 2 წუთით შეწვით.
- მზა ლანგოში ქაღალდის პირსახოცზე გადაიტანეთ, რომ ზედმეტი ცხიმი მოაშოროთ. ზემოდან შაქარი მოაყარეთ და მზა კერძით ისიამოვნეთ.
ჩვენთვის მნიშვნელოვანია, რომ თქვენ დაუჭირეთ მხარი ჩვენს პროექტს. მოიწონეთ და გაუზიარეთ სტატია მეგობრებს
