უკრაინაში, კერძოდ ჩერნიგოვში წითელი ბორშის მომზადების რეცეპტი გონებას უკვე მომზადების ეტაპზე აფორიაქებს. როცა მასში შემავალი ინგრედიენტების შესახებ გავიგე, რბილად რომ ვთქვათ, შოკში ვიყავი. დარწმუნებული ვარ, რომ ასეთი ბორში ნამდვილად არ მოგიმზადებიათ. დაინტერესდით? Vivien ბორშის ამ რეცეპტით მომზადებას გირჩევთ.
წითელი ბორშის რეცეპტი – ჩერნიგოვური ბორშის მოსამზადებლად არა მხოლოდ ჩვეული ინგრედიენტები დაგჭირდებათ. რეცეპტში ვაშლი, ნიახური და ყაბაყიც შედის. ალბათ, პროდუქტების ასეთი კომბინაციით ბორშის მომზადება ჯერ არ გიცდიათ. შედეგი ასეთ კულინარიულ ექსპერიმენტად ნამდვილად ღირს. შეგახსენებთ: ბორშისთვის ლობიო წინა ღამით უნდა ჩაალბოთ. ეს გაითვალისწინეთ, თუ წითელი ბორშის მოხარშვას დილით აპირებთ, რომ სადილზე გემრიელი წვნიანი მიირთვათ.
ინგრედიენტები:
- 5 ლ წყალი
- 500 გ ღორის ხორცი
- 800 გ კომბოსტო
- 400 გ ჭარხალი
- 400 გ კარტოფილი
- 50 გ ლობიო
- 2 სტაფილო
- 2 ხახვი
- 1 ვაშლი
- 200 გ ყაბაყი
- 80 გ ნიახურის ფესვი
- 50 გ პომიდვრის პასტა
- 40 გ ერბო
- 40 მლ მცენარეული ზეთი
- 20 მლ ძმარი
- 1 დაფნის ფოთოლი
- მარილი და შაქარი გემოვნებით
- ბაჰარის და შავი წიწაკის მარცვლები გემოვნებით
მომზადების წესი:
- ღორის ხორცს წყალი დაასხით, ქვაბი ქურაზე დადგით და ადუღებამდე მიიყვანეთ. წარმოქმნილი ქაფი მოხადეთ, ცეცხლს დაუწიეთ. მომავალ ბულიონს 1 სტაფილო, ხახვი, დაფნის ფოთოლი, ბაჰარის წიწაკა და შავი წიწაკის მარცვლები დაუმატეთ. ბულიონი 1,5-2 საათით ხარშეთ. ამ დროში ლობიო მოხარშეთ.
- ჭარხალი გათალეთ და ზოლებად დაჭერით. ღრმა ტაფაში მოათავსეთ, 50 მლ წყალი, ძმარი, მარილი და შაქარი გემოვნებით დაუმატეთ. ბოსტნეული სუსტ ცეცხლზე 20-30 წუთით ჩაშუშეთ.
- ხახვი, სტაფილო და ნიახური გათალეთ და მსხვილ სახეხზე გახეხეთ. ბოსტნეული ერბოში შეწვით. პომიდვრის პასტა დაუმატეთ, აურიეთ და კიდევ რამდენიმე წუთით ჩაშუშეთ.
- ხორცი ბულიონიდან ამოიღეთ და პატარა ნაჭრებად დაჭერით. სითხე გადაწურეთ და ისევ ქვაბში ჩაასხით. ქურაზე დადგით. ღორის ხორცის ნაჭრები დაუმატეთ. დაქუცმაცებული ყაბაყი მცენარეულ ზეთში შეწვით.
- ბულიონს დაქუცმაცებული ყაბაყი, შემწვარი ბოსტნეული, ჩაშუშული ჭარხალი და მოხარშული ლობიო დაუმატეთ. კარტოფილი გათალეთ, კუბებად დაჭერით და ქვაბს დაუმატეთ. კომბოსტო და ვაშლი წვრილად დაჭერით. ინგრედიენტები ბულიონს დაუმატეთ. მარილი და წიწაკა გემოვნებით დაუმატეთ.
- წითელი ბორში სუსტ ცეცხლზე კიდევ 30 წუთით ხარშეთ. კომბოსტოს და კარტოფილის მომზადებით იხელმძღვანელეთ. ბორში ახალ არაჟანთან და მწვანილთან ერთად სუფრაზე გაიტანეთ. მზადაა!
- გირჩევთ, რომ ნაჯერ წითელ ბორშს არომატული პამპუშკები მიაყოლოთ. გემრიელად მიირთვით!
