მეცნიერები უკვე არა ერთი ათასწლეული ჯანმრთელობის და დღეგრძელობის საიდუმლოებებს დაუღალავად ეძებენ. საბედნიეროდ, თანამედროვე ლაბორატიული აღჭურვილობის და ანალიზის სისტემის გამოგონებით მეცნიერებს საქმე გაუმარტივდათ. ახლა მკვლევარებს შეუძლიათ უჯრედული მდგომარეობა ადვილად განსაზღვრონ, სასარგებლო თვისებები გამოყონ და მიხვდნენ, რა გავლენას ახდენს ორგანიზმზე. ახალგაზრდობის ელექსირი ჯერ კიდევ ვერ გამოიგონეს, მაგრამ მეცნიერები ასახელებენ პროდუქტებს, რომელთაც მეხსიერების გაუმჯობესება და უჯრედების კვდომის პრევენცია შეუძლიათ. რაციონში ჩართეთ და თავს უჯრედულ დონეზე უკეთ იგრძნობთ. ეს არა მხოლოდ სასარგებლო, არამედ გემრიელიც არის!
ჯანმრთელობის და დღეგრძელობის საიდუმლოებები: რატომ უნდა მიირთვათ ფოთლოვანი მწვანილი – მეცნიერთა საერთაშორისო ჯგუფები ძლიერი ჯანმრთელობის საიდუმლოებებს სწავლობენ. ის კანადელი, იაპონელი და გერმანელი მკვლევარებისგან შედგება. მათ K ვიტამინის წარმოუდგენელი სარგებელი აღმოაჩინეს. ეს ვიტამინი ყველაზე ხშირად ფოთლოვან მწვანილში გვხვდება. ადრე ცნობილი იყო, რომ ეს კომპონენტი სისხლის შედედების ხარისხის გასაზრდელად მნიშვნელოვანია, მაგრამ მეცნიერებმა ახალი სარგებელი აღმოაჩინეს.
აღმოჩნდა, რომ K ვიტამინი ძლიერი ანტიოქსიდანტია, რომელიც უჯრედების კვდომას აფერხებს. დღეს გავრცელებული დემენციის, იგივე ალცჰაიმერის დაავადების მიზეზი სწორედ უჯრედების კვდომაა. ბევრ K ვიტამინს შეიცავს ისპანახი, კომბოსტო, ოხრახუში, ლობიო, ბარდა, პრასი, მოცვი, ავოკადო და სტაფილო. მეცნიერები გირჩევენ, რომ ეს პროდუქტები რაციონში ჩართოთ, თუ ახალგაზრდობის დიდხანს შენარჩუნება გსურთ.
რა თქმა უნდა, საკუთარ თავს იმის ჭამა არ უნდა აიძულოთ, რაც არ მოგწონთ. გახსოვდეთ, რომ ზემოთ ჩამოთვლილი პროდუქტების სუფთა სახით მიღება აუცილებელი არაა. ამ ინგრედიენტებით ვიტამინებით მდიდარი მწვანე სალათა, სმუზი, წასახემსებელი ან გარნირი მოამზადეთ. სასარგებლოს და სასიამოვნოს შესანიშნავი კომბინაციაა!
