უყურადღებობა და უხარისხო ნახევრად მზა პროდუქტი ორი ძირითადი მიზეზია, რატომ გიწევთ ჩახარშული პელმენის ჭამა. ალბათ, ერთხელ მაინც გაგცრუებიათ იმედი, როცა ქვაბიდან დაშლილი ცომი და ფარში ამოიღეთ. Vivien–თან ერთად მსგავსი პრობლემა შეუდარებელი ვახშმის მომზადებაში ხელს ვერ შეგიშლით. ნახეთ, რა უნდა გააკეთოთ, თუ პელმენი მაინც ჩაიხარშა. ორი გამოსავალი არსებობს. უმარტივესი ვარიანტი: პელმენი არაჟანსა და სანელებლებში ჩაშუშეთ. ორიგინალური მეთოდი მობრაწულის მომზადებას გულისხმობს. ასეთი კერძი ძალიან ჩახარშული პელმენითაც გემრიელი გამოვა.
პელმენი ჩაიხარშა: რა გავაკეთოთ
1. პელმენი არაჟანში ჩაშუშული
ინგრედიენტები:
- 300 გ პელმენი
- 200 გ არაჟანი
- 50 მლ წყალი
- 20 მლ მცენარეული ზეთი
- მარილი გემოვნებით
- დაფქული შავი წიწაკა გემოვნებით
- 0,5 ჩ/კ პაპრიკა
- 10 გ მწვანე ხახვი
მომზადების წესი:
- ტაფა გააცხელეთ და მცენარეული ზეთი დაუმატეთ. მზა პელმენი ტაფაზე გადაიტანეთ და თითოეული მხრიდან 2 წუთით შეწვით.
- ღრმა თასში 15%–იანი არაჟანი და წყალი აურიეთ. შავი წიწაკა, პაპრიკა და მარილი დაუმატეთ. კარგად აურიეთ.
- არაჟნის სოუსი პელმენს მოასხით და ადუღებამდე მიიყვანეთ. ცეცხლს დაუწიეთ და თავდახურულ ტაფაზე 7-8 წუთით ჩაშუშეთ.
- წვრილად დაჭრილი მწვანე ხახვი პელმენს მოაყარეთ და სუფრაზე გაიტანეთ.
2. მობრაწულა ყველის ქუდით
ინგრედიენტები:
- 300 გ პელმენი
- 3 კვერცხი
- 100 გ არაჟანი
- 100 გ ხმელი ყველი
- 200 გ ხახვი
- 30 მლ მცენარეული ზეთი
- დაფქული შავი წიწაკა გემოვნებით
- მარილი გემოვნებით
მომზადების წესი:
- მოსასხმელი მოამზადეთ. ღრმა თასში კვერცხი და მარილი ათქვიფეთ. 20%–იანი არაჟანი და შავი წიწაკა დაუმატეთ. ერთგვაროვანი მასის მიღებამდე კარგად აურიეთ.
- ხმელი ყველი მსხვილ სახეხზე გახეხეთ.
- ხახვი გაასუფთავეთ. პატარა კუბებად დაჭერით. ხახვი მცენარეულ ზეთში ოქროსფერ შეფერილობამდე შეწვით.
- საცხობ ფორმას ზეთი წაუსვით. მზა პელმენი თანაბარ ფენად დააწყვეთ. ცოტა წიწაკა დაუმატეთ.
- შემწვარი ხახვი დაუმატეთ და არაჟნის ნარევი მოასხით. 180 გრადუსამდე გახურებულ ღუმელში 30 წუთით აცხვეთ.
- მობრაწულას გახეხილი ყველი მოაყარეთ და კიდევ 10 წუთით აცხვეთ. შეწითლებული მობრაწულა ყველის ქუდით მზადაა!
გამომცხვარი კერძი ოქროსფერი ქერქით ოდნავ შეაგრილეთ და სუფრაზე გაიტანეთ. ასე არომატული არაჟნის სოუსით, გემრიელი პელმენის ბაზით და წელვადი ყველით სრულად ისიამოვნებთ. გემრიელად მიირთვით!
