ნატალია ლაზურენკოს, დიეტოლოგის და ენდოკრინოლოგის თქმით, ხელმისაწვდომი სეზონური ბოსტნეული (მაგალითად, კიტრი), როგორც ბუნებრივი ანტიჰიპერტენზიული საშუალება, ძალიან ეფექტური შეიძლება იყოს.ექიმი ასახელებს ხელმისაწვდომ სეზონურ პროდუქტებს მაღალი არტერიული წნევის შესამცირებლად. ცალკე გამოყოფს კიტრს, როგორც ერთ–ერთ საუკეთესო პროდუქტს. ენდოკრინოლოგის თქმით, ახლა ეს ბოსტნეული სიმწიფის პიკზეა, ანუ მასში სასარგებლო ნივთიერებების მაღალი კონცენტრაციაა. ექიმი აზუსტებს, რომ კიტრის მიღებით არტერიული წნევის ბუნებრივი კონტროლი უმჯობესდება, სისხლძარღვების ტონუსი ნარჩუნდება.
„იმის მიუხედავად, რომ კიტრი ბევრ წყალს შეიცავს, მასში ბევრი მიკროელემენტი გვხვდება, რომლებიც არტერიულ წნევას და გულ–სისხლძარღვთა სისტემის მუშაობას არეგულირებენ“ – ამბობს ლაზურენკო.
მნიშვნელოვანია: კიტრი მკაცრად უმარილო უნდა მიირთვათ. ასეთ კიტრში კალიუმის და ნატრიუმის დაბალანსებული თანაფარდობაა.პომიდორი კიდევ ერთი სასარგებლო სეზონური პროდუქტია. მასში შემავალი ლიკოპინები გულ–სისხლძარღვთა სისტემის მუშაობაზე პოზიტიურად მოქმედებს, ნივთიერებათა ცვლის პროცესების ხარისხის გაუმჯობესებას ხელს უწყობს.ნატალია ლაზურენკო ხაზს უსვამს, რომ პროდუქტები მედიკამენტებად არ უნდა აღვიქვათ. იმავე ჰიპერტონიას ვერ განკურნავს, მაგრამ მათგან მიღებული მნიშვნელოვანი მკვებავი ნივთიერებების წყალობით ორგანიზმი თავის ფუნქციებს უკეთ ასრულებს და წარმოქმნილ დარღვევებს ნაკლები დანაკარგით იტანს.
