როგორ მოვამზადოთ იისფერი კარტოფილი სწორად? ამ მარტივი ბოსტნეულის გამო ნამდვილი სკანდალი შეიძლება ატყდეს. ზოგი დარწმუნებულია, რომ ასეთი კარტოფილი პიურესთვის არ გამოდგება. სხვები თვლიან, რომ იისფერი კარტოფილი როგორც პიურეს მოსამზადებლად, ასევე გამოსაცხობად, წვნიანსა და სალათებში დასამატებლად შესაფერისია. სად არის სიმართლე? მოდით, გავარკვიოთ.
იისფერი კარტოფილი – იისფერი კარტოფილის ჯიშების სიმრავლე გასაოცარია. არსებობს ლამაზი „სოლოხა“, რომლის რბილობი ზედმეტად გაჯერებულია. გვხვდება „ბოშა“, „ლურჯთვალა“ და სხვა. ფართო არჩევანია. მზად იყავით, ყველა ჯიში მომავალ პიურეს გაჯერებულ ფერს არ მისცემს. მაგალითად, ზოგიერთ სახეობას იისფერი ქერქი აქვს ან შიგნით ოდნავ შეფერილია. როგორც კი გაასუფთავებთ და მოხარშავთ, მთელ ფერს დაკარგავს. პიურე ნაცრისფერი გამოდის, თუნდაც რძეში კარგად გააზავოთ. თუ გსურთ იისფერი შეფერილობა, თითქოს შორეული კოსმოსიდან იყოს, მაშინ კარტოფილი შემოწმებულ ადგილებში შეიძინეთ.
უჩვეულო პიურე მწვანილით – ზოგადად, იისფერი კარტოფილის მოხარშვა ან გამოცხობა უახლოესი მეზობლისგან დიდად არ განსხვავდება. აღსანიშნავია, რომ იისფერი კარტოფილის გამოყენებისას პიურეს რძე არ უნდა დაუმატოთ. რძე ფერს გააზავებს და არა მხოლოდ გააღიავებს, არამედ ნაკლებად საინტერესოს გახდის. ფერის შეცვლის შესამცირებლად ცოტა წყალი გამოიყენეთ, რომელშიც კარტოფილი იხარშებოდა.
ინგრედიენტები:
- 500 გ იისფერი კარტოფილი
- 50 გ კარაქი
- 2 ს/კ ზეითუნის ზეთი
- სანელებლები
- ნიორი
- ქინძი
- ლიმონის წვენი
- ლიმონის ცედრა
მომზადების წესი:
- გასუფთავებული კარტოფილის ნაჭრები მარილიან წყალში დარბილებამდე მოხარშეთ. წყალი გადაასხით, ცოტა მომავალი პიურესთვის შეინახეთ. კარტოფილი საჭყლეტით დააქუცმაცეთ და კარაქი დაუმატეთ.
- ქინძი მაქსიმალურად წვრილად დაჭერით და ზეითუნის ზეთი აურიეთ. დაჭყლეტილი ნიორი, საყვარელი სანელებლები და ლიმონის წვენი დაუმატეთ. სოუსს ერთგვაროვანი მასის მიღებამდე კარგად აურიეთ. ბოლოს ცოტა ლიმონის ცედრა დაუმატეთ. შესაძლებლობის მიხედვით ხელის ბლენდერით დააბლენდერეთ. თუ არ გაქვთ, ისეთი დატოვეთ, როგორიც არის.
- კარტოფილის პიურე მწვანილის საკაზმით მორთეთ და მაგიდაზე გაიტანეთ. ცხელ ხორცთან იდეალური გარნირია. მაგალითად, ახალ მწვადს ან გრილზე შემწვარ თევზს უხდება.
ექსპერიმენტების ადგილი – იისფერი კარტოფილი სამზარეულოში ექსპერიმენტებისთვის ნამდვილი პლატფორმა შეიძლება გახდეს. არა მხოლოდ გემრიელი, არამედ ლამაზია. უჩვეულო კერძების მომზადების და ოჯახის წევრების გამასპინძლების სურვილს აღვივებს. ასეთი კარტოფილი ანტიოქსიდანტებით მდიდარია. სასარგებლო კალიუმს და რკინას შეიცავს, რომელიც ორგანიზმზე დადებით გავლენას ახდენს.
რა თქმა უნდა, ადამიანებს, რომელთაც საჭმლის მომნელებელი სისტემის პრობლემები აქვთ, ფრთხილად უნდა იყვნენ. თუ უჩვეულო კერძის გასინჯვას გეგმავთ, მცირე პორცია მოამზადეთ. ასე ადვილად მიხვდებით, რა რეაქცია ექნება ორგანიზმს ახალ პროდუქტზე. გარდა ამისა, ალერგიულმა ხალხმა სიფრთხილე უნდა გამოიჩინოს. შესაძლოა, კარტოფილის ნაჯერი ფერი ორგანიზმისთვის აუტანელი აღმოჩნდეს.
