გსურთ გაიგოთ, როგორ მოამზადოთ იდეალური კიტრის მწნილი რასოლნიკისთვის? Vivien დეტალურად გიამბობთ. უმარტივესი, მაგრამ საიმედო რეცეპტია. თითოეულ ქილა მწნილს უსიამოვნო სიურპრიზებისგან დაიცავს. ბოსტნეული არ გაფუჭდება. ასეთი კიტრი რასოლნიკს, ოლივიეს და მაწვნის წვნიანს შეგიძლიათ დაუმატოთ.
კიტრის მწნილი რასოლნიკისთვის – კიტრის მოსამზადებლად 6%–იანი ძმარი ძმარმჟავიდან (70%) მოამზადეთ. ერთი შეხედვით, რთული სქემაა, მაგრამ ნაჩქარევი დასკვნები არ გააკეთოთ. 1 წილი ძმარმჟავა (70%) 11 წილ ცივ წყალში გააზავეთ და კარგად აურიეთ. ასე აუცილებელ კონცენტრაციას მიიღებთ. ლიტრიანი ქილისთვის 6 ს/კ ძმრის საკაზმი დაგჭირდებათ.
ინგრედიენტები:
- 2 კგ კიტრი
- 1 ლ წყალი
- 10 კბილი ნიორი
- კამის ქოლგები
- მოცხარის ფოთლები
- 2 ჩ/კ ქინძი
- 18 ს/კ ძმრის საკაზმი
- ხახვის რგოლები
- 2 ს/კ მარილი
- 3 ს/კ შაქარი
- ბაჰარის წიწაკა
მომზადების წესი:
- კიტრი წინასწარ 3 საათით წყალში ჩაალბეთ. თითოეული კიტრი კარგად გარეცხეთ, ბოსტნეულს ბოლოები მოაჭერით და ცივი წყალი დაასხით. ამ დროში ქილები მოამზადეთ. სასურველია, გაასტერილოთ და გააშროთ.
- მშრალ ქილებში სუფთა მოცხარის ფოთლები, კამა, ბაჰარის წიწაკა, ნიორი და ქინძი ჩააფინეთ. ხახვი რგოლებად დაჭერით და რამდენიმე ცალი თითოეულ ქილას დაუმატეთ. აღსანიშნავია, რომ მოცემული მოცულობით 1,5–ლიტრიან 2 ქილას გაავსებთ.
- კიტრი ქილაში მოათავსეთ, ვერტიკალურად ჩააწყვეთ. თუ ძალიან პატარაა, ბოსტნეულს ადგილი შეგიძლიათ შეუცვალოთ. მთავარია, რომ ერთმანეთთან მაქსიმალურად ახლოს იყოს.
- მარილწყლის მოსამზადებლად წყალი აადუღეთ, მარილი და შაქარი გახსენით. ძმრის საკაზმიც მოამზადეთ. კიტრს მარილწყალი დაასხით, შემდეგ 9 ს/კ ძმრის საკაზმი თითოეულ ქილას დაუმატეთ.
- ქილებს თავსახური დაახურეთ და წყლიან ქვაბში მოათავსეთ. ქვაბის ძირში 2-3 ფენად გაკეცილი პატარა პირსახოცი ჩააფინეთ. ქილები სუსტ ცეცხლზე მანამ გააცხელეთ, სანამ კიტრი ფერს არ შეიცვლის.
- კიტრი ღია ზეთისხილისფერი უნდა გახდეს. ამ მომენტში ქილები ქვაბიდან ამოიღეთ და მოხუფეთ. ქილები შეფუთნეთ და გააგრილეთ. კონსერვები სიცივეში შეინახეთ.
მარტივი და სასარგებლო რეცეპტია. დამწყები დიასახლისიც გაუმკლავდება. გარდა ამისა, თუ ყველაფერს სწორად გააკეთებთ, ერთი ქილაც არ გაფუჭდება. გემრიელი კიტრი ნებისმიერი სალათისთვის შეგიძლიათ გამოიყენოთ. ოლივიეში ძალიან გემრიელია.
