არ იცით, რა გააკეთოთ დასვენების დღეებში? Vivien გთავაზობთ, რომ არომატული გარგარის წვენი ზამთრისთვის შეინახოთ. ყოველგვარი მავნე დანამატების გარეშე ნატურალური სასმელი გამოვა. საოცარი ფერი და სუნი აქვს. თითქოს ნაყოფი ამ სამყაროს საუკეთესო ბაღებში დაკრიფეს. 1 ჭიქა ასეთი წვენი ზამთარში განწყობას წამებში აგიმაღლებთ და თბილ დღეებს გაგახსენებთ.
გარგარის წვენი ზამთრისთვის
წვენის მოსამზადებლად მხოლოდ 3 ინგრედიენტი დაგჭირდებათ. ესაა, რა თქმა უნდა, გარგარი, წყალი და შაქარი. მშვენიერი ხილის არჩევას პასუხისმგებლობით მოეკიდეთ. იქნებ უფრო ტკბილი ჯიშის არჩევის შესაძლებლობა გაქვთ. ყველას არ მოსწონს გარგარის ბუნებრივი სიმჟავე.
ინგრედიენტები:
- 5 კგ გარგარი
- 5 ლ წყალი
- 650 გ შაქარი
მომზადების წესი:
- მოცულობითი ქვაბი მოამზადეთ. ხილი კარგად გარეცხეთ, კურკები მოაშორეთ და ორ ნახევრად გაყავით. გარგარი ქვაბში ჩააწყვეთ და წყალი დაასხით. წყალი ხილის ნაჭრებს აუცილებლად 2-3 სმ–ით უნდა ფარავდეს.
- გარგარის წვენი საშუალო ცეცხლზე ხარშეთ, პერიოდულად აურიეთ. მომზადების ამ ეტაპზე ქვაბში დაგროვებული ქაფის მოხდა საჭირო არაა. გარგარი ადუღებამდე მიიყვანეთ და დროებით ქურა გამორთეთ. ხილი უნდა დარბილდეს.
- დაელოდეთ, სანამ გარგარი ოდნავ გაგრილდება, შემდეგ ხელის ბლენდერით დააბლენდერეთ. ასე წვენის გაწურვის პროცესს დააჩქარებთ. თუ ბლენდერი არ გაქვთ, მაშინ საცერში გახეხეთ.
- აუცილებელი არაა, რომ წვრილი საცერი გამოიყენოთ. გარგარის პიურეს მისაღებად ჩამჩა ან ხის კოვზი გამოიყენეთ. პროცესი დიდ დროს არ წაგართმევთ, ხოლო ნარჩენები ძალიან ცოტა დარჩება.
- მომავალი წვენის სისქე შეაფასეთ. თუ გსურთ, რომ უფრო თხელი იყოს, წყალი დაუმატეთ. ლიმონის წვენის ან ლიმონმჟავას დამატება რეკომენდებული არაა, რადგან გარგარი ისედაც ნატურალურ სიმჟავეს ფლობს. ცოტა მეტი შაქარი შეგიძლიათ დაუმატოთ. წვენის გემო დამოუკიდებლად დაარეგულირეთ.
- ქილების სტერილიზაცია აუცილებელი არაა, მაგრამ თავსახურები სჯობს გაასტერილოთ. წვენი, რომელშიც შაქარი უკვე დამატებულია, ადუღებამდე მიიყვანეთ და წარმოქმნილი ქაფი მოხადეთ. გარგარის სასმელი ზუსტად 5 წუთით ხარშეთ.
ტკბილი გარგარის წვენი ზამთრისთვის – ცხელი სასმელი ქილებში გადაანაწილეთ და ოთახის ტემპერატურაზე გაგრილებამდე გააჩერეთ. დამატებითი მანიპულაციები საჭირო არაა. მაგალითად, ქილებს შეფუთვა და გადაბრუნება არ სჭირდება. უბრალო ოთახში და არა სარდაფში უპრობლემოდ ინახება. მზის პირდაპირ სხივებს მაინც მოარიდეთ.
გარგარის წვენი ზამთრისთვის მზადაა. მითითებული რაოდენობით ზუსტად 9 ლ გამაგრილებელ სასმელს მიიღებთ. იდეალური ვარიანტია, თუ ზამთარში ცხელი ზაფხული გენატრებათ. არ დახარჯოთ ფული წვენზე, რომელიც გაუგებარ ქიმიას შეიცავს. დარწმუნებული ვართ, რომ ასეთი წვენის ბევრჯერ მომზადებას ისურვებთ.
