ზაფხულში დესერტები, რომელსაც ცხობა არ სჭირდება და მარტივად მზადდება, ძალიან პოპულარულია. სიცხეში ცხელ ღუმელთან დგომა არავის სურს. Vivien გირჩევთ, რომ სეზონური ხილით ან კენკრით გემრიელი ტკბილეული მოამზადოთ. მაგალითად, ჩიზქეიქი კენკრით წლის ფავორიტია.
ნაზი, პირში მდნობი, არომატული ჩიზქეიქი როგორც ოჯახის წევრებს, ასევე სტუმრებს აღაფრთოვანებს. 60% ახალი კენკრის, ლიმონის ცედრისა და წვენისგან შედგება. მასში ფხვიერი ბისკვიტი, ყველის კრემი და კენკრიანი ჟელე იდეალურ კომბინაციას ქმნის. დღესვე მოამზადეთ ჩიზქეიქი ლურჯი მოცვით და გემრიელად მიირთვით.
ჩიზქეიქი ლურჯი მოცვით
ბისკვიტის ინგრედიენტები:
- 85 გ ფხვიერი ორცხობილა ან კრეკერი
- 40 გ კარაქი
კრემის ინგრედიენტები:
- 330 გ ნაღების ყველი
- 110 გ ნაღები
- 80 გ შაქრის ფხვნილი
- 1 ჩ/კ ვანილის ექსტრაქტი
- 200 გ ლურჯი მოცვი
- 10 გ ჟელატინი
- 35 მლ წყალი
- 20 გ შაქარი
- 0,5 ლიმონი (ცედრა და წვენი)
ჟელეს ინგრედიენტები:
- 150 გ ახალი კენკრა
- 150 მლ წყალი
- 5 გ ჟელატინი
- 20 მლ წყალი
- 15 მლ ლიმონის წვენი
- 10 გ შაქარი
- 1 ჩ/კ გაყინული კენკრა
მომზადების წესი:
- ორცხობილა დააქუცმაცეთ. საგორავი ან ბლენდერი გამოიყენეთ. ნაფშვენს გამდნარი კარაქი მოასხით და აურიეთ.
- 16-20 სმ დიამეტრის საცხობ ფორმაში ნაფშვენი მოათავსეთ და კარგად ჩატკეპნეთ. ბისკვიტის ფენა მაცივარში შეინახეთ.
- ლურჯი მოცვი პატარა ქვაბში ჩაყარეთ, შაქარი, ლიმონის ცედრა და წვენი დაუმატეთ. სუსტ ცეცხლზე ხარშეთ, სანამ შაქარი არ გადნება. ადუღებამდე არ მიიყვანოთ.
- ამის შემდეგ ლურჯი მოცვი დააბლენდერეთ და გაგრილებამდე გვერდზე გადადეთ. ჟელატინს ცივი წყალი დაასხით და გააჩერეთ.
- ნაღების ყველი, შაქარი და ვანილი ერთგვაროვანი მასის მიღებამდე ათქვიფეთ. ცალკე ნაღები და 10 გრამი შაქარიც ათქვიფეთ.
- ჟელატინი შეათბეთ. ლურჯი მოცვის მასა დაუმატეთ და დააბლენდერეთ. ნაღების ყველი დაუმატეთ და ათქვიფეთ. ნაღები ორ ნაწილად დაუმატეთ. ნაზი მასა ბისკვიტის ფენას მოასხით.
- ჟელატინს ცივ წყალი დაასხით და გააჩერეთ. ლიმონის წვენი, შაქარი და წყალი აურიეთ. ცოტა ლურჯი მოცვი დაუმატეთ. აურიეთ. კენკრა ამოიღეთ და თხევადი მასა ჟელატინს დაასხით.
- ჩიზქეიქს ახალი კენკრა მოაყარეთ, ჟელატინის 2/3 მასა დაასხით. პარკი დააფარეთ და საყინულეში შეინახეთ. 10 წუთი საკმარისია.
- დარჩენილი ჟელატინის მასა დაუმატეთ. მაცივარში მინიმუმ 5 საათით გააჩერეთ, რომ კარგად გამკვრივდეს.
- სურვილის შემთხვევაში ახალი დაჭრილი კენკრით და პიტნის ფოთლებით გააფორმეთ. გემრიელად მიირთვით!
რედაქციის რჩევა – ლურჯი მოცვის ნაცვლად გამოიყენეთ სხვა კენკრა, მაგალითად, ჟოლო, მოცხარი, მარწყვი. ასეც საოცრად გემრიელი და არომატული გამოვა!
